Նախագիծը չհաստատվեց. վարչապետը հիմնավորումներ է պահանջում
BLOGՏիգրանուհի Դավթյանը Ֆեյսբուքյան իր էջում գրում է.
Մշտապես խոսվում է չարաշահումների վերացման ու ՀՀ բյուջեից դուրս գրվող միջոցների ճիշտ կառավարման մասին: Այսօր, թերևս, ռիսկային օրինակի վառ դեպք գրանցվեց կառավարության նիստի ընթացքում:
Գործադիրի նիստի ժամանակ ներկայացվել է նախագիծ, ըստ որի կառավարությունը Արմավիրի մարզպետարանին պետք է տրամադրի 10 միլիոն դրամ, որը անհրաժեշտ է մարզպետարանում 2015 թվականի ամռան շոգ ամիսներին օդորակիչների շահագործման, ինչպես նաև մարզպետարանի համակարգչային տեխնիկայի և սարքավորումների թվաքանակի ավելացման արդյունքում առաջացած էլեկտրաէներգիայի ծախսը վճարելու համար:
Վերը նշված նախագիծը զայրացրել է վարչապետին, ով ասել է, որ մինչև չներկայացվի հստակ հիմնավորում, չեն հաստատի: Հովիկ աբրահամյանը նշել է, որ գումարը առանձնապես մեծ չափերի է, ու ինչ է նշանակում լրացուցիչ օգտագործել են, ինչի համար են օգտագործել: Գումարը առանձնապես մեծ չափերի է, ու մինչև մարզպետը չհիմնավորի ծախսած միջոցները, նախագիծը չի հաստատվի: