Խոշոր ավտովթար. Mercedes-ը կոտրել է վերգետնյա անցման երկաթե արգելապատնեշը (լուսանկար)
SOCIETYԱյսօր՝ ապրիլի 17-ին, խոշոր ավտովթար է տեղի ունեցել Երևանում:
Ժամը 22:00-ի սահմաններում, Հալաբյան-Արզումանյան փողոցների խաչմերուկում բախվել են Երևանի բնակիչներ, 28-ամյա Հակոբ Գյուրջյանի վարած Mercedes մակնիշի և 26-ամյա Մայիս Ավագյանի վարած Volkswagen Polo մակնիշի ավտոմեքենաերըր:
Ինչպես հայտնում է ֆոտոլրագրող Գագիկ Շամշյանը, բախման հետևանքով Mercedes-ն էլ դուրս է եկել երթևեկելի գոտուց, բախվել վերգետնյա անցման արգելապատնեշին՝ կոտրելով այն: Ըստ նախնական տեղեկությունների, վթարի հետևանքով, բարեբախտաբար, տուժածներ չկան: Օպերատիվորեն դեպքի վայր են ժամանել Արտակարգ իրավիճակների նախարարության Փրկարար ծառայության Երևանի թիվ հրշեջ-փրկարարական ջոկատից 1 մարտական հաշվարկ: Հրշեջ-փրկարարները հոսանքազրկել են ավտոմեքենաները, փակել Mercedes-ի գազաբալոնի փականը:
Օպերատիվորեն ժամանել են նաև Երևանի 1-03 շտապօգնության բժիշկների հերթապահ խումբը, ովքեր տեղում բուժօգնություն են ցուցաբերել վարորդներին, սակայն վերջիններս հրաժարվել են հիվանդանոց տեղափոխվելուց՝ հայտնելով, որ իրենք չեն տուժել: Օպերատիվորեն ժամանել են նաև ՀՀ ոստիկանության Պարեկային ծառայության Երևանի գնդի 3-րդ գումարտակի 3-րդ վաշտի պարեկները՝ գումարտակի հրամանատար Գոռ Առաքելյանի գլխավորությամբ:
Տեղում ուժեղացված ծառայություն են կատարել նույն վաշտի պարեկ Անահիտ Ասատրյանն ու կրտսեր պարեկ Տիգրան Հարությունյանը, որպեսզի հետաքրքրասեր վարորդները մեքենաները չկայանեն և խցանում տեղի չունենա, ինչը պարեկներին հաջողվել է: Իսկ հետաքրքրասեր վարորդների պակաս դեպքի վայրում չկար: Ժամանել են նաև ապահովագրական ընկերության ներկայացուցիչները: