Մահացել է Կրիշտիանու Ռոնալդուի նորածին որդին
SOCIETY«Մանչեսթեր Յունայթեդի» ֆուտբոլիստ Կրիշտիանու Ռոնալդուն հայտարարել է նորածին որդու մահվան մասին։ Այս մասին հայտնում է «ՌԻԱ Նովոստին»:
Ավելի վաղ հոկտեմբերին նա հայտարարել էր, որ իր սիրելին՝ Ջորջինա Ռոդրիգեսը երկվորյակների է սպասում։
«Խոր վշտով հայտնում ենք, որ մեր երեխան մահացել է: Սա ամենամեծ ցավն է, որ կարող են ապրել ծնողները: Միայն դստեր ծնունդն է մեզ ուժ տալիս ապրելու այս պահը հույսով և երջանկությամբ: Մենք ցանկանում ենք շնորհակալություն հայտնել բժիշկներին և բուժքույրերին՝ օգնության և խնամքի համար: Մեր երեխա, դու մեր հրեշտակն ես: Մենք միշտ կսիրենք քեզ»,- գրել է Ռոնալդուն:
Նշենք, որ ֆուտբոլիստը 37 տարեկան է, «Ոսկե գնդակի» հնգակի դափնեկիր: Նա ու Ջորջինա Ռոդրիգեսն իրենց առաջին դուստրն ունեցել են 2017 թվականին, աղջկան անվանել են Ալանա Մարտինա։ Ռոնալդուն ունի նաև որդի՝ Կրիշտիանու կրտսերը, որը ծնվել է 2010 թվականին: Նա ունի նաև երկվորյակներ՝ Եվան և Մատեոն, որոնք ծնվել են 2017 թվականին։