118 տարեկան 73 օրական. հայտնի է՝ ով է մոլորակի ամենատարեց բնակչուհին
SOCIETYՄոլորակի ամենատարեց բնակչուհի է ճանաչվել Անդրե անունով ֆրանսուհին, որը 118 տարեկան 73 օրական է: Այս մասին իր կայքում հայտնել է Գինեսի ռեկորդների գիրքը։
«Ռեկորդների գիրքը կարող է հաստատել, որ քույր Անդրեն (Ֆրանսիա, ծննդյան ամսաթիվ 1904թ. փետրվարի 11, աշխարհիկ անունը՝ Լյուսիլ Ռանդոն) այժմ պաշտոնապես Երկրի ամենատարեց բնակչուհին է: Նա 118 տարեկան 73 օրական է: Քույր Անդրեն դարձել է ամենատարեցը՝ նախկին ռեկորդակիր Կանե Տանակայի (Ճապոնիա) մահից հետո»,- ասված է հայտարարության մեջ։
Ռանդոնը 41 տարեկանում դարձել է միանձնուհի և 28 տարի աշխատել Վիշիի հիվանդանոցում, որտեղ օգնել է որբերին և տարեցներին։ 1979 թվականին ծառայության է անցել Սավոյում գտնվող մենաստանում։ 2009 թվականից նա ապրում է Թուլոնի ծերանոցում։
Քույր Անդրեն գործնականում ոչինչ չի տեսնում և լավ չի լսում, նա տեղաշարժվում է անվասայլակով։ Նա սիրում է շոկոլադ և ամեն օր մի բաժակ գինի է խմում։