Ադրբեջանցիները սպառնում են փակել ճանապարհը
SOCIETYHraparak.am-ը գրում է
Այսօր առավոտից Արցախում իրավիճակը լարված է։ Հատկապես լարված է եղել սահմանի արևմտյան հատվածը՝ թշնամին կրակ է արձակել Մարտակերտի եւ Գանձասարի ուղղությամբ՝ դիմելով սադրանքների: Մեր տեղեկություններով ՝ թշնամուն չի հաջողվել որևէ դիրք գրավել , սակայն լարվածությունը շարունակվում է, եւ Արցախում լուրեր են շրջանառվում, որ առաջիկա օրերին ադրբեջանցիները փորձելու են փակել Հայաստան-Արցախ ճանապարհը: Ադրբեջանցիները պատճառաբանում են, թե իրենք կառուցել են իրենց ճանապարհը, մինչդեռ հայկական կողմը ոչ միայն ճանապարհը չի կառուցել, այլև ճանապարհը կառուցելու շինմրցույթ հայտարարված չէ: Ի դեպ, այն այսօր պետք է կայանար, սակայն անհասկանալի պատճառներով չի կայացել:
Մեր տեղեկություններով, Արցախում խաղաղապահ առաքելություն իրականացնող ՌԴ զորակազմի հրամանատար, գեներալ-մայոր Անդրեյ Վոլկովն այս պահին գտնվում է Մոսկվայում, Արցախ է վերադառնալու վաղը: Նրա վերադարձին են սպասում Արցախում՝ հուսալով , որ իրավիճակը կկայունանա։ Հ
իշեցնենք, որ Արցախի ՊՆ-ն նույնպես հաղորդագրություն տարածեց, որում ասվում է, որ այսօր ժամը 09:00-ից սկսած, Արցախի Հանրապետության հյուսիսային և հյուսիս-արևմտյան սահմանագոտու մի շարք հատվածներում ադրբեջանական ստորաբաժանումները դիմել են սադրանքի՝ կատարելով շփման գիծը հատելու փորձեր, որոնք կասեցվել են ՊԲ ստորաբաժանումների ուժերով: Հայկական կողմից կորուստներ չկան: Իրադրությունը շարունակում է մնալ լարված: Կատարվածի մասին հանգամանալից տեղեկատվություն է տրամադրվել ռուսական խաղաղապահ զորակազմի հրամանատարությանը։
Անվճար Էլ. էներգիան արդեն հասանելի է բոլորին, անցե՛ք այս հղումով և համոզվեք ինքներդ՝ https://4q5w.short.gy/Solaron