«Հայաստանը կորցրել է իր ազդեցիկ համախոհներին Ռուսաստանում». «Փաստ»
POLITICS«Փաստ» օրաթերթը գրում է
rossaprimavera.ru-ն «Քաղաքագետ. Հայաստանը կորցրել է իր ազդեցիկ համախոհներին Ռուսաստանում» վերնագրով հոդվածում գրում է, որ ռուսական տեղեկատվական և փորձագիտական տարածքում Հայաստանի ազդեցիկ համախոհներ և համակիրներն այլևս չկան: Այդ մասին ֆեյսբուքյան իր էջում գրել է քաղաքական գիտությունների դոկտոր, էներգետիկ, տրանսպորտային և նյութատեխնիկական անվտանգության հարցերով հայ փորձագետ Վահե Դավթյանը:
«Հայաստանն այլևս չունի ազդեցիկ համախոհներ և համակիրներ ռուսական տեղեկատվական և փորձագիտական դաշտում»,- գրել է Դավթյանը։ Նրա խոսքով, իրավիճակը ավելի է վատանում այն պատճառով, որ Հայաստանի ազդեցիկ հակառակորդների թիվն էլ աճում է։ «Սա լուրջ մարտահրավեր է՝ հաշվի առնելով ռուսական լրատվամիջոցների և վերլուծական կենտրոնների հարաբերությունները քաղաքական և տնտեսական էլիտայի հետ», - ավելացրել է նա:
Այդ գրառման մեկնաբանության մեջ հայ քաղաքագետ Արա Պողոսյանն էլ գրել է, որ նախկինում Ադրբեջանի իշխանությունները բողոքում և ափսոսանք էին հայտնում, որ Հայաստանը չափազանց մեծ ազդեցություն ունի ռուսական իշխանական շրջանակների տեղեկատվական տարածության վրա։ «Սա խոսում է հայկական «փափուկ ուժի» վերջնական ոչնչացման մասին»,- գրել է նա։
Մանրամասները՝ «Փաստ» օրաթերթի այսօրվա համարում