Ընտրություններին տեխնիկան բերեցին, որ իրենց ընտրենք, մենք էլ խաբվեցինք․ Լոռու մարզի բնակիչները փակել են ճանապարհը
SOCIETYՇուտով ջեռուցման սեզոնն է, իսկ էլ. էներգիայի համար վճարում եք չափազանց շատ։ Իսկ դուք գիտե՞ք, որ այսուհետ էլ. էներգիան յուրաքանչյուր ընտանիքում կարող է լինել անվճար։ Սեղմեք և ծանոթացեք պայմաններին` ԱՅՍՏԵՂ
Լոռու մարզի բնակիչները փակել են ճանապարհը՝ պահանջելով կառավարությունից սկսել ճանապարհների շինարարական աշխատանքները։
«Մրցույթը հայտարարված է, կա կապալառու ընկերություն, որը մի քանի ամիս առաջ պետք է սկսած լիներ աշխատանքները, բաց առ այսօր բացի չափագրումից ճանապարհի վրա ոչինչ չի արվել, ոչ ոք չի եկել, նույնիսկ չափագրողները չեն եկել»,- ասացին նրանք։
Բնակիչները հայտնեցին, որ բոլոր միջոցներով փորձել են դիմել կառավարությանը այդ խնդրով, սակայն՝ ապարդյուն։
«Վարչապետը պատասխանել է մեր հարցադրմանը, նշել, որ աշխատանքներ են տարվում շինարարությունը սկսելու համար, սակայն չի արվել։ Կառավարությունից ասում են՝ գումարը փոխանցված է, բայց աշխատանքները չեն սկսվել։ Թող ՏԿԵ նախարարությունից ներկայացուցիչ գա ու պատասխանի ժողովրդի հարցերին»,- ասում են գյուղացիները։
Բնակիչներից մեկն էլ նշեց, որ ժողովրդի համբերության բաժակը լցվել է և այլև չեն կարող լուռ մնալ։
«Այսքան ժամանակ մենք մեզ համեստ ենք պահել, ոչ մի բան չենք ասել, խաբվել ենք, հավատացել ենք իրենց ասածներին։ Նույնիսկ ընտրությունների ժամանակ տեխնիկա բերեցին այստեղ, որ իրենց ընտրենք։ Հիմա իրենց հավատալու ենք միայն այն ժամանակ, երբ տրանսպորտը գա, այստեղ կանգնի իր շինարարներով, տեխնիկայով, այսպես էլ չի կարող շարունակվել»,- ասացին բնակիչները։