Վահան Քերոբյանի 10 «ստերը». ինչո՞ւ անկեղծ չէ հեղափոխական նախարարը

Շուտով ջեռուցման սեզոնն է, իսկ էլ. էներգիայի համար վճարում եք չափազանց շատ։ Իսկ դուք գիտե՞ք, որ այսուհետ էլ. էներգիան յուրաքանչյուր ընտանիքում կարող է լինել անվճար։ Սեղմեք և ծանոթացեք պայմաններին` ԱՅՍՏԵՂ

Էկոնոմիկայի նախարար Վահան Քերոբյանը երեկ հպարտորեն հայտարարել է, որ ինքը երբեք չի ստել: Ինչ խոսք, տեխնոլոգիաների դարում, երբ պաշտոնյայի ամեն խոսք ոչ միայն հիշվում է, այլ պահպանվում է նաև համացանցում, Քերոբյանի ասածը հաստատել կամ հերքելը որևէ խնդիր իրենից չի ներկայացնում: Եվ այսպես,  ստե՞լ է արդյոք երբևէ ՔՊ-ական նախարարը:

Վահան Քերոբյանը պաշտոնը ստանձնելու առաջին իսկ օրվանից հանրությանը կերակրում է սահմանին հերթ կանգնած պոտենցիալ ներդրողների մասին գեղեցիկ հեքիաթներով` առանց դրանց առկայության որևէ փաստացի ապացույցի: Դժվար թե, հետպատերազմյան Հայաստանում, որի տնտեսությունը գտնվում է, մեղմ ասած, ողբալի վիճակում, ներդրողներն այդքան պատրաստակամ լինեին հորդացող ինվեստիցիաներ կատարել:

Քերոբյանը վստահեցնում էր, որ Հայաստանը ունենալու է 319 տոկոսի հասնող զբոսաշրջության ոլորտի աճ: Առ այսօր գրանցված աճը նշված ոլորտում կազմում է 1 տոկոս:

Քերոբյանը խոստացել էր նաև նոր աշխատատեղեր բացել: Այնուհետև կառավարության դիմաց ցույց անող գործազուրկներին հորդորում էր գնալ Գեղարքունիքի մարզ և այնտեղ աշխատանք գտնել:

Նա խոստացել էր նաև գրանցված աշխատատեղերի ռեկորդ ապահովել, մինչդեռ վերջինիս պաշտոնավարումից մինչ օրս այս հարցում վիճակագրությունը  էական փոփոխություն չի կրել:

Քերոբյանը խոստանում էր ուղիղ աշխատել փոքր և միջին ձեռնարկատերերի հետ, սակայն այսօր ՓՄՁ ոլորտը ամենաանտեսվածն է կառավարության կողմից:

Էկոնոմիկայի նախարարը հայտարարում էր, որ գնաճի պայմաններում մարդիկ ավելի լավ են ապրում, քան մեկ տարի առաջ:  Թե որն է այս տնտեսական բանաձևի հիմքն ու տրամաբանությունը՝ դժվար է կռահել, սակայն հավատանք, եթե նման պնդում անում է ոլորտի ղեկավարը: Քերոբյանը նաև հայտարարում էր, որ Շվեյցարիան զարգացած տնտեսություն ունի, որովհետև վերջին 600 տարվա մեջ չի պատերազմել: Միևնույն ժամանակ, Քերոբյանը մոռանում է նշել շվեյցարական տնտեսության զարգացման մյուս հիմքերն էլ՝ կոռուպցիայի բացակայությունը, մենաշնորհների բացակայությունը, պետության աջակցությունը բիզնեսին, ճկուն բարեփոխումները: Պատերազմների բացակայության գործոնը վերը թվարկածի շարքում թերևս ամենավերջին գործոնն է:

Զբոսաշրջությունն էլ նախորդ տարի, ըստ Քերոբյանի, ռեկորդային աճ էր արձանագրել՝ 319 տոկոս, ինչ խոսք նման թիվը զարմացրեց անգամ զբոսաշրջության կոմիտեին, քանի որ վերջիններս էլ տեղյակ չէին, թե ինչպիսի ցնցող արդյունքներ են արձանագրել տարվա կտրվածքով:

Ամիսներ շարունակ նախարարը խոստանում է հայկական կողմի գնված լաստանավերի գործարկումը: Խոստումներով հանրությանը կերակրող պաշտոնյան շաբաթներ առաջ էլ հայտարարեց, որ  լաստանավերը ձեռք բերվել են, մնացել է միայն Վրաստանում Փոթիի օպերատոր հանդիսացող հոլանդական APM ընկերության թույլտվությունը, որին իրենք րոպե առ րոպե սպասում են։ Մինչ օրս նրանցից որևէ նորություն չկա:

Վերջերս Քերոբյանը այցելել էր Գյումրի և այնտեղ նրա ներկայացրած ծրագիրը «Դիստրիկտ» էկո թաղամաս կառուցելու, մյուսը՝ «չոր նավահանգիստ» կամ արդյունաբերական պարկ հիմնելու մասին էր, որի հեղինակը ՀՀ կառավարությունն է։ Ի դեպ, գյումրեցիները տևական ժամանակ է՝ լսում են Վահան Քերոբյանի այս ծրագրի մասին, երբեմն ժպտում, ինչպես ժպտում էին ու հումոր անում Գյումրիում թռչող տրամվայի (Սքայ Գյումրի) ծրագիրը քննարկելիս։

Ինչպես տեսնում ենք՝ խոստումները չպահելը և ստելը նախարարի համար նորություն չէ, և նա ստում է անգամ այն ժամանակ, երբ ասում է, որ երբեք չի ստել ...