Չեմ բացառում, որ արևմտյան որոշակի շրջանակներ ՀՀ իշխանությանը ճամբարափոխության առաջարկ են արել․ Սուրենյանց
POLITICSՓնտրում եք բարձր վարձատրվող աշխատանք՝ սեղմեք ԱՅՍՏԵՂ
Ադրբեջանի հետ մահացու բախումներից հետո Հայաստանն ավելի շատ աջակցություն «գտավ» ԱՄՆ-ի մոտ, քան իր դաշնակից Ռուսաստանի։ Ամերիկյան Fox News հեռուստաալիքն այսպես է նկարագրել Հայաստանի շուրջ ստեղծված իրավիճակը վերջին իրադարձություններից հետո՝ ներկայացնելով Հայաստանի անվտանգության խորհրդի քարտուղար Արմեն Գրիգորյանի հետ հարցազրույցը: Fox News-ի փոխանցմամբ՝ Հայաստանի պաշտոնյաները «անհանգստացած են», որ Ռուսաստանը շարունակում է զենք մատակարարել Հայաստանի հակառակորդին՝ Ադրբեջանին։
Հակառուսական տրամադրությունների ու ՀԱՊԿ-ի դեմ շարունակվող դժգոհությունների ֆոնին, ի՞նչ նոր զարգացումներ կարող են արձանագրվել առաջիկայում։
Անդրադառնալով հարցին, քաղաքագետ, «Դեմոկրատական այլընտրանք» կուսակցության նախագահ Սուրեն Սուրենյանցը ԼՈՒՐԵՐ․com-ի հետ զրույցում նշեց․
«Հայաստանում կան որոշակի հակառուսական տրամադրություններ, որոնք, մի կողմից օբյեկտիվ հիմք ունեն, որովհետև Ռուսաստանը կամ ՀԱՊԿ-ն չեն կատարում իրենց դաշնակցային պարտավորությունները, մյուս կողմից՝ գեներացվում են իշխանամերձ շրջանակների կողմից»:
Քաղաքական գործիչը չբացառեց, որ արևմտյան որոշակի շրջանակներ Հայաստանի իշխանությանը ճամբարափոխության առաջարկ են արել․
«Մեր որոշ գործիչներ էլ՝ առանց ռիսկերը հաշվարկելու, տրվել են գայթակղությանը: Սրանով հանդերձ՝ արտաքին քաղաքականության վեկտորալ փոփոխությունը քիչ հավանական եմ համարում»։
Արա Ալոյան