Ի՞նչ փոխհատուցում են ստանում բռնի տեղահանված և անօթևան դարձած արցախցիները Հայաստանում․ պարզաբանում
SOCIETYՓնտրում եք բարձր վարձատրվող աշխատանք՝ սեղմեք ԱՅՍՏԵՂ
«Արցախի կառավարության որոշմամբ, թե՛ Արցախում, թե՛ Հայաստանում իրականացնում ենք 40․000-ական դրամ վճարումների ծրագիրը։ Ինչպես Արցախում, այնպես էլ Երևանում և ՀՀ տարբեր մարզերում հաստատված արցախցիներն այդ գումարը հիմնականում ծախսում են բնակարանի վարձակալության համար»։
Նման վիճակագրություն ԼՈՒՐԵՐ․ com-ին է ներկայացրել ՀՀ-ում Արցախի հանրապետության կառավարության օպերատիվ շտաբի պետ Միքայել Վիրաբյանը։
«Վճարումները սկսել ենք արդեն, հուլիս ամսվա համար դրանք կատարված են, շուտով կսկսենք օգոստոս ամսվա վճարումները, որպեսզի աստիճանաբար հունի մեջ ընկնենք»,-մանրամասնեց Արցախի ներկայացուցիչը։
Հարցին, թե որքա՞ն է Արցախից բռնի տեղահանված և Հայաստանում ապրող արցախցի շահառուների թիվը, պաշտոնյան նշեց․
«Այս պահի դրությամբ հաշվառված է 20․372 մարդ»։
Ինչ վերաբերում է ծրագրի ժամանակացույցին և ժամկետներին՝ Վիրաբյանն ասաց հետևյալը․
«Ծրագիրը նախատեսված է 3 տարով, այսինքն՝ Արցախի կառավարության որոշմամբ՝ երեք տարվա ընթացքում այդ մարդիկ բնակարաններ են ստանալու»։