Աշխարհի 10 ամենառոմանտիկ վայրերը

LIFE 30 June, 2015 13:58

Ռոմանտիկան ամեն մարդ յուրովի է ընկալում: Մեկը սիրում է մեկուսի լողափերը, մյուսը՝ հնագույն ամրոցները, մեկ ուրիշն էլ՝ գեղեցիկ քաղաքները: Այս ամենը մեր մոլորակում բավականին շատ են:

Պալաու կղզիներ

Պալաու կղզիները գտնվում է Խաղաղ օվկիանոսում` Ֆիլիպիններից արևելք: Այդ հազվագյուտ արշիպելագում արգելված է որևէ շինարարությունը` բնության գեղեցկությունը պահպանելու համար: Սակայն վաղուց, շատ վաղուց՝ դեռևս մեր թվարկությունից առաջ, այդպիսի արգելքներ գոյություն չունեին: Այդ պատճառով այսօր այստեղ հնարավոր է հիանալ հնագույն բուրգերով, ամրոցների մնացորդներով և սեպագիր արձանագրություններով:

Palau Island

Ինչպես նաև այստեղ կան աշխարհում գոյություն ունեցող հազվադեպ կենդանիներ: Վաղուց հանդիպած չեք լինի մանդարին ձուկ կամ մրգային թռչող մուկ: Իսկ նարնջագույն մեդուզաները, որոնք ապրում են Ջելլիֆիշ մեդուզաների լճում, շատ տարիներ առաջ կորցրել են իրենց պաշտպանական ֆունկցիաները. նրանք չեն կարող խայթել, առանց վախենալու կարող եք բռնել:

Palau Island , Mandarin Fish

Աֆրոդիտեի ծովածոց, Կիպրոս

Հսկայական քարեր, որոնք պարկած են այստեղի ափերին. դրանք պարզապես քարեր չեն: Այդ քարերը այդտեղ նետել է Դիգենիս հերոսը, որպեսզի ծովային ուղուց շեղի թշնամիների նավերին: Դրա համար պաշտոնապես այս վայրը անվանում են Рetra tou romiou` «Հույնի քար»: Բայց լեգենդը ասում է, որ հենց այստեղ անհիշելի ժամանակներից ծովից ափ է դուրս եկել սիրո Աստվածուհի Աֆրոդիտեն:

Rocks of Aphrodite, Paphos, Cyprus

Այստեղ է գտնվում քարանձավը, որտեղ նա լոգանք է ընդունել՝ պատրաստվելով հանդիպումներին: Այսօր իհարկե հենց քարանձավում լողալ չեն թույլատրում. չէ որ ոչ բոլորը պետք է ունենան աստվածային գեղեցկություն: Սակայն այն մինչև այժմ էլ չի կորցրել իր գեղեցկությունը և ծովի ջրի մաքրությունը՝ ձեզ տալով հավերժական երիտասարդության գաղտնիքը: Այն զույգերը, որոնք լողանում են այստեղ, արդեն էլ երբեք չեն բաժանվում, իսկ եթե սիրահարները թաշկինակ կամ մազակալ են կապում այդտեղի ծառերի ճյուղերից և երազանք են պահում, ապա դա կատարվում է:

Bay of Aphrodite

Սկայ կղզի, Շոտլանդիա

Շոտլանդական ռոմանտիկան քամոտ և սառնոտ է՝ հագեցած հնագույն լեգենդների ոգով և հեռավոր ափերի ալիքներից եկող երաժշտությամբ: Կանաչ խոտածածկույթով ծածկված բարձր, ժայռոտ ափերին հսկայական քարերի արանքից ծովային քամին շշնջում է ասպետների մասին առասպելներ, որոնք մարտի են բռնվել վիշապների հետ, հիասքանչ արքայադստրերի և նրանց գրավելու հետաքրքիր շարժառիթների մասին:

Isle of Skye Scotland

Այստեղ է գտնվում Neit Point փարոսը, որը անվանում են փարոս երկրի ծայրին: Տեղի բնակիչների խոսքերով՝ փարոսի կողքին պահած երազանքը տեղում իրականանում է, այդ պատճառով բաց չթողեք նման հնարավորությունը: Իսկ եթե շատ կսառեք սառը ափերի մոտ, ապա մոտակա պանդոկում ձեզ հեշտությամբ կտաքացնի մեկ չափաբաժին իսկական շոտլանդական վիսկին:

Isle of skye

Պոզիտանո, Իտալիա

Այս փոքրիկ քաղաքը կարծես միջերկրածովյան ռոմանտիկայի սիրահարների համար ստեղծված լինի: Պոզիտանոն գտնվում է լեռնաշղթայի և Տիրենյան ծովի ափի միջև: Ծիածանի բոլոր գույները կրող տնակները լեռան վրա դասավորված են կողք-կողքի՝ ստեղծելով հիանալի պանորամա:

Positano, Italy

Զարմանալի չէ, որ շատ գրողներ, նկարիչներ և արվեստի այլ գործիչներ միշտ գալիս են Պոզիտանո: Այս վայրը հարուստ պատմություն ունի, որի արմատները ձգվում են դեպի Հռոմեական կայսրության ժամանակաշրջան, իսկ անվանումը խոսում է այն մասին, որ այն հիմնադրել է ոչ այլ ոք, քան Պոսեյդոնը: Այստեղ դուք միշտ կգտնեք հանգստություն, ռոմանտիկա, մեղմ ծով և իտալական հին քաղաքի ոգի:

Խատիկոյի հուշարձան, Ճապոնիա

Այս տխրահռչակ շան հուշարձանը իզուր չէ դարձել Տոկիոյի ամենասիրված հանդիպման վայրերից մեկը: Բանն այն է, որ հուշարձանը կանգնեցված է ոչ միայն կենդանու հիշատակին, այլև՝ նրա ֆանտաստիկ նվիրումին: Տիրոջ մահից տասը տարի անց հավատարիմ շունը ամեն օր եկել է այն վայրը, որտեղ դիմավորել է տիրոջը աշխատանքից հետո:

Hachiko

Տոկիոյի բնակիչների համար Խատիկոյի արձանը հավերժական սիրո և հավատարմության իսկական խորհրդանիշ է: Նրանք հավատում են, որ իրենց սերն էլ կլինի այդքան երկար և ամուր, եթե հանդիպման վայր նշանակեն այդ հուշարձանը: Հարկ է նշել, որ այս պատմության հոլիվուդյան էկրանավորումից հետո Խատիկոյին սիրեցին ամբողջ աշխարհում. Դուք էլ երևի լսած կլինեք նրա մասին:

«Ես սիրում եմ քեզ» պատ, Ֆրանսիա

Այս անսովոր պատը գտնվում է փարիզյան լեռնային թաղամասերից մեկում՝ Մոնմարտրեի Ժան Ռիստուս պուրակում: Այն 511 սալիկներից բաղկացած վահանակ է, որի վրա «Ես սիրում եմ քեզ» արտահայտությունը գրված է աշխարհի 311՝ գրեթե բոլոր լեզուներով, ներառյալ՝ խուլ ու համրերի լեզուն: Սիրո այս հուշարձանը կառուցվել է 2000 թվականին, իսկ գաղափարի հեղինակը զվարճալի հոբբիի սիրահար ֆրանսիացի շանսոն Ֆրեդերիկ Բարոնն է:

I Love You wall

Ճանապարհորդելով տարբեր երկրներով՝ նա հավաքել է «Ես սիրում եմ քեզ» արտահայտությունը. խնդրել է տեղաբնակներին գրել այդ արտահայտությունը իր հուշատետրի մեջ: Չնայած նրան, որ հուշարձանը բավականին երիտասարդ է, այն արդեն դարձել է ուղենիշ ամբողջ Ֆրանսիայի համար, որտեղ սերը մշտապես համարվել է կայուն և մեծագույն արժեք: Թաղամասը, որտեղ գտնվում է պատը, եղել և մնում է ֆրանսիական բոհեմի կենտրոններից մեկը:

Մեծ ջրանցք, Վենետիկ

Հայտնի Տ-աձև ջրանցքը, թերևս, ամենառոմանտիկ վայրերից մեկն է աշխարհում: Հիանալի զբոսանքը բացօթյա նավակով, ջրային տաքսիով կամ գետային վապորետտո տրամվայով երկար կհիշվի: Այդպիսի զբոսանքի համար ամենալավ ժամանակը մայրամուտի սկիզբն է, երբ արևի ճառագայթները լուսավորում են հնագույն շենքերի արանքներից և արտացոլվում ջրի ալիքների վրա:

Venice

Մակույկավարի երեկոյան երաժշտությունը լսելով` դուք կմոռանաք ամեն ինչ` ընկղմվելով վենետիկյան անկրկնելի մթնոլորտում` իր շքեղ պալատներով, որտեղ տեղի են ունեցել հիասքանչ պարահանդեսներ, անկրկնելի վենետիկյան դիմակահանդեսներ և խաղաղ ջրանցքներով` լուսավորված ջահերի լույսով:

Ֆրեյզեր կղզի, Ավստրալիա

Այս կղզի-բնակավայրը ունի բացառիկ բնական գեղեցկություն և լողափային ռոմանտիկ հանգստի լավագույն վայրերից մեկն է համարվում: Այստեղ է գտնվում մոլորակի ամենախոշոր լողափերից մեկը, որը համեստ հաշվարկներով շուրջ 800 000 տարեկան է: Վայրի, տրապիկական անտառը աճում է հենց ավազից. աշխարհում ուրիշ ոչ մի տեղ նման բան գոյություն չունի:

Fraser Island, Australia

Ցերեկը կարելի է զբաղվել ակտիվ սպորտով, իսկ մայրամուտի առաջին շողերի հետ Դուք կհասկանաք, թե ինչու է այս վայրը համարվում աշխարհի ամենառոմանտիկ վայրը: Մայր մտնող արևի վառ լույսով լուսավորված Ֆրեյզեր կղզին ունակ է հալեցնել ցանկացած անառիկ գեղեցկուհու սառցե սիրտը: Դե, կամ սիրող սիրտը դարձնել էլ ավելի ջերմ:

Համբույրների կամուրջ, Սանկտ Պետերբուրգ

Բոլորն էլ գիտեն, որ Սանկտ Պետերբուրգը կամուրջների քաղաք է: Բայց դրանցից շատերի վրա, սնահավատության համաձայն, չարժե համբուրվել, նույնիսկ միմյանց ձեռք բռնել, քանի որ կամուրջները միմյանցից հեռանում են, այնպես որ՝ սերն էլ կարող է բաժանվել: Փոխարենը՝ խորհուրդ է տրվում դա անել Համբույրների կամուրջին:

Kisses Bridge, St. Petersburg

Հարսանիքի օրը կամ ուրիշ ցանկացած օր սիրահար զույգը կարող է գալ այստեղ, ի նշան սիրո և երջանկության համբուրվել և կամուրջին կողպեք ամրացնել, որոնց ծանրությունից արդեն իսկ ճկվել են թուջե վանդակաճաղերը: Սակայն մարդիկ սխալ են մեկնաբանում կամուրջի անվանումը. այն կոչվում է Պոցելուեվի կամուրջ՝ ի պատիվ վաճառական Պացելուեվի, ով մոտակա «Պացելույ» պանդոկի սեփականատերն էր: Սակայն համբույրի հանդեպ հավատը այնքան ամուր է ժողովրդի մեջ, որ նրա այդ անվանումը վաղուց արդեն դարձել է առաջնային:

Վերդոն կիրճ, Ֆրանսիա

Ֆրանսիայի ամենագեղեցիկ վայրերից մեկը, իրավմամբ, համարվում է Վերդոն կիրճը, որը գտնվում է Պրովանսից ոչ շատ հեռու: Դեպի կտրուկ, սպիտակ լանջերը բացվող տեսարանը, որոնք ծածկված են փարթամ կանաչ բուսականությամբ, որոնց միջով էլ մեծ տարափով հոսում է Վերդոն գետի երկնագույն ջրերը, ցնցում է երևակայությունը:

Verdon Gorge, France

Այն ոչ միայն Ֆրանսիայի ամենագեղեցիկ, այլև ամենաերկար և խորը կիրճերից մեկն է: կարելի է զբոսանել բազմաթիվ հետիոտնային ճեմուղիներով, որոնք տանում են դեպի ժայռի գագաթը, որտեղից էլ բացվում են ամենագեղեցիկ տեսարանները: Կարելի է զբաղվել նաև ալպինիզմով, որը շատ տարածված է այս վայրերում: Հետաքրքիր է, որ ներկայիս Պրովանսը, որը երբևէ եղել է ծով, որը խիտ բնակեցված է եղել ծովային օրգանիզմներով, ժամանակի ընթացքում վերածվել է կրաքարի: Վերդոն գետը, քայքայելով ժայռը, ձևավորել է կիրճը: