Ստեփանակերտի հանրահավաքին մասնակցել է մոտ 40.000 մարդ
SOCIETYՓնտրում եք բարձր վարձատրվող աշխատանք՝ սեղմեք ԱՅՍՏԵՂ
Ստեփանակերտի Վերածննդի հրապարակում այսօր տեղի ունեցած հանրահավաքին մասնաքցել է մոտ 40.000 հազար մարդ: «Փաստինֆո»-ի հաղորդմամբ` այդ մասին հայտնում է Արցախի Հանրապետության ԱԺ-ն` նշելով, որ հանրահավաքին մասնակցել են ոչ միայն. մայրաքաղաքի, այլ նաեւ շրջանների բնակիչները:
Ի թիվս այլ ելույթներ` ԱԺ պատգամավոր Արեգ Ավագյանը ներկայացրել է Ազգային ժողովի հայտարարությունը, որով ազդարարել են, որ Արցախը չի կարող բռնակցվել Ադրբեջանին:
«Հայաստանի Հանրապետության ո՛չ մի իշխանություն իրավունք չունի հրաժարվել Արցախի ժողովրդի անվտանգությունն ապահովելու առաքելությունից կամ ընդունելի համարել որևէ փաստաթուղթ, որտեղ ինքնիշխան Արցախի Հանրապետության գոյությունը կասկածի տակ կդրվի։
Պահանջում ենք Հայաստանի Հանրապետության իշխանություններից՝ միջազգային հարթակներում հանդես գալ հայկական երկու հանրապետությունների միասնական շահերը պաշտպանելու դիրքերից՝ հիմք ընդունելով առկա հիմնարար փաստաթղթերը, մասնավորապես՝ Հայաստանի Հանրապետության Անկախության հռչակագիրը և Գերագույն խորհրդի 1992 թվականի հուլիսի 8-ի պատմական որոշումը», - նշված է հայտարարության մեջ։