Հրդեհ է բռնկվել Ակնալիճ գյուղում․ ժամանել է հրշեջների մի քանի մարտական հաշվարկ
SOCIETYՑանկանու՞մ ես ստանալ Ավտովարկ ընդամենը մեկ օրում։ Պարզապես դիմիր առցանց, լրացրու օնլայն հայտը ԱՅՍՏԵՂ և մեր մասնագետները հաշված րոպեների ընթացքում կապ կհաստատեն քեզ հետ։ Լրացրու հենց հիմա
Այսօր՝ փետրվարի 21-ին, արտակարգ դեպք է տեղի ունեցել Արմավիրի մարզում։ Այս մասին հայտնում է Shamshyan.com-ը։
Ժամը 10։55-ի սահմաններում ՀՀ Ներքին գործերի նախարարության Փրկարար ծառայության 9-11 ճգնաժամային կառավարման կենտրոն ահազանգ է ստացվել, որ հրդեհ է բռնկվել Ակնալիճ գյուղի Նաիրյան թաղամասի թիվ 7 բազմաբնակարան շենքում։
Տեղում հայտարարվել է հրդեհի բարդության «Թիվ 2» կանչ։
Օպերատիվորեն ժամանել է նաև ՀՀ ՆԳՆ Ոստիկանության Մեծամորի բաժնի օպերատիվ խումբը՝ բաժնի պետի, ծառայության գծով տեղակալ Դավիթ Հակոբյանի գլխավորությամբ։
Ոստիկանները տեղում Դ․ Հակոբյանի գլխավորությամբ տարհանել են քաղաքացիներին, ապա սահմանազատել են տարածքը։
Պարզվել է, որ հրդեհը բռնկվել է թիվ 21 բնակարանում։ Այրվել են բնակարանի հյուրասենյակը, նախամուտքը և խոհանոցը՝ ողջ գույքով։
Հրշեջների օպերատիվ գործողությունների արդյունքում կանխվել է հրդեհի տարածումը դեպի տանիք և մյուս բնակարաններ։
Դեպքի փաստով Ոստիկանության Մեծամորի բաժնում պարզում են հրդեհի պատճառները, ինչպես նաև բնակարանի սեփականատիրոջ ինքությունը։