Տավուշում բախվել են Ford Transit-ն ու Opel-ը․ մահացածին ավտոմեքենայից դուրս են բերել փրկարարները
SOCIETYՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Այսօր՝ ապրիլի 27-ին, ողբերգական ավտովթար է տեղի ունեցել Տավուշի մարզում։ Ժամը 17։00-ի սահմաններում Իջևան-Նոյեմբերյան ավտոճանապարհի 11 կմ հատվածում ճակատ-ճակատի բախվել են Ford Transit և Opel մակնիշի ավտոմեքենաները։
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 1 հոգի տեղում մահացել է։
Օպերատիվորեն ժամանել են ՀՀ Ներքին գործերի նախարարության Փրկարար Ծառայության Տավուշի մարզի թիվ 63 հրշեջ-փրկարարական ջոկատից 1 մարտական հաշվարկ։
Մահացածին, ով Opel-ի վարորդն է, ավտոմեքենայից դուրս են բերել փրկարարները, օգտագործելով հատուկ տեխնիկա։
Դեպքի վայր են ժամանել ՀՀ ՆԳՆ Ոստկանության Տավուշի մարզային վարչության պետ Արթուր Մկրտչյանն ու Ոստիկանության Իջևանի բաժնի պետ Կարեն Գիշյանը։