Դատարանի երեկվա որոշումը շոկային էր. փաստաբանները պատրաստվում են բողոքարկել Գայանե Հակոբյանի կալանավորման որոշումը
SOCIETYՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Զոհված զինծառայող Ժորա Մարտիրոսյանի մայրիկին կալանավորելու դատարանի որոշումը փաստաբանները վաղը կբողոքարկեն վերաքննիչ քրեական դատարան: Այս մասին լրագրողների հետ զրույցում ասաց Գայանե Հակոբյանի փաստաբան Վահան Հովհաննիսյանը:
«Հենց հիմա աշխատումենք բողոքի վրա, վաղը առավոտյան 9;00-ին բողոքը մուտք կանենք դատարան: Կալանավորման հիմքերը կարելի է ասել, որ չկային, բայց դատարանը որպօես հիմնավորում 2 հիմք է նշել: Մեկը՝ նոր հանցանքի կատարումը եւ դատարականակն պարտականությունների չկատարումը, որը կարող է դրսեւորվել դատավարական մասնակցող անձանց վրա անօրևինական ազդեցության գործադրմամբ, բայց դրանք երկուսն էլ առկա չեն, որովհետեւ եթե նոր հանցագործության կատարումը, որը իր մեջ ենրառում է Աշոտ Փաշինյանին առեւանգելը, վառ երեւակայություն պետք է ունենալ, որ այսպիսի իրականության մեջ հետագայում այդպիսի գործողություն կանխատեսվի, ապա երկրորդ հիմքի մասով եւս բավական առումով որեւէ պատճառաբանություն բերված չէ, քանի որ եթե գործում է ՀՀ-ում պաշտոնատար անձանց եւ նրանց ընտանիքի անդամների պահպանության վերաբերյալ օրենսդրությունը, ապա վստահորդս որեւէ կերպ չի կարողանա ազդել նրանց վրա: Եթե դատարանը նման հիմք է առաջադրում, ապա գտնում է, որ այս օրենսդրությունը Հայաստանում չի գործում»,-ասաց նա:
Փաստաբանը դատարանի երեկվա որոշումը շոկային բնութագրեց. «Դատարանի որոշումը շոկային էր, մենք նման բան չէինք սպասում, միջնորդության քննության որոշումը եւ բուն որոշումը միմյանցից տարբեր էր: Դատարանը տարբեր տեղեկանքներ էր պահանջել ներկայացնել, պատգամավորներին էր կանչել, նրանց իրավունքները բացատրելու, ու դրանից հետո նման որոշում կայացնելը շոկային էր, ինչի համար էին ապա դատարանի այդ գործողությունները»:
Փաստաբանը կարծիք հայտնեց, որ դատարանի որոշումը փոխվել է , ամենայն հավանականությամբ, խորհրդակցական սենյակ գնալուց հետո:
Հիշեցնենք, որ 44-օրյա պատերազմում զոհված Ժորա Մարտիրոսյանի մայրը՝ Գայանե Հակոբյանը կալանավորվել է մեկ ամսով: Այս պահին նրա աջակիցները բողոքի ակցիա են անցկացնում ՝ պահանջելով անհապաղ ազատ արձակել զոհվածի մորը: