Արցախում մեկնարկել է «Արարող երիտասարդներ» խորագրով ամառային երիտասարդական ճամբարը
SOCIETYՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Հուլիսի 1-ին մեկնարկել է «Արարիչ» բարեգործական հիմնադրամի «Արարող երիտասարդներ» խորագիրը կրող ամառային երիտասարդական ճամբարը:
Ինչպես տեղեկացնում են հիմնադրամից՝ առաջիկա 7 օրերի ընթացքում շուրջ 60 պատանի ու երիտասարդ հետաքրքիր ժամանցի ու հանգստի հնարավորություն կունենա Մարտակերտի շրջանի Ծմակահող համայնքում:
Ստեփանակերտի Վերածննդի հրապարակից ճամբարականներին ճանապարհել է «Արարիչ» հիմնադրամի հոգաբարձուների խորհրդի նախագահ Կարեն Սարգսյանը:
Ճամբարի տարածքում ժամանցային ու ինտելեկտուալ խաղերին զուգահեռ, երիտասարդները մասնակցել են նաև ռազմահայրենասիրական և սպորտային միջոցառումների, որը կշարունակվի ամբողջ շաբաթվա ընթացքում:
«Արարիչ» հիմնադրամի ներդրումները հիմնականում ուղղված են կրթական, մարզական ու մշակութային ոլորտների բարելավմանը, երիտասարդ սերնդի հայրենաճանաչողական, հայրենասիրական ու բազմակողմանի դաստիարակությանը: