Արայիկ Հարությունյանը հրաժարականի մտադրություն չունի․ խոսնակ
POLITICSՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Արցախի նախագահ Արայիկ Հարությունյանը նման մտադրություն չունի։
Այս մասին Tert.am-ի հետ զրույցում հայտնեց ԱՀ նախագահի մամուլի քարտուղար Լուսինե Ավանեսյանը՝ մեկնաբանելով երեկվանից համացանցում շրջանառվող լուրերը, թե Հարությունյանը պատրաստվում է հրաժարական տալ։
«Երեկ նախագահը հագեցած աշխատանքային օր է ունեցել։ Մի շարք հանդիպումներ են եղել, որոնց ընթացքում հրատապ հարցեր են քննարկվել, ինչպես ստեղծված ռազմաքաղաքական իրավիճակի վերաբերյալ, այնպես էլ երկրի ներքին խնդիրների, որոնք օր օրի շատանում են, լուծումները բարդանում են՝ պայմանավորված Ադրբեջանի կողմից ԱՀ շրջափակմամբ»,- պարզաբանեց մամուլի քարտուղարը։
Հիշեցնենք՝ երեկ սոցցանցերում լուրեր էին շրջանառվում, համաձայն որոնց՝ ԱՀ նախագահ Արայիկ Հարությունյանը պատրաստվում է ժամեր հետո հրաժարական տալ պաշտոնից։