Մայրն ու քույրերը տեսախցիկի առջև նվաստացնում են անչափահասին, ոստիկանությունը զբաղվում է հրապարակմամբ
SOCIETYՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Համացանցում տարածվել է տեսանյութ, որտեղ ենթադրաբար մայրն անչափահաս երեխայի նկատմամբ ակնհայտորեն ֆիզիկական բռնություն է կիրառում և տեսանկարահանում։ Տեսանյութում երևում է, որ ենթադրաբար մայրն ու քույրն ակնհայտորեն նվաստացնում են անչափահասին, թքում են նրա վրա։
Օգտատերերը տարածում են տեսանյութը՝ նշելով ոստիկանությանն ու ՄԻՊ-ին, որպեսզի զբաղվեն խնդրով։
Դեպքի հետ կապված Tert.am-ը կապ հաստատեց ՆԳՆ ոստիկանության լրատվական բաժնի հետ, որտեղից հայտնեցին. «Ոստիկանությունը հրապարակմանը ծանոթ է, անհրաժեշտ աշխատանքներ են տարվում»,- նշեցին ոստիկանությունից՝ խոստանալով տեսանյութի հետ կապված լրացուցիչ տեղեկություն տրամադրել։
Երեխայի նկատմամբ բռնության տեսարանով տեսանյութի` համացանցում տարածվելուց անմիջապես հետո Մարդու իրավունքների պաշտպանի աշխատակազմում սկսվել է դեպքի առնչությամբ ուսումնասիրություն։ Իրենց հերթին հայտնել են ՄԻՊ-ից։
Երեխայի լավագույն շահից ելնելով` Պաշտպանը հորդորում է չտարածել սոցիալական ցանցերում հայտնված տեսանյութը՝ զերծ մնալով երեխային նույնականացնող անձնական տվյալները հրապարակելուց։
Պաշտպանը հատուկ ընդգծում է, որ յուրաքանչյուր երեխայի լավագույն շահն առաջնահերթություն է։ Պետությունն ունի պարտավորություն` ձեռնարկելու անհրաժեշտ և բավարար միջոցներ՝ երաշխավորելու երեխայի պաշտպանությունը բռնությունից։
Հարցի առանչությամբ ՄԻՊ-ը գրություններ է հասցեագրելու իրավասու պետական մարմիններին` իրենց իրավասության շրջանակներում անհրաժեշտ գործողություններ ձեռնարկելու պահանջով։