ԼՂ-ում ռուս խաղաղապահների բժիշկները դեղեր են տրամադրել դրանց կարիքն ունեցող բնակիչներին․ Սուսլով
POLITICSՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ռուսական խաղաղապահ զորախմբի բժշկական ջոկատի մասնագետները բուժման կարիք ունեցող Լեռնային Ղարաբաղի խաղաղ բնակիչներին ապահովել են անհրաժեշտ դեղամիջոցներով։ Այս մասին հայտնել է ջոկատի ղեկավար Պավել Սուսլովը։
«Ջոկատի բուժանձնակազմը օգնություն է ցուցաբերել ինչպես վիրավորված, այնպես էլ տարբեր հիվանդություններով տառապող քաղաքացիներին։ Կարիքավորներին տրվել են խրոնիկական պաթոլոգիայի բուժման համար նախատեսված դեղամիջոցներ։ Ներկայումս բուժկետը շարունակում է իր առջև դրված խնդիրները»,-ասել է նա։
Նշվել է, որ ռուս ռազմական բժիշկներն ամեն օր որակյալ և մասնագիտացված բժշկական օգնություն են ցուցաբերում Լեռնային Ղարաբաղի խաղաղ բնակչությանը, որոնք ավելի վաղ տարհանվել են ակտիվ ռազմական գործողությունների շրջաններից։
Ջոկատը բաղկացած է տարբեր մասնագիտությունների բժիշկներից, այդ թվում՝ ռազմական վիրաբույժներից, անեսթեզիոլոգ-ռեանիմատոլոգներից, թերապևտներից, համաճարակաբաններից և հոգեբաններից։