Աշխարհի ամենաբացառիկ վայրերը. (լուսանկարներ)

Աշխարհի ամենա-ամենա վայրերը: Շատերս այս ամենը անցել ենք դպրոցում, բայց ոչ բոլորը կմտաբերեն հարցնելու դեպքում: Adme.ru-ն ներկայացնում է աշխարհի ամենաբացառիկ վայրերը:

Ամենաշոգ վայրը

Եթե երկրի վրա կա դժոխք, ուրեմն այն գտնվում է ԱՄՆ-ում՝ Մահվան հովիտում: Ամենաշոգ օրը այստեղ եղել է 1913 թ. հուլիսի 10-ին, երբ ջերմաստիճանը հասել է 56.7 °C-ի:

Ամենացուրտ վայրը

Իսկ հիմա ցրտի մասին: Անտարկտիդայի «Արևելք» կայարանում հաստատ ապրում է Սառցե թագուհին, քանի որ այստեղ նրա համար ապահովված են բոլոր պայմանները՝ 2010 թ. օգոստոսի 10-ին օդի ջերմասիճանը այստեղ եղել է −89.2 °C:

Ամենախիտ բնակեցված քաղաքը

Դա, իհարկե, Տոկիոն է: Շանհայում այս պահի դրությամբ ապրում է ավելի քան 24 մլն մարդ:

Ամենաքիչ բնակեցված քաղաքը

Վատիկանում ապրում է...842 բնակիչ, որից միայն 600-ը ունեն քաղաքացիություն: Դրա պատճառն այն է, որ այստեղի քաղաքացիություն ստանալու համար բավական չէ այստեղ ծնվել, պետք է նաև ծառայել եկեղեցուն:

Ամենահարուստ քաղաքը

Շատ հնարավոր է, որ Տոկիոյի կենտրոնում գտնվող այս աշտարակը ոսկուց է, որովհետև այն գտնվում է աշխարհի ամենահարուստ քաղաքում:

Ամենաաղքատ քաղաքը

Աշխարհի ամենաաղքատ քաղաքը Կոնգոյի Դեմոկրատական հանրապետության մայրաքաղաքն է: Այստեղ մարդկանց մեծամասնությունը ապրում է օրական 1 ԱՄՆ դոլարով:

Ամենաբարձր կետը

5-րդ դասարանի դասագրքերում ներկայացված լեգենդար Էվերեստը երբեք չի դադարի զարմացնել մարդկանց: Նրա բարձրությունը ծովի մակարդակից 8848 մետր է:

Ամենացածր կետը

Մարիանյան իջվածքում գտնվող «Չելենջերի անհատակությունը», իրոք, անհատակ է թվում, չէ որ նրա խորությունը ծովի մակարդակից 10916 մետր է:

Ամենալուսանկարվող օբյեկտը

Սա բոլորովին էլ հայելի չէ, այլ Գուգենհայմի թանգարանը: Այն հույս է ներշնչում, որ մարդկության համար դեռևս ամեն ինչ կործանված չէ:

Ամենաթաց վայրը

Հնդկաստանում գտնվող Մաուսինրամ գյուղում չկա «անձրևների շրջան» հասկացությունը, քանի որ այստեղ կլոր տարին հորդ անձրև է գալիս: Այս վայրը ռեկորդակիր է այդ առումով:

Ամենաչոր վայրը

Դուք երևի կզարմանաք, բայց խոսքը անապատի մասին չէ: Այս վայրը գտնվում է Անտարկտիդայում: Քամու արագությունը այստեղ 320 կմ/ժ է, իսկ ձյուն կամ անձրև այստեղ չեն տեսել ավելի քան 2 մլն տարի:

Աշխարհը բաղկացած է հակադրություններից: Դրանք առավել ցայտուն երևում են այս լուսանկարներում:

Ամենաարևային վայրը

ԱՄՆ Արիզոնա նահանգի Յումա քաղաքում առանց արևային ակնոցների դժվար կլինի շրջել: Արևը այստեղ շողում է օրը 11 ժամ, իսկ անամպ երկինքը կարելի է վայելել գրեթե կլոր տարին:

Ամենաթանկ քաղաքը

Սինգապուրում «համեստ» «Toyota Prius»-ը արժի ավելի քան 7 մլն ռուբլի: Գների առումով այն գերազանցել է Տոկիոյին և Լոնդոնին:

Ամենամատչելի քաղաքը

Մումբայում ծառայությունները, ապրանքները, վարձակալության գները, տրանսպորտը շատ էժան են, բայց և նման մաքրություն որևէ այլ քաղաքում դժվար է տեսնել:

Ամենաշատակեր քաղաքը

Իհարկե, խոսքը ԱՄՆ-ի մասին է: Այստեղ օրական յուրաքանչյուր մարդ սպառում է 3770 կալորիա:

Ամենահին բնակեցված քաղաքը

Սիրիական Դամասկոսը գոյություն ունի արդեն 11 հազար տարի, բայց այն դեռևս բնակեցված է:

Ամենաերիտասարդ քաղաքը

Հարավային Սուդանի բնակիչները իրենց այս երկրի քաղաքացի են համարում 2011 թ. հուլիսի 9-ից:

Ամենահաճախվող քաղաքը

Լոնդոնը աշխարհի ամենաշատ հաճախվող քաղաքն է: Տարեկան այստեղ այցելում է 18 մլն մարդիկ:

Ամենահռչակավոր երկիրը

BBC-ի հրապարակած տվյալների համաձայն՝ աշխարհի բոլոր երկրներում դրական են արտահայտվում Գերմանիայի մասին:

Ամենա վատահամբավ երկիրը

Աշխարհի բնակիչների միայն 15 %-ն է դրական արտահայտվում Իրանի մասին: 
 

Աշխարհի ամենավտանգավոր քաղաքը

Հոնդուրասի Սան Պեդրո Սուլա քաղաքում օրական միջինը կատարվում է 3 սպանություն, իսկ թմրանյութ կամ զենք գնել կարելի է նույնքան հեշտ, ինչքան որ ատամները մաքրել:

Ամենանվտանգ քաղաքը

Տոկիոյում զբոսաշրջիկների պակաս չկա, սակայան այն պահպանում է աշխարհի ամենաանվտանգ և մաքուր քաղաքի համբավը: Զբոսաշրջիկներն էլ այստեղ համարվում են աշխարհի ամենաբարեհամբույրը:

Կոֆեինից ամենաշատ «կախվածություն» ունեցող երկիրը

Շվեդների սառնասրտության գաղտնիքը բացահայտված է: Օրական միջինում յուրաքանչյուր մարդ սպառում է 400 մգ կոֆեին: Սա մոտ 5 շիշ Red Bull է:

Ամենահեծանվային քաղաքը

Ոչ, խոսքը Ամստերդամի կամ էլ Կոպենհագենի մասին չէ, այլ Նիդերլանդներում գտնվող Գրոնինգեն քաղաքի մասին: Մարդկանց կեսը այստեղ տեղաշարժվում է հեծանիվով:

Ամենաէներգախնայող երկիրը

Ռեյկվիկում չեն անհանգստանում էլեկտրաէներգիայի գներից, քանի որ այն այստեղ ստացվում է թերմալ աղբյուրներից:

Ամենակատվասեր երկիրը

Չապոնիայում աշխարհում ամենաշատ թվով կատուների համար նախատեսված սրճարաններ կան, ինչպես նաև երկու «կատվային» կղզի, որոնք ուղղակիորեն լցված են կատուներով:

Ամենաշնասեր երկիրը

Ֆրանսիայում ամենաշատն են սիրում շներին: Այստեղ շան հետ կարելի է մտնել գրեթե ցանկացած տարածք, որտեղ չեն մոռանա Ձեր շանը ջուր հյուրասիրել:

Սեռապես «ամենաբավարարված» երկիրը

Շվեյցարիայում սեռական դաստիարակությունը սկսվում է մանկապարտեզից: Հաշվի առնելով այն, որ մարդկանց մեծամասնությունը հրաշալի է գնահատում իրենց սեռական կյանքը, ինչպես նաև դրական է վերաբերվում պոռնոարտադրությանն ու մարմնավաճառությանը, ապա այս երկիրը առաջատար է սեռապես բավարարված բնակիչներ ունեցողների շրջանում:

Սեռապես «ամենաչբավարարված» երկիրը

Ճապոնիայում բնակչության միայն 15%-ն է գոհ իր սեռական կյանքից:

Երկարակյացների պետությունը

Մոնակոյում ապրում են երկար և «ճաշակով»: Տղամարդիկ այստեղ միջինում ապրում են մինչև 85, իսկ կանայք՝ 89 տարեկան:

Ամենակարճ կյանք ունեցողների երկիրը

Սիերա Լիոնեում մարդիկ դժվարությամբ են ապրում մինչև 48 տարեկան:

Համասեռամոլներին «ամենահանդուրժող» երկիրը

Իսպանիայում բնակչության 90 %-ը դեմ չէ համասեռամոլությանը:

Համասեռամոլների նկատմամբ «ամենաանհանդուրժող» երկիրը

Նիգերիայի արքեպիսկոպոսը կողմ է արտահայտվել համասեռամոլության դեմ օրինագծին: Այդ պատճառով էլ նման մարդիկ այստեղ ոչ միայն բարոյական նորմերին, այլև օրենքին դեմ են համարվում:

Ամենասեքսուալ երկիրը

Սա կարող է սուբյեկտիվ հնչել, բայց բազմաթիվ տղամարդկանց կարծիքով, դա Բրազիլիան է:

Իսկ կանայք սեքսուալ են համարում ավստարալի տղամարդկանց:

Ամենաշատը սթրեսների ենթարկվող երկիրը

Սպանությունների, գործազրկության, կոռուպցիայի և բնակչության աղքատության ցուցանիշները հաշվի առնելով՝ այս անվանակարգում առաջատարը Նիգերիան է:

Ամենաքիչ սթերսների ենթարկվող երկիրը

Մյուս կողմից՝ Նորվեգիայի բնակչության կյանքը ամենաքիչն է ենթարկվում սթրեսների: