Բրյուսել մեկնելու «ժամանակ չի գտել» Ադրբեջանի նախագահը․ Արարատ Միրզոյան
POLITICSՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
ԱԳ նախարար Արարատ Միրզոյանն անդրադարձել է Բրյուսելում Միշել-Փաշինյան-Ալիև հանդիպման չեղարկմանը։
Հարցին, թե ո՞վ ժամանակ չի գտել բանակցությունների նպատակով Բրյուսել մեկնելու համար,Արարատ Միրզոյանը պատասխանել է.
«Ակնհայտորեն Ադրբեջանի նախագահը, որովհետև մենք հիմա էլ պատրաստ ենք մասնակցել այդ հանդիպմանը»։
Նա նշել է, թե Հայաստանը նախկինում էլ, հիմա էլ շարունակում է հավատարիմ մնալ խաղաղության օրակարգին և պատրաստ է ցանկացած պահի մասնակցել նման հանդիպման:
ԱԳ նախարարը նաև հիշեցրել է, որ օրերս Թեհրանում ոչ պաշտոնական շփում է ունեցել Ադրբեջանի արտգործնախարար Ջեյհուն Բայրամովի հետ:
Հիշեցնենք՝ Հարավային Կովկասում և Վրաստանում ճգնաժամայինի հարցերով ԵՄ հատուկ ներկայացուցիչ Տոյվո Կլաարն այսօր հայտարարել էր, որ հոկտեմբերի վերջին Եվրամիության խորհրդի նախագահ Շառլ Միշելի, Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպում տեղի չի ունենա: