Բլինքենը Վաշինգտոնում սպասում է Միրզոյանին և Բայրամովին
POLITICSՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Պետքարտուղար Էնթոնի Բլինքենը Վաշինգտոնում սպասում է Ադրբեջանի և Հայաստանի արտաքին գործերի նախարարներին՝ խաղաղ բանակցությունների համար։ Այս մասին Բաքվում Ադրբեջանի նախագահ Իլհամ Ալիևի հետ հանդիպումից հետո «X» սոցիալական ցանցի իր միկրոբլոգում գրել է ԱՄՆ պետքարտուղարի Եվրոպայի և Եվրասիայի հարցերով տեղակալ Ջեյմս Օ'Բրայենը։
«Բաքվում անցկացրեցի դրական և կառուցողական հանդիպումներ։ Ադրբեջանի նախագահ Իլհամ Ալիևին ասացի, որ ԱՄՆ-ն ակնկալում է երկրի ԿԲ ղեկավարի և Ադրբեջանի էներգետիկայի նախարարի այցերը։
Բացի այդ, պետքարտուղար Էնթոնի Բլինկենը հույս ունի շուտով Վաշինգտոնում հյուրընկալել Ադրբեջանի և Հայաստանի արտգործնախարարներ Բայրամովին և Միրզոյանին՝ խաղաղ բանակցությունների համար»,- գրել է դիվանագետը։
Հիշեցնենք, որ Բաքուն անցյալ ամիս բոյկոտել էր ԱԳ նախարարների վաշինգտոնյան հանդիպումը՝ վրդովմունք հայտնելով Հայաստանի հարցով ԱՄՆ-ի քննադատական հայտարարությունների կապակցությամբ։ Պետդեպում հայտնել էին ամերիկացի պաշտոնյաների՝ Ադրբեջան այցերի չեղարկման, ինչպես նաև «2023 թ, Հայաստանի պաշտապանության աջակցության ակտի» մասին, որով չեղարկվում է ռազմական աջակցությունը Բաքվին։
Ավելի ուշ Բլինքեն-Ալիև հեռախոսազրույցի ընթացքում կողմերը պայմանավորվել են հարթել տարաձայնությունները, ինչի նպատակով Բաքվում համաձայնել էին ընդունել Օ'Բրայենին։