Փորձագետ. Որքան շատ են արևային այգիները մոտակայքում, այնքան շատ սպառողներ են սիրում դրանք

Postimees.ee-ն գրում է, որ Energia ամենամյա կոնֆերանսի շրջանակներում արևային այգիներ կառուցող Smartecon ընկերությունը ուսումնասիրություն է կատարել, ըստ որի Էստոնիայի բնակիչների միայն 5 %-ն է կտրականապես դեմ արևային այգիներին, իսկ մնացածը, որոշակի պայմաններում, կաջակցեն իրենց տան մոտ արևային այգու կառուցմանը։

Երկրի բնակիչների 69 %-ը կհամաձայներ իրենց տան մոտ արևային այգու կառուցմանը, եթե դա նվազեցնի էլեկտրաէներգիայի գինը։ Հարցվածների 40%-ը կհամաձայներ արևային այգու կառուցմանը, եթե բնակարանային ասոցիացիան, գյուղը կամ համայնքը կարողանար ստանալ այգու մի փոքր մասնաբաժին, ինչը կբերեր պասիվ եկամուտի: Հարցվածների մեկ երրորդը դեմ չէր լինի իր տան մոտ տեղադրել արևային այգի, եթե իմանար, որ դա կօգնի Էստոնիային հասնել կանաչ էներգիային ամբողջական անցման:

Մի փոքր ավելի փոքր թվով հարցվածների համար (9 %) հիմնական խոչընդոտը արևային այգիների էսթետիկ տեսքն է, եթե վահանակները տեսողականորեն անտեսանելի մնային, նրանք կհամաձայնվեին իրենց տան մոտ արևային էներգիայի զարգացմանը: Իսկ հարցվածների 5 %-ը չէր դրդվի վերը նշված որոշումներից որևէ մեկով։

«Էստոնիայի և մերձբալթյան այլ երկրների տվյալները ցույց են տալիս, որ ինչքան շատ են արևային այգիները տարածաշրջանում, այնքան քիչ է բնակիչների հակազդեցությունը: Լյաենե-Վիրու շրջանում՝ արևային էներգիայի արտադրության ամենամեծ հզորությամբ օկրուգում, արևային այգիների կտրական հակառակորդներ չկան, և այդ գաղափարին ամենաքիչ դիմադրությունը Լիտվայում է, որտեղ արևային էներգիան ավելի շուտ է զարգացել, քան մյուս Բալթյան երկրներում»,-ասել է Smartecon-ի գործադիր տնօրեն Մագնո Կուրեն:

Եթե ​​Էստոնիայում արևային այգիներին կտրականապես դեմ է եղել հարցվածների 5 %-ը, ապա Լիտվայում 3 %-ը։ Լատվիայում, որտեղ արևային էներգիան ամենաքիչ զարգացած է համեմատած մյուս Բալթյան երկրների հետ, երկու անգամ ավելի շատ կատեգորիկ հակառակորդներ կան՝ 6 %։ Էստոնիայում արևային այգիների շինարարության ամենամեծ դիմադրությունը նկատվում է Վավրու շրջանում, որտեղ մեկ տարի առաջ կար ամենաքիչ համապատասխան արտադրական հզորություն:

Smartecon- ի գլխավոր գործադիր տնօրենն ասել է, որ քանի որ բնակիչներին հնարավոր չէ ուղղակիորեն առաջարկել ավելի մատչելի էլեկտրաէներգիա, պետք է մտաածել այլընտրանքների մասին, որպեսզի հնարավոր լինի բարելավել տեղական համայնքի կյանքը: «Ես խրախուսում եմ կառուցապատողներին սերտորեն համագործակցել տեղական համայնքների հետ: Դա կարելի է անել ազգային մակարդակում, բայց դուք կարող եք նաև նպաստել համայնքի կյանքին կառուցվածքային լուծումների միջոցով, որն այն է, ինչն արդեն անում է մեր ընկերությունը», — ավելացրել է Կուրեն:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]