Yerevan, 21.November.2026,
00
:
00
BREAKING

«Տեղեր կան` այնքան նման ենք, որ հուզվում եմ, նույնիսկ, նայելիս»․ Իննա Խոջամիրյանը՝ «Սիրելի Սահմիի», հերոսուհու եւ Սոս Ջանիբեկյանի հետ աշխատանքի մասին (ֆոտո)

LIFE

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

«Սիրելի Սահմի» 10 մասանոց հեռուստասերիալն արդեն մեկնարկել է «ATV»-ի եթերում ու կարճ ժամանակում դարձել սիրելի ոչ միայն ստեղծագործական կազմի համար, որոնք նշում են, որ նախագիծը բավական բարդ ու մանրակրկիտ աշխատանքի արդյունք է, այլեւ՝ հեռուստադիտողի, որոնք անհամբերությամբ սպասում են Սահմիի ու Միհրանի անհավանական պատմությամ հերթական սերիային։ Սերիալի ռեժիսորը Գոշ Հակոբյանն է, սցենարի հեղինակը՝ Անի Մաղաքյանը, իսկ Իննա Խոջամիրյանը պրոդյուսերն է, որը հանդես է գալիս նաեւ գլխավոր հերոսուհու դերում։ Միհրանին մարմնավորում է Սոս Ջանիբեկյանը։

5a51be1f-9d8c-46c3-bf3a-a226c5ffa785.jpg (52 KB)

«Սիրելի Սահմի»-ն պատմում է տարբեր ժամանակներում ապրող, բայց հանգամանքների ու հրաշքի բերումով ժամանակային նույն շրջանում հայտնված մարդկանց մասին։ Նրանցից մեկը ժամանակակից կին է՝ ժամանակակից սկզբունքներով ու հոգսերով, մյուսը՝ 1840-ականներից եկած տղամարդ՝ աշխարհի ու կյանքի մասին իր պատկերացումներով։ Նրանց հանդիպումը դառնում է ճակատագրական, բայց որոշումների ու հանգուցալուծումների մասին հեռուստադիտողը պատկերացում կկազմի միայն մինչեւ վերջ սերիալը դիտելուց հետո։ 

Մինչ այդ Իննա Խոջամիրյանը NEWS.am STYLE-ի հետ զրույցում պատմել է նախագծի բարդ, բայց արդարացված ուղու մասին։  

929e179d-09a5-4e85-b354-e625af2677d3.jpg (28 KB)

«Անիի հետ գաղափարների եւ նախագծերին նոր շունչ տալու մտորումների եւ քննարկումների արդյունքում կանգ առանք հենց այս տարբերակի վրա: Ինձ համար միշտ սկզբունքային է նոր, էքսպերիմենտալ նյութ փորձարկելը: Բացի դրանից` հին հայկականը մեր ձեւակերպմամբ ցուցադրելն իմ ամենամեծ ցանկություններից էր։ Իհարկե, դա ահռելի աշխատանք էր, մեր պատկերացրածից 3 անգամ ավելի բարդ, բայց ես անսահման ուրախ եմ, որ հեռուստադիտողը նույն ջերմությամբ ու գորովանքով այն ընդունեց` ինչպես մենք էինք ստեղծել ու ստացել»,-անդրադառնալով սերիալի ժանրին՝ նշեց դերասանուհին։ Իսկ հարցին՝ ինչպես որոշեց այս անգամ լինել իր նախագծում (Իննան եւ Գոշը ստեղծել են նաեւ «Հոթել Գրանդ»՝ երեք եթերաշրջանից բաղկացած սերիալը), Իննան պատասխանեց․

«Իմ  նախագծում նկարահանվելու հարցին նպաստել է մեծապես նաեւ իմ գլխավոր գործընկերը՝ «Արկադան»։ Ուզում էին հերոսուհուն ես մարմնավորեի: Ես կարոտել էի եթերը, իսկ ինձ ուզում էին նորից եթերում տեսնել` մեր շահերն այս կետում համընկնում էին»:

32c154d1-51b5-4a6a-8f8d-188d12877403.jpg (35 KB)

Իննա Խոջամիրյանը նախագծի շրջանակում առաջին անգամ էր աշխատում Սոս Ջանիբելյանի հետ, որից, ասում է՝ շատ բան է հասցրել սովորել։

«Սոսի հետ համատեղ աշխատանքի մասին կարելի է մի ամբողջ նյութ խոսել: Սոսից անասելի շատ եմ սովորել. նրան չեմ ասել, բայց պիտի իմանա ի վերջո (ծիծաղում է)։ Սոսն իմ մեջ շատ ուժեղ վերաբերմունք փոխեց գործնականորեն, գրեթե, ամեն ինչի նկատմամբ` դերասանի աշխատանքի, աշխատանքային փոխհարաբերությունների, սցենարը մարսելու, աշխատանքային սուբորդինացիաների, դերասանական աշխատանքի, կերպարի ընկալման... Մի խոսքով, երեւի բացառիկ դերասաններից է, ում հետ կուզեի մի փոքր երկար աշխատել: Չնայած, կարծում եմ՝ հոգեւոր կապն արդեն ստեղծվել է, ու անկախ նրանից համատեղ նախագիծ կունենանք թե չէ, մտքերի փոխանակում ունենալու ենք այսուհետ միշտ»:

562caabc-ca2e-4f52-b2bb-546678d28072.jpg (33 KB)

Խոսելով աշխատանքի բարդության մասին՝ դերասանուհին նշեց․ «Նախագիծ ձեռնարկել, ստեղծելը, կազմակերպելը, արտադրելն ու այնտեղ խաղալը, թերեւս, աշխարհի ամենաբարդ բանն է: «Սիրելի Սահմի»-ն իմ ամենահուզական նախագծերից է. տեղեր կան տուժել է դերասանական աշխատանքը, տեղեր կան տուժել է պրոդյուսերական-կազմակերպչական աշխատանքը, չնայած՝ ես հսկայական ու հրաշալի թիմ ունեմ, բայց, իսկապես, ինձ համար ծանր առաքելություն էր այս նախագիծն իրականացնելը»։ 

Արդյունքներն ու արձագանքները տեսնելով, սակայն, Իննան նշում է՝ ոչ մի գրամ չի ափսոսում այդ տանջանքների համար: «Մեր հեռուստադիտողը դեռ էլ ավելի լավ ու որակյալ արտադրանքներ պիտի տեսնի հայկական հեռուստատեթերում: Արածը ծառայում է իր նպատակին»,-հավելում է նա։ 

74e6f33c-688b-4e34-a704-84bf2e3d82c2.jpg (58 KB)

Ըստ դերասանուհու՝ Սահմին իր «բեկումնային կերպարներից է»։

«Երբեւէ ոչ մի կերպարի վրա այսքան բարդ չեմ աշխատել, որը նաեւ տեխնիկական ու կողմնակի հանգամանքներով էր պայմանավորված: Բայց ամենակարեւորը`անսահման երկար պատմելու փոխարեն, կարող եմ ասել, որ Սահմիի նպատակասլաց, տեղ-տեղ չոր, ձիգ ու պինդ, կարիերիստ բնավորությունն Իննայից հեռու չէ: Նուրբ տեղեր կան` այնքան նման ենք ես ու Սահմին, որ հուզվում եմ, նույնիսկ, նայելիս: Սահմիից սովորեցի նորից երազել ու հավատալ հրաշքներին: Ինձ դա շատ պետք էր: Ինձ որ հարցնեք` գուցե ես էլ եմ հիմա հավատում, որ աշխարհում կա Քրոնոս, որը կարող է մարդուն ժամանակի ու տարածության մեջ ճամփորդելու շանս տալ»։

1ce8b1f0-a441-43f0-afc1-8985133d65ec.jpg (34 KB)

Ֆիլմում շոշափվում են նաեւ պատմական անուններ ու դրվագներ։ Օրինակ՝ գլխավոր հերոսը Խաչատուր Աբովյանի մտերիմ ընկերներից է։ Իննան նշում է, որ տարիներ առաջ ընկերուհիներից մեկին ասել էր, որ ցանկանում է ժամանակակից պատմությունների մեջ տեսնել նաեւ հայկայան մշակույթին ու պատմությանը առանչվող կետեր։ 

«Ասել էի ,որ մտածում եմ` նախագծերը հաջողում են, երբ գերժամանակակից, սիրուն նկարահանված, որակյալ պրոդուկտի մեջ ազգային ու մշակութային նուրբ, բայց կարեւոր գծեր ես ներառում, մեծ աշխարհին քո կինոպրոդուկտը տալիս՝ քո ազգայինի, քո լեզվի ու մշակույթի մասին: Ու ինչ լավ կլինի միշտ սիրուն անցումներ տանք սիրուն հայկականի մասին... Ես մոռացել էի ասածներս, ընկերուհիս` ոչ: Սերիալի եթեր հեռարձակվելուց հետո գրել էր ինձ, որ հպարտանում է, որ այն ինչի մասին ես, ուղղակի, բարձրաձայն մտածել եմ իր հետ` այժմ այլեւս իրականություն է: 
Մենք 10 մասից բաղկացած ժամանակակից պատմության մեջ հնարավորինս ներառել ենք հայկականը, ավանդականը, գրականը, մշակութայինը, ազգայինը... Իսկ Խաչատուր Աբովյանը հայ մտավորականության առանցքային կերպարներից է, այն աշխարհիկ մաքուր հայերենը, որով Միհրանն է խոսում, մեր իսկական էությունն ու լեզուն է, դա ինչպե՞ս կարող ես ինչ-որ տեղ, ինչ-որ նախագծում չշոշափել ու չտեսնել»:

b80417f4-013b-480e-95aa-db084b16d005.jpg (44 KB)

c4f9357b-5863-4d13-8803-8eba4f019a58.jpg (49 KB)

Իննան խոստովանեց, որ սկզբում մտածել են «Սիրելի Սահմին» ներկայացնել գեղարվեստական ֆիլմի տեսքով, հետո՝ որոշել ցուցադրել՝ որպես 10 մասանոց հեռուստասերիալ։ «Գեղարվեստական ֆիլմեր, կարծում եմ, օրերից մի օր կսկսեմ նախաձեռնել: Ի՞նչ ասեմ`առաջ Աստված»։

Ինչ վերաբերում է սերիալի երկրորդ եթերաշրջանին՝ դերասանուհին հավելեց, որ դա կախված է միայն հեռուտադիտղի արձագանքից։ 

c6f091fa-96c5-47dc-aace-08392a9aefa7.jpg (69 KB)

«Հիմա ոչինչ չեմ կարող ասել... համենայն դեպս, այն, ինչ ես կուզեի տեսնել ու ձեռնարկել, եթե լիներ երկրորդ եթերաշրջան` տասնապատիկ ավելի բարդ աշխատանք ու գաղափար է»,-շեշտեց նա։

Հավելենք, որ ֆիլմում նկարահանվել են նաեւ Լեւոն Հախվերդյանը, Մարիամ Ադամյանը, Իրինա Այվազյանը, Մարինկա Խաչատրյանը, Վաչե Երիցյանը, Հայկ Դարբինյանը, Հարություն Սարգսյանը, Միշա Հակոբյանը, Մուրադ Նադիրյանը, Սամվել Դանիելյանը, Ժոռա Հովհաննիսյանը, Հովիկ Հովհաննիսյանը եւ այլք։

Սյունե Առաքելյան

Առավել մանրամասն` այստեղ.

 https://t.me/arm24live

Ucom and Impact Hub Yerevan Wrap Up the Third Edition of Their Green Entrepreneurship Program SoftConstruct and the French University in Armenia Sign A New Memorandum of UnderstandingIDBank to Present a Unified Ecosystem Concept at DigiTec 2026Ucom Supports Annual Mini Whoop Drone Racing Armenia 2026 Competition in YerevanIDBank Presents the Rate.Trading Digital Platform at Toon Expo.Invest 2026The Second Khachaturian International Youth Competition Concludes at China National Opera House Under the Artistic Direction of Sergey Smbatyan "The network this time for COP17 was the most one of exceptional network we have ever had." The service quality by Team was highly appreciated by UN representative Rate.Trading: Large Transactions with Digital Management of Exchange Rate RisksVIVA Foundation Named November Beneficiary of “The Power of One Dram”Special Mortgage Offers: IDBank at Toon Expo: Invest 2026Vahe and Vigen Badalyan File Lawsuit Against 1in.am Seeking Protection of Their Business ReputationIDBank at the UBA Regional Conference: From Travel Solutions to Business OpportunitiesJoint statement by the parties consolidatted around the national agenda35% Discount for the 35th Anniversary on Selected IDBank CardsConverse Bank Expands Its International Capabilities Through Cooperation with Citibank N.A.Business loan pre-approval in five minutes — what did Unibank showcase in Gyumri?Converse Bank Expands Its International Capabilities Through Cooperation with Citibank N.A.Bratislava forum to debate Armenia’s strategic future Ucom Service Center in Artashat Reopens at a New Address Ucom and Republican Union of Employers of Armenia Sign Cooperation MemorandumCreate your Visa Digital from Unibank for purchases and transfers Ucom – Main Sponsor of the 21st International Microelectronics Olympiad IDBank and Idram Hold Financial Literacy Session for Young Chess PlayersUcom Supports Silicon Mountains 2026, Driving Innovation and Technological Development IDBank has issued perpetual coupon bonds for the first timeIDBank Supports the Reconstruction of the Spandaryan Canal: Commemorative Plaque Dedicated to the Project SignedIDBank and Idram Presented Several Environmental Initiatives at COP17Ucom Shares Its Experience in Private Sector Engagement in Nature Conservation at COP17 Blue Zone«Here’s the screenshot, the money has been transferred»: IDBank warns of fake payment scamsFirst Steps in Your Career with IDBank: 16th Cycle of IDream LaunchedDigital Architecture for a Sustainable Future: IDBank's Article in Regional Post MagazineRate.Trading. New Digital Culture of Currency ExchangeDigital Future and Sustainable Development: IDBank's Chairman of the Management Board in an Interview with ForbesApplications Now Open: Armenian Virtuosos International Academy-Festival 2027Book Published with Ucom’s Support Presented at COP17: “The Secret Path of Hovazadzor”Ucom Highlights the Role of Technology in Nature Conservation at COP17“The people of Stepanavan will show through their votes that every attempt to deceive them with videos is doomed to fail”: “Strong Armenia” Party With Ucom’s Support, SunChild Brings Cinema and Environmental Conservation TogetherYoung Musicians of the “Armenian Virtuosos” Program Perform in the COP17 A Birthday in Italy with UnibankIdram and IDBank Participated in the Opening of My Forest Armenia’s Pavilion at COP17Unibank Receives B++ Sustainability Alignment Rating from Agents for Impact GmbH Ucom Supported Yerevan Conservation Symposium 2026 as Strategic PartnerIDBank to Showcase Environmental and Innovative Initiatives at COP17New AI-Powered Wildlife Monitoring Camera Installed in Paruyr Sevak with the Support of Ucom35 Years of Trust: IDBank Celebrates with Its CustomersBusiness and mining leader Mark Cutifani to deliver keynote speech at the 3rd Mining Armenia Forum“From Classroom to Orbit”: With Ucom’s Support, “Space 1.0” Is Being Introduced in 15 Schools Across ArmeniaAfeyan Initiatives for Armenia Awards Grant to the Armenia Education Initiative to Expand the Teach For Armenia’s Seroond School Turnaround Program Ucom to Participate in COP17 Together with FPWC, Showcasing Their Environmental Partnership