Աջակցություն է ստացել 450 ընկերություն
BLOGԱրմեն Վարդանյանը Ֆեյսբուքյան իր էջում գրում է.
Տնտեսության զարգացման գործոններից մեկը արտահանումն է և պետությունն էլ իր կողմից մշակում է որոշակի քաղականություն, մեխանիզմներ արտահանման ծավալներն ավելացնելու համար:
Այսօր գործադիր մարմնի կողմից հաստատվեց ՀՀ արտահանմանն ուղղված արդյունաբերական քաղաքականության ռազմավարությամբ նախատեսված միջոցառումների իրականացման 2016թ ծրագիրը և միջոցառումների ցանկը: Ընդհանուր առմամբ նախատեսվում է հատկացնել 475 միլիոն դրամ:
Ներկա դրությամբ աջակցություն է ստացել 450 և սուբսիդավորվել 16 ընկերություն, համաֆինանսավորվել է 8 կազմակերպություն, կազմակերպվել է 9 գործարար համաժողով, որին մասնակցել են 1800 ընկերություններ, կազմակերպվել են գինու համտեսներ, 17 միջազգային ոլորտային ցուցահանդես, որոնց մասնակցել են 430 կազմակերպություններ:
Պետական աջակցությունը լրացուցիչ խթան կարող է հանդիսանալ թե ներդրումային միջավայրի ստեղծման, և թե գործարարների կողմից արտադրանքի արտահանման ծավալների ավելացման համար: