«Ի զարմանս ինձ, Ալիկի կերպարի մասին վատ մեկնաբանույթյուններ չկային». Հայկ Դարբինյանը՝ «Սիրելի Սահմի»-ի, նոր նախագծերի և «Հատուկ դասարան»-ի անձնակազմի մասին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Դերասան Հայկ Դարբինյանը լսարանին հայտնի մի շարք հեռուստանախագծերից: Նա վերջերս նկրահանվում էր «Սիրելի Սահմի» նախագծում՝ մարմնավորելով գլխավոր հերոսներից մեկին՝ Սահմիի եղբորը՝ Ալիկին: Tert.am Life-ի հետ զրույցում դերասանը խոսել է «Սիրելի Սահմի»-ի նկարահանումների և կերպարի, նոր նախագծերի և «Հատուկ դասարան»-ի անձնակազմի մասին:

Խոսելով իր կերպարի հակասական լինելու մասին՝ Հայկը նշում է. «Կերպարս ավելի շատ ընդունվեց ճիշտ մեկնաբանության շնորհիվ: Կերպարս վտանգավոր եզրագիծ ուներ, որը հստակ ակցենտավորված չէր, այն, ինչը որ կարող էր հեռուստադիտողին դուր չգար հստակ չէր, ու փորձել էինք նուրբ գիծը պահել, ու ես էլ՝ որպես դերասան, շատ նրբանկատորեն էի մոտենում այդ հարցին: Կերպարի խնդիրը կոնտրաստի մեջ էր, ավելի շատ Միհրան-Ալիկ գծի համար, այսինքն 1800-ականների Միհրանի ու այս ժամանակաշրջանի ակտիվ ու սոցիալական իր արժեհամակարգով Ալիկի մեջ կոնտրաստ ապահովելն էր խնդիրը: Չեմ ասի, որ Ալիկի կերպարն է մեր արժեհամակարգը, բայց կոնտրաստի համար դա էր պետք ընդգծել»:

Նա նշում է, որ կերպարը իր համար բարդ էր. «Կերպարն ինձնից դուրս էր, ու ես փորձում էի չնմանվել ինձ կամ մեկ այլ կերպարի: Սկսած ինտոնացիաներից, շեշտերից, ձայնի տեմբրից զրոյից հավաքված էր, ու շատ բարդ էր անըդհատ մնալ այդ ամենի մեջ»:

Համեմատելով իր «Հատուկ դասարան»-ի և «Սիրելի Սահմի»-ի  կերպարները՝ Հայկը նշում է. «Ի զարմանս ինձ և բոլորի, Ալիկի կերպարի մասին վատ մեկնաբանույթյուններ գրեթե չկային, բոլորը սիրել էին, իսկ «Հատուկ դասարանի» ժամանակ ինձ անգամ անձնական էջով էին վատ բաներ գրում, մի անգամ մեկը շատ երկար նամակ էր գրել, ու վերջում գրել էր՝ մտնես Կիրովական վիզդ կկտրեմ (ծիծաղում է): Կարծում եմ հենց ճիշտ ակցենտավորման շնորհիվ էր, որ Ալիկի կերպարը սիրվեց ու վատ մեկնաբանությւոններ, անգամ անձնական էջիս չէին գրում: Զարմացած էինք, ոչ թե որ վատ մեկնաբանություններ չկան, այլ, որ կերպարը վատ տեսնակյունից չէին դիտարկել»:

«Սիրելի Սահմի» հեռուստանախագծի դերասանների կազմում Ալիկը հայ ամենաերիտասարդ դերասաններից է, որը խաղում էր ավելի փորձառու դերասանների հետ, ինչպիսինն են Իննա Խոջամիրյանը, Սոս Ջանիբեկյանը, Մարիամ Ադամյանը: Հայկը նշում է, որ դերասանական անձնակազմի հետ աշխատելը շատ հաճելի էր. «Մեկս մյուսին օգնում էինք, ու դա գալիս էր նրանից, որ իրենք երկար տարիների փորձ ունեին ու խոսքը ավելի լավ խաղալու մասին չէ, այլ ավելի պրոֆեսիոնալ լինելու մասին է: Այս նախագծի ընթացքում բոլորս համ օգնում էինք իրար համ լավ էինք խաղում»:

Հայկը նշում է, որ նոր գաղափարներ կան, բայց դեռ չի ուզում խոսել դրանց մասին, բայց նշում է որ եթե նոր կերպարի առաջարկի լինի, կուզի, որ կերպարը լինի Ալիկի հակապատկերը:

Խոսելով նախագծերից և ընկերներից՝  նա նշում է, որ «Հատուկ դասարան»-ի անձնակազմի հետ շատ մտերիմ են. «Բոլոր նախագծերից ընկերներ ունենում եմ, բոլորի հետ լավ հարաբերությունների մեջ ենք բայց «Հատուկները» ուրիշ են, իրենց հետ միշտ կապի մեջ ենք, լավ ընկերներ ենք: Մենք ցանկացած պահի իրար կարիք ունենում ենք՝ որպես ընկերներ, դա նաև գալիս է նրանից, որ երկար ժամանակ աշխատեցինք իրար հետ»:

Հայկը նաև բացահայտում է նոր նախագծի մասին. «Շուտով փոքրիկ գավազդային արշավ կսկսենք սոցիալական մեդիայում, նոր ներկայացման մասին կպատմենք: Ներկայացում լինելու է վերբատիմ դոկումետալ»:

Հեղինակ՝ Էլեն Միքայելյան: