ԶՊՄԿ-ն ավելի քան 10 տարի առողջության ապահովագրություն է տրամադրում իր աշխատակիցներին և նրանց ընտանիքի անդամներին
SOCIETY![ԶՊՄԿ-ն ավելի քան 10 տարի առողջության ապահովագրություն է տրամադրում իր աշխատակիցներին և նրանց ընտանիքի անդամներին](/timthumb.php?src=disc/04-05-24/0bf2528a58cdf3f8fe263bc5838cf8ea.jpg&w=780)
Այս տարվանից մեկնարկել է առողջության համապարփակ ապահովագրության համակարգի ներդրումը: Այն կիրականացվի փուլային տարբերակով, իսկ 2027 թվականից կսկսի գործել ամբողջությամբ եւ պարտադիր կդառնա բոլոր քաղաքացիների համար: Կառավարության հիմնավորմամբ՝ պարտադիր ապահովագրության համակարգի ներդրումը կնպաստի ոչ միայն քաղաքացիների առողջապահական խնդիրների վաղ հայտնաբերմանը եւ ժամանակին անհրաժեշտ բուժօգնության տրամադրմանը, այլեւ կնպաստի առողջապահության ոլորտում նոր ներդրումների ներգրավմանը:
Չնայած նրան, որ պարտադիր ապահովագրությունը ուժի մեջ է մտնում այս տարվանից՝ Հայաստանում գործող տարբեր ընկերություններ երկար տարիներ իրենց աշխատակիցների համար առողջական ապահովագրություն են տրամադրում եւ բժշկական ծառայությունների լայն ծածկույթ ապահովում:
Ինչո՞ւ են ընկերությունները ինքնակամ ապահովագրում իրենց աշխատակիցներին և արդյոք նման ընկերությունների թիվն ավելանում է։ «Նաիրի ինշուրանս» ընկերության անձնական ապահովագրության հայտերի դեպարտամենտի ղեկավար Աղավնի Դիլանյանի հետ զրույցից տեղեկացանք, որ վերջին տարիներին աշխատակիցների ապահովագրության կորպորատիվ փաթեթները ավելացել են, շուկան ակտիվացել է եւ ընկերությունները բավականին հետաքրքրված են այս պրոդուկտով:
Նրա խոսքով՝ ապահովագրությունն, առաջին հերթին, ընկերությունների համար մրցակցային առավելություն է ապահովում. «Վերջին տարիներին այսպիսի տենդենց կա, բացի աշխատավարձից՝ գործատուին դիմելիս շատ հաճախ հարցնում են ապահովագրության մասին: Այսինքն՝ առողջության ապահովագրությունն այսօր արդեն մրցակցության մաս է կազմում: Բուժծառայությունների գներն էլ բավականին բարձր են եւ միայն մեկ ամբուլատոր այցը՝ խորհրդատվությամբ եւ հետազոտությունների փաթեթով կարող է միջինում մինչեւ 60 հազար դրամ արժենալ, իսկ ապահովագրության դեպքում փաթեթի շուկայական միջին գինը կազմում է 120-25 հազար դրամ, որի պարագայում կարողանում են օգտվել ատամնաբուժական, վիրահատական, ամբուլատոր ծառայություններից: Այսինքն՝ այն միանշանակ ֆինանսական տեսանկյունից է շահավետ թե գործատուի, թե աշխատակցի համար:»,- նշում է նա:
Ապահովագրական ընկերության տվյալների համաձայն՝ կան ընկերություններ, որոնք արդեն երկար տարիներ իրենց աշխատակիցներին տրամադրում են առողջապահական փաթեթ։ ՏՏ ոլորտի ընկերությունները, միջազգային կազմակերպությունները եւ բանկերը գրեթե բոլորն ունեն առողջության ապահովագրություն: Ընդ որում, եթե այսօր կառավարությունը դա պարտադրելու է բոլոր գործատուներին, տարիներ առաջ նման պարտադրանք չկար։
Նման ընկերություններից է «Զանգեզուրի պղնձամոլիբդենային կոմբինատը» (ԶՊՄԿ), որն ավելի քան 10 տարի առողջության ապահովագրություն է տրամադրում իր աշխատակիցներին եւ նրանց ընտանիքի անդամներին:
ԶՊՄԿ առողջապահական ծառայությունների համակարգման գրասենյակի ղեկավար Պերճուհի Պողոսյանը Banks.am-ի հետ զրույցում խոսել է այս մոտեցման առավելությունների մասին։
Ապահովագրության կարեւորությունը եւ ԶՊՄԿ փորձը
Աշխատակիցների առողջության ապահովագրությունն ընկերություններում անհրաժեշտ է այնքանով, որ գործատուն համոզված լինի՝ իր աշխատողներն առողջ են, իսկ աշխատողները համոզված լինեն, որ խնդիրներ լինելու դեպքում գործատուն կհոգա առողջության ծախսերը՝ ապահովագրական ընկերությունների միջոցով:
Կոմբինատը Հայաստանի այն եզակի գործատուներից է, որն ապահովագրում են նաեւ ընտանիքի անդամներին: Մեր ապահովագրության պարագայում ընտանիքի անդամ են հանդիսանում ոչ միայն կինը/ամուսինը, երեխան, այլեւ ծնողները, ընտանիքի ներսում ապրող քույրը եւ եղբայրը:
Ապահովագրության փաթեթը
Ապահովագրության փաթեթում ներառված է գրեթե ամեն ինչ՝ կանխարգելիչ բուժզննումից, հետազոտություններից սկսած մինչեւ վիրահատություններ՝ բացառությամբ էսթետիկ միջամտությունները: Կարող եմ պնդել, որ մեր աշխատակիցներն իրենց եւ իրենց ընտանիքի անդամների առողջությանն ուղղված ծախսեր գրեթե չեն անում:
Առողջության ապահովագրության փաթեթը տրամադրում է պայմանագրային ծառայություններ, բայց կան այնպիսի այնպիսիք, որոնք ապահովագրական ընկերությունների ծածկույթից դուրս են, բացառություններ են: Դրանք արդեն ֆինանսավորում է մեր գրասենյակը՝ ԶՊՄԿ բարեգործական հիմնադրամի միջոցներով:
Մեր ընկերությունը խրախուսում է տարեկան պարտադիր բուժզննումների եւ կանխարգելիչ հետազոտությունների անցկացումը, որոնց դեպքում խնդիրը կարելի է հայտնաբերել նախնական փուլում, բուժել եւ խուսափել հետագա բարդություններից:
Աշխատակիցները եւ Սյունիքի մարզի օրինակը
ԶՊՄԿ-ն ունի ավելի քանի 5 հազար աշխատակից, որոնց ընտանիքի անդամների թիվն էլ հասնում 12-13 հազարի: Նրանք մեր ապահովագրական փաթեթից օգտվելու հավասար իրավունքներ ունեն:
Մեր ձեռքի տակ ողջ բազան ունենք, թե որ աշխատակիցը եւ նրա ընտանիքի անդամները երբ եւ ինչ հետազոտություններ են անցել: 2023 թվականի ընթացքում 4583 շահառու օգտվել է ապահովագրական փաթեթից 8082 հայտի շրջանակում, իսկ ԶՊՄԿ բարեգործական հիմնադրամը ֆինանսավորել է 600 անձի բուժում՝ 3800 դեպք։
Մենք բոլոր աշխատողներին խրախուսում ենք, երբեմն էլ՝ բարեկամաբար «ստիպում» ենք, որպեսզի տարեկան կանխարգելիչ բուժզննումն անցնեն: Պետք է փաստեմ, որ մեր աշխատակիցների եւ նրանց ընտանիքին անդամների մոտ արդեն պարտադիր հետազոտություններ անցնելու մշակույթ է ձեւավորվել: Սա կարևորագույն նշանակություն ունի առողջության պահպանման համար։
Առողջապահության ազգային ինստիտուտի վիճակագրությունը փաստում է, օրինակ, որ քաղցկեղից ամենաքիչ հայտնաբերման դեպքերը 100 հազար բնակչի հաշվով գրանցվել է հանքարդյունաբերական ամենամեծ մարզում՝ Սյունիքում: Նման ցուցանիշի գրանցման հարցում մեծ ներդրում ունի նաեւ կորպորատիվ ապահովագրությունների փաթեթը: Քաղցկեղն այսօր, ցավոք, համատարած տարածում ունի աշխարհում, իսկ նորագոյացությունների վաղ հայտնաբերումը և հսկողությունը հիվանդության դեմ պայքարի լավագույն ձեւերից է:
Արփի Ջիլավյան
![](/timthumb.php?src=disc/24-06-24/ff71387fc920df59ef2d2b625b2e13cc.jpg&w=60&h=60)
![](/timthumb.php?src=disc/24-06-24/52c2474f02b18eba95c5e6080a97c258.jpg&w=60&h=60)
![](/timthumb.php?src=disc/21-06-24/f974b265400cdd372fe24ab44187910e.jpg&w=60&h=60)
![](/timthumb.php?src=disc/20-06-24/dd8f881a59861340e742408a4712504e.jpg&w=60&h=60)
![](/timthumb.php?src=disc/19-06-24/df076e2b574419a7fd5b938b6056a0f2.jpg&w=60&h=60)
![](/timthumb.php?src=disc/18-06-24/cac91821a550ba73d3e324f0bb721d48.jpg&w=60&h=60)
![](/timthumb.php?src=disc/17-06-24/b032087a14cb689780da09ee8ae1fc6c.jpg&w=60&h=60)
![](/timthumb.php?src=disc/17-06-24/758909027e21ddae45baff7988769cf8.jpg&w=60&h=60)
![](/timthumb.php?src=disc/14-06-24/9caa3d605d90d3b08ad0be9225d0e060.jpg&w=60&h=60)
![](/timthumb.php?src=disc/14-06-24/23a90ffbae6a7f575e27b5042eb57d13.jpg&w=60&h=60)
![](/timthumb.php?src=disc/12-06-24/d3692207c97378b71aca52e06fa81271.jpg&w=60&h=60)
![](/timthumb.php?src=disc/12-06-24/d01f103f688fdf13af6688fac8d5b8c2.jpg&w=60&h=60)
![](/timthumb.php?src=disc/11-06-24/ede77c726a5f793926d062038617db44.jpg&w=60&h=60)
![](/timthumb.php?src=disc/11-06-24/ba2afe249ca970a60c7eefdb4b7d8b62.jpg&w=60&h=60)
![](/timthumb.php?src=disc/10-06-24/e222041f95b36db9314bded9661df0de.jpg&w=60&h=60)
![](/timthumb.php?src=disc/07-06-24/63e0ba323a5e972cb7f9082a994f291e.jpg&w=60&h=60)
![](/timthumb.php?src=disc/07-06-24/7e796ee1fe3d7dd8eec11d3e390409f8.jpg&w=60&h=60)
![](/timthumb.php?src=disc/07-06-24/25269fcfadc5fa4625346584a4554395.jpg&w=60&h=60)
![](/timthumb.php?src=disc/07-06-24/858a674e360afea9db5b775000b501c4.jpg&w=60&h=60)
![](/timthumb.php?src=disc/05-06-24/ab597f01320d7e2433ce37b694d9bddb.jpg&w=60&h=60)
![](/timthumb.php?src=disc/04-06-24/f988e26768bf6880f3f8a4e940c93ea3.jpg&w=60&h=60)
![](/timthumb.php?src=disc/04-06-24/272129e7efa9f73aa5f774be300986d2.jpg&w=60&h=60)
![](/timthumb.php?src=disc/01-06-24/b1ee594b5629a60f28cff6c3d83df696.jpg&w=60&h=60)
![](/timthumb.php?src=disc/31-05-24/e6225fe187cc3b10582a2d6994d039b2.jpg&w=60&h=60)
![](/timthumb.php?src=disc/31-05-24/db4a6d97ce8f141fe037294deec72d74.jpg&w=60&h=60)
![](/timthumb.php?src=disc/30-05-24/bd8c5e9b05dddcdbb58d0be79df8c21d.jpg&w=60&h=60)
![](/timthumb.php?src=disc/29-05-24/d2c8497be0862afb0e9107f1a2f235d9.jpg&w=60&h=60)
![](/timthumb.php?src=disc/27-05-24/9c446cf8d9398e67d973bece6c6bfb38.jpg&w=60&h=60)
![](/timthumb.php?src=disc/25-05-24/d93da469bff9a1b0820a4dd5e54cc173.jpg&w=60&h=60)
![](/timthumb.php?src=disc/22-05-24/5314e80bf18f21db1eac8d706c40e41e.jpg&w=60&h=60)
![](/timthumb.php?src=disc/22-05-24/4b282787c6b97a7fee0e72d7a7100171.jpg&w=60&h=60)
![](/timthumb.php?src=disc/22-05-24/820fbd36445c27cda9d391199290270c.jpg&w=60&h=60)
![](/timthumb.php?src=disc/21-05-24/33686267ed8d266a4323e4e49e6accc6.jpg&w=60&h=60)
![](/timthumb.php?src=disc/21-05-24/71479d8348c71270e1b23c9fc2b6b961.jpg&w=60&h=60)
![](/timthumb.php?src=disc/21-05-24/ad3998e0de697195d0eb4c730d259d80.jpg&w=60&h=60)
![](/timthumb.php?src=disc/20-05-24/744d8d0f860908da677257cc54209b80.jpg&w=60&h=60)
![](/timthumb.php?src=disc/20-05-24/bbc87d37e6ea3c88774db06e943fe87a.jpg&w=60&h=60)
![](/timthumb.php?src=disc/20-05-24/be8258faff1d5cf62ef8bd8eed7861cc.jpg&w=60&h=60)
![](/timthumb.php?src=disc/17-05-24/0c7a8a6291e6d10cfe6eddd30e87c05f.jpg&w=60&h=60)
![](/timthumb.php?src=disc/17-05-24/b52a41d9393dc2c8486d6e8032136675.jpg&w=60&h=60)
![](/timthumb.php?src=disc/15-05-24/2a289d803c2eba64c4de204062bb8e4d.jpg&w=60&h=60)
![](/timthumb.php?src=disc/15-05-24/eebfbb08c6fcdcc6ba953918b605e811.jpg&w=60&h=60)
![](/timthumb.php?src=disc/14-05-24/b707dd1bd59c9949defdab38f84e517c.jpg&w=60&h=60)
![](/timthumb.php?src=disc/14-05-24/6c776233470b4d8a10ce0437d75413d3.jpg&w=60&h=60)
![](/timthumb.php?src=disc/13-05-24/d7d2d158dfa3617d9ea6ebe1eac3d358.jpg&w=60&h=60)
![](/timthumb.php?src=disc/08-05-24/d516d028e4f6c4b3e1da8251e9110547.jpg&w=60&h=60)
![](/timthumb.php?src=disc/08-05-24/96dc9ae0da17332527e79543b3225b31.jpg&w=60&h=60)
![](/timthumb.php?src=disc/07-05-24/f9fd94b4c6de8ec111ecf156395fbf4f.jpg&w=60&h=60)
![](/timthumb.php?src=disc/03-05-24/677256839dc8564cd886b151e56ac6fe.jpg&w=60&h=60)
![](/timthumb.php?src=disc/03-05-24/70c697ce00e02e2400232e09d9e40e56.jpg&w=60&h=60)
![](banners/acba.gif)
![](banners/venus.jpg?v3sd2s)