ԶՊՄԿ ընկերությունը բոլոր մրցաշարերում մեզ աջակից եղավ, արդյունքում Հայաստանն ունեցավ մեդալակիր, ումից այս տարի ավելի մեծ ակնկալիքներ ունենք. Աշոտ Սադխյան
SOCIETY![ԶՊՄԿ ընկերությունը բոլոր մրցաշարերում մեզ աջակից եղավ, արդյունքում Հայաստանն ունեցավ մեդալակիր, ումից այս տարի ավելի մեծ ակնկալիքներ ունենք. Աշոտ Սադխյան](/timthumb.php?src=disc/24-06-24/60346a8de5860df48be5ff0803ba097e.jpg&w=780)
Աշոտ Սադխյանն ավարտել է Հայաստանի ֆիզիկական կուլտուրայի եվ սպորտի պետական ինստիտուտի բռնցքամարտի բաժինը: 2007-ից աշխատում է մարզահամալիրում՝ ֆիզմեթոդիստ, Քաջարանի «ՄՊՄԴ»-ում՝ որպես բռնցքամարտի մարզիչ: Մասնակցել է բազմաթիվ միջազգային և հանրապետական մրցաշարերի՝ զբաղեցնելով մրցանակային տեղեր:
2023 թ. ապրիլի 8-ին հիմնադրվեց Սյունիքի մարզի բռնցքամարտի ֆեդերացիան, որի նախագահը դարձավ՝ շուրջը համախմբելով Սիսիանի, Գորիսի և Քաջարանի բռնցքամարտիկներին: Մոտ ժամանակներս ունեն ծրագիր Կապանում բացելու մասնագիտացված բռնցքամարտի դպրոց: Տարիներ առաջ բռնցքամարտ պարապում էին, բայց մարզաձևը մեզանում տարածված չէր: Հիմա իրավիճակը ուրիշ է:
2023 թ. գրեթե բոլոր ամիսներին մասնակցել են տարբեր մրցաշարերի, որոնց ֆինանսավորումը հովանավորել է «ԶՊՄԿ» ՓԲԸ-ի կայուն զարգացման գծով տնօրեն Արմեն Ստեփանյանը: 2023 թ. հունիսի 25-ին Սիսիան քաղաքում անցկացվեց Սիսիան համայնքի բռնցքամարտի գավաթի բաց առաջնություն:
2023թ մայիսի 14-ից 20-ը Երևանում անցկացվեց ավագ տարիքի պատանիների ՀՀ բռնցքամարտի առաջնություն: 66 կգ քաշային կարգում Վահագն Աթայանը զբաղեցրեց մրցանակային երրորդ տեղը: Դա Սյունիքի համար մեծ ձեռքբերում էր:
«Հայաստանի մրցաշարերին մասնակցելն ինքնին արդեն հաջողություն է, որին մասնակցում են ուժեղագույնները: Այս տարի գարնանը կրտսեր տարիքի մասնակիցներ էլ կունենանք, արդյունքներն ըստ ամենայնի՝ երկար սպասել չեն տա:
Ավանդույթներ չկան, որոնց վրա կարող ես հենվել: Ամենակարևոր նպատակն այն է, որ ստեղծենք այդ ավանդույթները, իսկ դա դատարկ տեղում չի ստեղծվում, պետք է չեմպիոն ունենանք, Հայաստանի առաջնության մրցանակակիր ունենանքնք, ով օրինակ հանդիսանա երեխաների համար, ներշնչանքի աղբյուր դառնա: Այժմ մեր գերնպատակն է այս տարածաշրջանում զարգացնել բռնցքամարտը, երեխաների մեջ առողջ ապրելակերպ սերմանել: Շատ կան մարզաձևեր, բայց բռնցքամարտը, ըմբշամարտը օլիմպիական մարզաձևեր են»,– մտորումներն է ներկայացնում Աշոտ Սադխյանը և հավելում,– «Բռնցքամարտով պարապում է 30 սան, ուսուցումն անվճար է, 2023 թ. բոլոր մրցաշարերին մասնակցել ենք: ԶՊՄԿ ընկերությունը բոլոր մրցաշարերում մեզ աջակից եղավ, արդյունքում Հայաստանն ունեցավ մեդալակիր, ումից այս տարի ավելի մեծ ակնկալիքներ ունենք»:
«Ե՛վ սպորտի նախարարությունն է մեզ գույք տրամադրում, և՛ ԶՊՄԿ ընկերությունը: Չի եղել դեպք, որ դիմենք, և նրանք չօգնեն: Տեսնում եմ, մարզիչներ կան, ովքեր ասում են, որ չի ստացվում, չկա, բայց մեր պարագայում և՛ սաղավարտների, և՛ ձեռնոցների, և՛ գույքի հարցում, երբ դիմել ենք, օգնությունը չի ուշացել: Այժմ ոչ մի բանի խնդիր չունենք, մնում է ավելի շատ մրցումների մասնակցենք, մնում է տարածաշրջանում բռնցքամարտը զարգանա: Տեսեք նախկինում չկային, հիմա Գորիսում, Սիսիանում, շուտով նաև Կապանում կլինի: Կուզենայի առանձնացնել, թե ինչպես է Կապանի համայնքապետն ամենայն ուշադրությամբ, հետևողականությամբ ցանկանում զրոյից բռնցքամարտի դպրոց բացել, ուզում է, որ ամեն ինչ ամենալավը լինի: Եթե բացվեց, այդ դպրոցում կարող են շուրջ 100 երեխա բռնցքամարտով զբաղվի: Մրցակցություն կլինի, քանակը բերում է որակի»,– համոզված է Աշոտ Սադխյանը:
2022 թ. դեկտեմբերի 10-ին Քաջարան քաղաքում տեղի ունեցավ 44-օրյա պատերազմում զոհված քաջարանցիների հիշատակին նվիրված բռնցքամարտի բաց առաջնության հուշամրցաշար:
2023 թ. դեկտեմբերի 9-ին Քաջարանում տեղի ունեցավ՝ «ԶՊՄԿ» ՓԲԸ-ի հովանավորությամբ բռնցքամարտի բաց առաջնություն: Մրցաշարին մասնակցեց շուրջ 120 մարզիկ:
Մեր զրուցակիցը կարևորեց նաև վերապատրաստման անհրաժեշտությունը. «Նախարարությունը, ֆեդերացիան կազմակերպում են դասընթացներ: Օրինակ, տարիներ առաջ կար հինգ տարով ատեստավորման դասընթաց, ես էլ մասնակցեցի, բայց մոտակա ժամանակներում դեռ նման բան չի նախատեսվում, որ լինի մեծ սիրով կրկին կմասնակցենք, որովհետև պարտադիր է վերապատրաստվելը: Ֆեդերացիայի հետ անմիջական կապ կա՝ մրցումների հետ կապված, ուսումնամարզական հավաքներ են լինում, մենք 2023 թվականից ենք գործում, բայց կարող եմ ասել՝ չկա այնպիսի մի հարց, որ բարձրացրել ենք և ստացել բացասական պատասխան:
Նպատակ ունենք առավելագույնս շատ երեխաներ ներգրավել մարզական կյանքի մեջ, իսկ գերնպատակը՝ առողջ սերունդ կրթելն է, երեխաներին չվնասելը, փողոցի բացասական ազդեցությունից, հեռախոսից կտրելը»,– այսպիսի լուրջ նպատակներ է դրել իր առջև:
«Երբեմն մեզ երեխաներ են դիմում, ովքեր ֆիզիկապես թույլ են, բայց մեծ ցանկություն ունեն բռնցքամարտով զբաղվելու: Վերջերս հինգ տարեկան մի փոքրիկ եկավ մոտս՝ Արարատը, ասաց՝ ուզում եմ բոքսով զբաղվեմ, ես ուժեղ տղա եմ: Մի խոսքով դրական ներուժով սերունդ ունենք...»,– վերջում լավատեսություն հայտնեց բռնցքամարտի մարզիչը:
Վահրամ Օրբելյան
![](/timthumb.php?src=disc/26-06-24/41eb2cc5112a2fb0370690dee0565664.jpg&w=60&h=60)
![](/timthumb.php?src=disc/26-06-24/4fa80fb1ccce501c3a8ac433cb9bb881.jpg&w=60&h=60)
![](/timthumb.php?src=disc/24-06-24/ff71387fc920df59ef2d2b625b2e13cc.jpg&w=60&h=60)
![](/timthumb.php?src=disc/24-06-24/52c2474f02b18eba95c5e6080a97c258.jpg&w=60&h=60)
![](/timthumb.php?src=disc/21-06-24/f974b265400cdd372fe24ab44187910e.jpg&w=60&h=60)
![](/timthumb.php?src=disc/20-06-24/dd8f881a59861340e742408a4712504e.jpg&w=60&h=60)
![](/timthumb.php?src=disc/19-06-24/df076e2b574419a7fd5b938b6056a0f2.jpg&w=60&h=60)
![](/timthumb.php?src=disc/18-06-24/cac91821a550ba73d3e324f0bb721d48.jpg&w=60&h=60)
![](/timthumb.php?src=disc/17-06-24/b032087a14cb689780da09ee8ae1fc6c.jpg&w=60&h=60)
![](/timthumb.php?src=disc/17-06-24/758909027e21ddae45baff7988769cf8.jpg&w=60&h=60)
![](/timthumb.php?src=disc/14-06-24/9caa3d605d90d3b08ad0be9225d0e060.jpg&w=60&h=60)
![](/timthumb.php?src=disc/14-06-24/23a90ffbae6a7f575e27b5042eb57d13.jpg&w=60&h=60)
![](/timthumb.php?src=disc/12-06-24/d3692207c97378b71aca52e06fa81271.jpg&w=60&h=60)
![](/timthumb.php?src=disc/12-06-24/d01f103f688fdf13af6688fac8d5b8c2.jpg&w=60&h=60)
![](/timthumb.php?src=disc/11-06-24/ede77c726a5f793926d062038617db44.jpg&w=60&h=60)
![](/timthumb.php?src=disc/11-06-24/ba2afe249ca970a60c7eefdb4b7d8b62.jpg&w=60&h=60)
![](/timthumb.php?src=disc/10-06-24/e222041f95b36db9314bded9661df0de.jpg&w=60&h=60)
![](/timthumb.php?src=disc/07-06-24/63e0ba323a5e972cb7f9082a994f291e.jpg&w=60&h=60)
![](/timthumb.php?src=disc/07-06-24/7e796ee1fe3d7dd8eec11d3e390409f8.jpg&w=60&h=60)
![](/timthumb.php?src=disc/07-06-24/25269fcfadc5fa4625346584a4554395.jpg&w=60&h=60)
![](/timthumb.php?src=disc/07-06-24/858a674e360afea9db5b775000b501c4.jpg&w=60&h=60)
![](/timthumb.php?src=disc/05-06-24/ab597f01320d7e2433ce37b694d9bddb.jpg&w=60&h=60)
![](/timthumb.php?src=disc/04-06-24/f988e26768bf6880f3f8a4e940c93ea3.jpg&w=60&h=60)
![](/timthumb.php?src=disc/04-06-24/272129e7efa9f73aa5f774be300986d2.jpg&w=60&h=60)
![](/timthumb.php?src=disc/01-06-24/b1ee594b5629a60f28cff6c3d83df696.jpg&w=60&h=60)
![](/timthumb.php?src=disc/31-05-24/e6225fe187cc3b10582a2d6994d039b2.jpg&w=60&h=60)
![](/timthumb.php?src=disc/31-05-24/db4a6d97ce8f141fe037294deec72d74.jpg&w=60&h=60)
![](/timthumb.php?src=disc/30-05-24/bd8c5e9b05dddcdbb58d0be79df8c21d.jpg&w=60&h=60)
![](/timthumb.php?src=disc/29-05-24/d2c8497be0862afb0e9107f1a2f235d9.jpg&w=60&h=60)
![](/timthumb.php?src=disc/27-05-24/9c446cf8d9398e67d973bece6c6bfb38.jpg&w=60&h=60)
![](/timthumb.php?src=disc/25-05-24/d93da469bff9a1b0820a4dd5e54cc173.jpg&w=60&h=60)
![](/timthumb.php?src=disc/22-05-24/5314e80bf18f21db1eac8d706c40e41e.jpg&w=60&h=60)
![](/timthumb.php?src=disc/22-05-24/4b282787c6b97a7fee0e72d7a7100171.jpg&w=60&h=60)
![](/timthumb.php?src=disc/22-05-24/820fbd36445c27cda9d391199290270c.jpg&w=60&h=60)
![](/timthumb.php?src=disc/21-05-24/33686267ed8d266a4323e4e49e6accc6.jpg&w=60&h=60)
![](/timthumb.php?src=disc/21-05-24/71479d8348c71270e1b23c9fc2b6b961.jpg&w=60&h=60)
![](/timthumb.php?src=disc/21-05-24/ad3998e0de697195d0eb4c730d259d80.jpg&w=60&h=60)
![](/timthumb.php?src=disc/20-05-24/744d8d0f860908da677257cc54209b80.jpg&w=60&h=60)
![](/timthumb.php?src=disc/20-05-24/bbc87d37e6ea3c88774db06e943fe87a.jpg&w=60&h=60)
![](/timthumb.php?src=disc/20-05-24/be8258faff1d5cf62ef8bd8eed7861cc.jpg&w=60&h=60)
![](/timthumb.php?src=disc/17-05-24/0c7a8a6291e6d10cfe6eddd30e87c05f.jpg&w=60&h=60)
![](/timthumb.php?src=disc/17-05-24/b52a41d9393dc2c8486d6e8032136675.jpg&w=60&h=60)
![](/timthumb.php?src=disc/15-05-24/2a289d803c2eba64c4de204062bb8e4d.jpg&w=60&h=60)
![](/timthumb.php?src=disc/15-05-24/eebfbb08c6fcdcc6ba953918b605e811.jpg&w=60&h=60)
![](/timthumb.php?src=disc/14-05-24/b707dd1bd59c9949defdab38f84e517c.jpg&w=60&h=60)
![](/timthumb.php?src=disc/14-05-24/6c776233470b4d8a10ce0437d75413d3.jpg&w=60&h=60)
![](/timthumb.php?src=disc/13-05-24/d7d2d158dfa3617d9ea6ebe1eac3d358.jpg&w=60&h=60)
![](/timthumb.php?src=disc/08-05-24/d516d028e4f6c4b3e1da8251e9110547.jpg&w=60&h=60)
![](/timthumb.php?src=disc/08-05-24/96dc9ae0da17332527e79543b3225b31.jpg&w=60&h=60)
![](/timthumb.php?src=disc/07-05-24/f9fd94b4c6de8ec111ecf156395fbf4f.jpg&w=60&h=60)
![](banners/acba.gif)
![](banners/venus.jpg?v3sd2s)