Ոստիկանական օպերացիա «Դեյվ հոթել»-ում․ հայտնաբերվել են առանձնապես ծանր հանցագործության համար հետախուզվողներ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հայտնաբերել են մեծ թվով հետախուզվողներ՝ այդ թվում օտարերկրյա քաղաքացիների, որոնք հետախուզման մեջ են եղել առանձնապես ծանր, ծանր հանցագործություններ կատարելու մեջ, այդ թվում սպանություն, սպանության փորձ հրազենի գործադրմամբ, ավազակություն, կողոպուտ, անձի առևանգում և այլ հանցատեսակներով հետախուզվողների։

Ինչպես հայտնում է ֆոտոլրագրող Գագիկ Շամշյանը, երեկ՝ հուլիսի 11-ին, ոստիկանության Երևան քաղաքի վարչության քրեական հետախուզության բաժնի 2-րդ բաժանմունքում հերթական փայլուն օպերացիան է իրականացվել Երևանում, ինչի արդյունքում հայտնաբերվել են հետախուզման մեջ գտնվող առանձնապես ծանր հանցագործության մեջ հետախուզվող անձինք։

Ժամը 19։30-ի սահմաններում ոստիկանության Երևան քաղաքի վարչության քրեական հետախուզության բաժնի 2-րդ բաժանմունքում օպերատիվ տեղեկություններ են ստացվել, որ Պռոշյան 4 հասցեում գործող «Դեյվ հոթել» հյուրանոցային համալիրում հետախուզման մեջ գտնվող անձինք կան։ Տեղում Երևանի ոստիկանության պետ Ս․ Քոչարյանի,  վարչության պետի օպերատիվ գծով տեղակալ Խ․ Բարխոյանի և քրեական հետախուզության բաժնի պետ Ա․ Հակոբյանի գլխավորությամբ որոշվում է առանց հապաղելու իրականացնել հատուկ օպերացիա։

Ոստիկանները ժամանում են նշված հյուրանոցային համալիր և տեղում պարզվում է, որ ստացված օպերատիվ տեղեկությունը հավաստի էր։ Հյուրանոցային համալիրում հայտնաբերվում են Երևանի բնակիչ  34-ամյա Վարդան Խաչատուրյանը, ով այս տարվա ապրիլի 26-ից ոստիկանության Շենգավիթի բաժնի կողմից գտնվում էր հետախուզման մեջ ՀՀ Քր օր․-ի 46-44-155-րդ հոդվածի 1-ին մասի հատկանիշներով, Երևանի բնակիչ 31-ամյա Սարգիս Հովսեփյանը, ով ոստիկանության Շենգավիթի բաժնի կողմից հետախուզվում էր այս տարվա ապրիլի 26-ից ՀՀ Քր․ օր-44-155-րդ հոդվածի 1-ին մասի և 335-րդ հոդվածի 1-ին մասի հատկանիշներով։ 

Նշված անձինք տեղափոխվել են ՀՀ Արդարադատության նախարարության քրեակատարողական ծառայության «Արմավիր» քրեակատարողական հիմնարկ։

Ֆոտոլրագրողի տեղեկություններով նույն օպերացիայի արդյունքում ոստիկանների աչքից չի վրիպել նաև մեկ այլ հանցագործություն և նշված հյուրանոցային համալիրից ոստիկանները ոստիկանության Արաբկիրի բաժին են տեղափոխել Երևանի բնակիչ 34-ամյա Արտակ Գևորգյանին և նրա մոտ հայտնաբերվել է «Մակարով» տեսակի մարտական ատրճանակ՝ լիցքավորված 7 մարտական փամփուշտներով։ Այս դեպքի փաստով ոստիկանության Արբակիրի բաժնում  փաստաթղթեր են ձևակերպվել, որոնք փոխանցվել են ՀՀ Քննչական կոմիետի Երևան քաղաքի քննչական վարչության Արաբկիրի քննչական բաժին, որտեղ դեպքի փաստով նախաձեռնվել է քրեական վարույթ։ 

Ինչպես ավելի վաղ դեպքի վայրից հայտնել էր ֆոտոլրագրողը, ապրիլի 1-ին կրակոցներ էին հնչել Երևանում։ Ժամը 17։30-ի սահմաններում ՀՀ Ներքին գործերի նախարարության ոստիկանության Պարեկային ծառայության Երևան քաղաքի գնդի 1-ին գումարտակում օպերատիվ տեղեկություններ էին ստացվել, որ Չեխովի 56 շենքի բակում, երթևեկելի գոտում կրակոցներ են հնչել։

Ոստիկաններն ու պարեկները նշված շենքի դիմաց՝ երթևեկելի գոտում, հայտնաբերել էին ատրճանակից արձակված 2 կրակված պարկուճ, իսկ արդեն Արտաշիսյան փողոցում հայտնաբերել էին «Opel» մակնիշի ավտոմեքենա, որի հետևի աջ ապակին կոտրված է։

Ըստ նախնական տեղեկությունների այն կոտրվել էր կրակոցի հետևանքով։

Դեպքի վայրում հավաքված մի քանի քաղաքացիներ, ովքեր հրաժարվել էին տեսախցիկի առաջ խոսել ասում էին, որ երկու ավտոմեքենաների վարորդների միջև վիճաբանություն է տեղի ունեցել, որի ժամանակ էլ նրանցից մեկը իր մոտ ապօրինի պահվող ատրճանակից կրակոցներ էր արձակել, ապա դեպքի վայրից նշված ավտոմեքենաները դիմել էին փախուստի ու ոստիկանությունը ունի օպերատիվ տեղեկություններ, որ Արտաշիսյան փողոցում հայտնաբերված «Opel»-ը մասնակցություն է ունեցել նշված միջադեպին։

Դեպքի փաստով Շենգավիթի քննչական բաժնում նախաձեռնվել էր քրեական վարույթ։