10 բան, որոնցից պետք է խուսափել հարաբերություններում

LIFE 26 January, 2016 0:08

1. Անուշադրություն

Եթե ձեզ մոտ սովորական է դարձել այն իրավիճակը, երբ ձեզանից մեկը ստուգում է էլ. փոստի պարունակությունը կամ էլ օնլայն զրույցներ է վարում ընկերների հետ, իսկ մյուսը՝ նույն սենյակում գտնվելով, ձանձրանում է, ուրեմն ժամանակն է ինչ-որ բան փոխել ձեր հարաբերություններում: Այդ "ինչ-որ բանը" կոչվում է "անուշադրություն": Աշխատեք ավելի ուշադիր լինել ձեր երկրորդ կեսի նկատմամբ:

2. Հաճոյախոսությունների պակաս
Դիմացինի համար հաճելի խոսքեր լսելը երբեք չափից ավելի շատ չի լինում: Հարաբերություններում որոշակի կետի հասնելուց հետո շատերը սկսում են մոռանալ այս հասարակ ճշմարտության մասին և դադարում են իրենց սիրելիին ասել այն բառերը, որոնք մի ժամանակ այնքան հաճախ էին ասում: Ոչինչ այնքան չի նպաստում լավ տրամադրություն ստեղծելուն, ինչքան սիրելիի կողմից ասված ջերմ խոսքերը:

3. Մրցակցություն
Միմյանց հետ մշտապես մրցակցելու սովորությունը կարող է հանգեցնել այն վիճակին, երբ դուք կսկեք աստիճանաբար մոռանալ , որ ռոմանտիկ հարաբերությունների մեջ ամենևին պետք չէ հաշվել, թե ձեզանից ով է ավելի շատ ասել “սիրում եմ” բառը կամ ով է ավելի շատ հաղորդագրություններ ուղարկել մյուսին:

4. Չիրականացվաց խոստումներ
Վստահություն - ահա ցանկացած տեսակի հարաբերությունների հիմնաքարը: Երբեք մի խոստացեք այն, ինչը չեք կարող կատարել: Միշտ պահեք ձեր խոստումը:

5. Շատախոսություն
Սովորեք լսել ձեր սիրելիին, երբ նա խոսում է: Ուշադիր եղեք, որպեսզի սեփական շատախոսությամբ տարվելով, բաց չթողնեք դիմացինին լսելու պահը: Լսել սովորելը կհանգեցնի նրան, որ վիճաբաննությունների մեծ մասը կավարտվեն, դեռ չսկսված:

6. Ցրվածություն
Եթե զրույցի ժամանակ ձեր զրուցընկերը ավելի շատ լռում է, դա դեռ չի նշանակում, որ նա լսում է ձեզ: Ցրվածությունը նշան է այն բանի, որ ձեր զրուցընկերը կամ այն ինչ ասում է նա, կարևոր չէ ձեզ համար: Ձեր հարցերով ցույց տվեք, որ ձեր ուշադրությունը զրուցակցի վրա է, և ոչ թե նախօրեին կայացած ֆուտբոլային հանդիպման հաշիվը ճշտելու վրա:

7. Թեթևամիտ վերաբերմունք հարաբերությունների նկատմամբ
Շատ զույգերի մոտ հարաբերությունները առաջնային նշանակություն են ունենում միայն շփման սկզբնական ժամանակահատվածում: Հետագայում, նոր ուղենիշերի հայտնվելուն զուգընթաց (երեխաներ, աշխատանք, չափից շատ ժամանակ խլող ընկերական շրջապատ), սիրելի մարդու հետ ունեցած շփումը մղվում է երկրորդ պլան: Իսկ այդ վիճակն էլ հանգեցնում է օտարացման զգացողության ի հայտ գալուն:

8. Մշտական քննադատություն
Անընդհատ քննադատելով ձեր կողքին գտնվող մարդուն, դուք մի "գեղեցիկ" օր կտեսնեք, որ մենակ եք մնացել: Քննադատությունը և դիմացինի սխալները մատնացույց անելը պետք է լինեն տեղին և չափի մեջ, հակառակ դեպքում դրանք վերածվում են ինքնանպատակ "մրցակցության":

9. Մանրախնդրություն
Մանրախնդրությունը, ինչպես և քննադատությունը, շատ արագ հանգեցնում է նույնիսկ ամենաամուր հարաբերությունների փլուզմանը: Փորձեք ընդունել ձեր սիրելիին այնպես, ինչպես նա կա:

10. Դիմացինին փոխելու ցանկություն
Ձեր կողքին գտնվող անձնավորությունն ուրիշ, հաճախ ձեզանից շատ տարբերվող անհատականություն է՝ բնավորության իր գծերով, լավ թե վատ: Աշխարհում չկան երկու բացարձակապես միանման մարդիկ: Միշտ հիշեք այս հասարակ ճշմարտությունը ամեն անգամ, երբ ցանկություն է առաջանում ասել նրան, որ ինչ-որ բան նրա մեջ "ուրիշ" է, ոչ այնպես, ինչպես դուք եք պատկերացրել: Նորից՝ փորձեք ընդունել ձեր սիրելիին այնպես, ինչպես նա կա: