Համարձակ ու հստակ ասելիքով. Զիրոյանը, Սոնա Մաթևոսյանն ու Ժորա Մարտիրոսյանը «Հոբելյանական հաճախորդը» կրկին Կամերայինի բեմ բարձրացրեցին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Արա Երնջակյանի «Հոբելյանական հաճախորդը» պիեսը տարիներ անց կրկին Կամերային թատրոնի բեմ բարձրացավ, այս անգամ երիտասարդ ռեժիսոր Ժորա Մարտիրոսյանի բեմադրությամբ, որտեղ գլխավոր հերոսներին մարմնավորում են Զիրոյանն ու Սոնա Մաթևոսյանը:

Tert.am Life-ի հետ զրույցում, փակ դիտումից առաջ, բեմադրիչը խոստովանեց, որ պատասխանատու էր մոտենալ այս գործին, քանի որ այն արդեն մեծ հաջողություն էր ունեցել ֆանստատիկ արտիստների մասնակցությամբ: 

Արդեն պրեմիերայից հետո, դերասանուհի Սոնա Մաթևոսյանը, փորձելով զսպել էմոցիաները, նշեց, որ ներկայացումը բավական բարդ է տրվել:  

«Մինչև վերջին փորձը չենք համբուրվել». Սոնա Մաթևոսյան 

Բավականին բարդ էր այն առումով, որ կյանքի փորձը մեծ նշանակություն ունի, և Փառք Աստծո, մենակ լինելու պատմության միջով չեմ անցել, բայց դրանով էլ գեղեցիկ է մեր մասնագիտությունը: Փորձում ես ինչ-որ ապրումներ արթնացնել ներսդ, մտնել այդ կնոջ կերպարի մեջ:  

Պատահական չէ, որ ներկայացման հերոսներեն անուններ չունեն, այս ներկայացումը կարծես բոլորի համար է, խոսում է կին տղամարդ հարաբերությունների մասին: Էմոցիոնալ տեսարանների ժամանակ դահլիճից եկեղ արձագանքները հաճախ խանգարում են, դրա համար փորձում էի անտեսել դրանք:

Բաց տեսարանների հետ կապված խնդիր ու բարդություն չի եղել, շատ երկար խոսակցություններ ենք ունեցել փորձերի ընթացքում, տեքստերը դրել ենք մի կողմ, ուղղակի խոսել ենք կին տղամարդ հրաբերությունների մասին: Ես ու Զիրոյանը շատ լավ ընկերներ ենք, ու մինչև վերջին փորձը չենք համբուրվել: Երբ հանձնում էինք ներկայացումը պարոն Երնջակյանին, առաջին անգամ այդ ժամանակ համբուրվեցինք, ու փորձեր չենք արել, ասել ենք՝ ոնց կստացվի:

«Իմ ու Սոնայի քիմիան վաղուց ստացված է». Զիրոյան

Յուրաքանչյուն իր կյանքից մի դրվագ կտեսնի ու կհասկանա, ինչպես ճիշտ վարվել կնոջ հետ կամ ինչպես կարելի է խոսել տղամարդու հետ:  Ներկայացումով կփորձենք մի քիչ սեր փոխանցել: Վայելեք ձեր ցանկացած վայրկյանը. սա է ներկայացման գլխավոր ասելիքը: Ամեն րոպեն թանկ է ու այս ամենը շատ կարճ է, չգիտես հաջորդ վայրկյանն ինչ կլինի:

Երբ վերցնում ես այնպիսի պիես, որտեղ կան կոնկրետ հերոսներ, ավելի հեշտ է, իսկ այստեղ կերպար չկա, տղամարդու և կնոջ նուրբ, ներքին խոսակցություններն են:

Շատ ոգևորված ենք, քանի որ երկար ժամանակ փորձելուց հետո հանձնում ենք հանդիսատեսի դատին, եթե չլինեին գործընկերներս՝ Ժորան ու Սոնան, այս ներկայացումը չէր կայանա:

Իմ, ու Սոնայի քիմիան շատ վաղուց ստացված է, մենք վաղուց իրար գիտենք, մեկ հայացքից ու ժեստից հասկանում ենք: Այս դեպքում արդեն վստահ կարող եմ ասել, որ մեր 3-ի քիմիան ստացվեց:

«8 երկար ամիսներ 3-ով միասին հրաշքներ ենք գործել». Ժորա Մարտիրոսյան

Կողքից նայելով այս հարաբերություններին՝ հանդիսատեսը ներկայացումից շատ բան կքաղի, կվերանայի անցած տարիներն ու կփորձի հասկանալ, թե որտեղ է սխալվել:

Իմ 2-րդ բեմադրությունն է: Ես այլ գործ էի ուզում բեմադրել, պարոն Երնջակյանն առաջարկեց այս գործը փորձել: Շատ ուրախացա, բայց պարտավորեցնող էր, որովհետև տարիներ առաջ ֆանտաստիկ արտիստներ են խաղացել այս ներկայացման մեջ՝ Արշո Հարությունյանն ու Քեթրին Մանասյանը, իսկ ֆիլմում խաղացել են Լուիզա Ներսիսյանն ու վրացի դերասան Դավիթ Քացառավան:

Շատ ուրախ եմ, որ Սոնայի ու Զիրոյանի հետ եմ աշխատել, շատ տաղանդավոր արտիստներ են, 8 երկար ամիսներ կողքս կանգնած են եղել, ու միասին հրաշքներ ենք գործել: