13 խորհուրդ` շոգին դիմակայելու համար

LIFE 7 July, 2015 14:52

Ամառվա այս տապին դժվար է դիմակայել շոգին: Հատկապես եթե դուք քաղաքում եք, ոչ թե հանգստավայրում, ապա հենց Ձեզ համար է Past.am-ը պատրաստել այս խորհուրդները:

1. Ժամը 13:00 -16:00-ի ընթացքում մի մնացեք արևի ուղիղ ճառագայթների տակ, դա կարող է արևահարության պատճառ դառնալ:

2. Աշխատեք լինել միայն օդորակիչներ ունեցող վայրերում: Փողոցում ֆիզիկական ակտիվություն մի ցուցաբերեք:

3. Օդորակիչը կարելի է փոխարինել պատշգամբի դռնից կախված թաց սավանով: Սավանը կարելի է օգտագործել նաև չոր վիճակում` 5 րոպե սառնարանում պահելով, այնուհետև դրա վրա պարկելով:

4. Քնելիս ծնկների տակ սառը ջրով շիշ դրեք:

5. Աշխատեք չօգտագործել ալկոհոլ, այն բարձրացնում է մարմնի ջերմաստիճանը: Փոխարենը շատ հեղուկ օգտագործեք:

6. Օգտագործեք շատ պաղպաղակ կամ սառեցված մրգեր: Կարող եք դրանք կտրատել և թողնել սառնարանում:

7. Կարող եք նաև մրգերի բնական հյութերի վրա փշրված սառույց լցնել և օգտագործել:

8. Քիչ օգտագործեք սպիտակուց կամ ճարպոտ սնունդ:

9. Կծու ուտելիքը նպաստում է քրտնարտադրությանն ու հովացնում մարմինը: Եթե կարող եք, օգտագործեք կծու ուտելիք:

10. Միշտ կրեք արևային ակնոցներ, դրանք պաշտպանում են բիբերն ու փրկում կնճիռներից:

11. Ավելորդ կոսմետիկան, հատկապես կրեմները պարզապես հակացուցված են շոգ եղանակին:

12. Մի մոռացեք ցնցուղ ընդունել: Իսկ ծայրահեղ դեպքերում կարող եք սառը ջրի տակ մտնել:

13. Շատ բարձր ջերմաստիճանների դեպքում կարող եք սառը ջրով լցված շիշը դնել ծնկի հետնամասում կամ ծոծրակին, որտեղ երակներն ավելի մոտ են մաշկին, արյունը կսառչի, և դուք կզովանաք:

14. Այս եղանակին, իհարկե, պետք է դիմակայել շոգին, սակայն հիշեք նաև, որ ամեն ինչ չափի մեջ է գեղեցիկ, աշխատեք նաև չափը չանցնել ու չմրսել:

Արուսիկ Տիգրանյան