Ինչպես ունենալ հյութեղ և խնամված շրթունքներ

Shabat.am-ը գրում է .

Շուրթերը պետք է կանոնավոր կերպով խնամել: Իսկ համապատասխան քսուքները կօգնեն պահպանել դրանց բնական ձևն ու երիտասարդությունը: Այո, շրթունքներն էլ են ժամանակի ընթացքում "ծերանում", և որքան շուտ զբաղվեք դրանց խնամքով, այնքան
ուշ վրա կհասնի "ծերությունը": 

Շրթունքների մաշկը 

Շրթունքների մաշկը լինում է չոր և ճարպոտ: Չոր շրթունքներին հաճախ պետք է քսել բարձրորակ ճարպոտ քսուքներ կամ տնային պայմաններում պատրաստված հատուկ դիմակներ դնել, որպեսզի դրանք չճաքճքեն և չթեփոտվեն: 

Եթե շրթունքները ճաքճքած ու չոր են, նույնիսկ ամենաբարձրորակ շրթներկը չի կարող գեղեցկացնել դրանք: 

Պաշտպանություն 

Թող զարմանալի չթվա՝ արևից շուրթերը նույնիսկ թոշնում են և կնճռոտվում: Էլ չենք խոսում չորանալու, ջրազրկվելու մասին: 

Հետևաբար, տնից դուրս գալուց աոաջ նախ քսեք հատուկ քսուք, որը կպաշտպանի շուրթերը ուլտրամանուշակագույն ճառագայթներից, հետո միայն՝ շրթներկ կամ փայլ: 

Ժամանակ առ ժամանակ շրթունքների նուրբ մաշկի մեռած բջիջները կուտակվում են: Շրթունքներն ասես թեփոտված լինեն: Դրանից ազատվելու համար կոսմետիկա արտադրող շատ ընկերություններ առաջարկում են հատուկ միջոցներ, սակայն դրանց փոխարեն կարող ենք օգտվել մեր տատիկների փորձված միջոց ներից: Շաբաթը մեկ անգամ շուրթերին մեղր քսեք և մի լավ տրորեք որեէ փոքրիկ խոզանակով: 
Մեռած րջիջներին կարելի է "հրաժեշտ տալ" այս հեշտ եղանակով: 

Փայլ 

Շրթունքների համար նախատեսված փայլերը սովորարար կպչուն և յուղոտ են լինում: Սա անհարմարավետության զգացում է ստեղծում հատկապես երկար մազերով աղջիկների համար, թեթևակի քամուց, կամ որևէ շարժումից մազերը "գալիս ու կպչում" են շրթունքներին: Դրա համար, անգույն փայլը քսելուց առաջ, շրթունքները եզրագծեք ղարձյալ անգույն մատիտով: 
Կան մատիտներ, որոնց մոմանման բաղաղրությունը թույլ չի տալիս, որ փայլը տարածվի եզրերից դուրս: Իսկ եթե փայլը գունավոր է, այն քսելուց առաջ շուրթերը ներկիր միևնույն երանգի ոչ թե սովորական, այլ կայուն շրթներկով: 

Գույնը 

Որպեսզի շրթներկն ավելի երկար մնա շուրթերին, իսկ գույնը օրվա ընթացքում չխամրի, շուրթերի մաշկը պետք է հարթ լինի: Նախ շուրթերն ազատեք "թեփուկներից", այսինքն՝ մեռած բջիջներից, ապա քսեք պաշտպանող քսուք: Երբ քսուքը ներծծվի, քսեք շրթներկի առաջին շերտը, այն կտարածվի հավասարաչափ և ծալքերում չի կուտակվի: Այնուհետև անձեռոցիկով զգուշորեն հեռացրեք շրթներկի առաջին շերտը և շուրթերին թեթևակի դիմափոշի քսեք: 
Հիմա արդեն կարող եք քսել շրթներկի երկրորդ՝ հիմնական շերտը: Շրթներկը քսեք վրձնիկի օգնությամբ՝ այն տարածելով շուրթերի մեջտեղից մինչև անկյունները: 

Հյութեղ շրթունթներ 

Եթե ուզում եք, որ ձեր շրթունքները տեսականորեն ավելի մեծ երևան, հաշվի առեք այս փոքրիկ խորամանկությունը. շուրթերի մեջտեղը հարկավոր է ավեփ մուգ ներկել, քան եզրերը: Կարող եք օգտվել նույն գույնի բաց և մուգ երանգներից: Մուգը քսեք մեջտեղի հատվածում, բացը՝ կողքերը: Եթե ձեզ հակառակ արդյուքն է պետք, այսինքն՝ տեսականորեն փոքրացնել մեծ շրթունքները, ապա դրանց հավասարապես քսեք միևնույն գույնը, իսկ կենտրոնում մի կաթիլ թափանցիկ փայլ քսեք: 


Դիմակներ՝ շրթունքների համար 

Շրթունքները խնամելու համար պարտադիր չեն թանկարժեք քսուքները: Ինքներդ էլ տնային պայմաններում կարող եք պատրաստել դիմակներ, որոնք ոչ մեծ ծախսեր են պահանջումոչ էլ ժամանակ: Ահա այդ պարզ դիմակներից մի քանիսը.

Կաթնաշոռին խառնեք մի քիչ սերուցք (սերուցքը կարող եք փոխարինելթթվասերով): 1 թեյի գդալ խառնուրդը լյւիվ բավական է: Այն քսեք շուրթերին, 10 րոպեից սրբեք: 

Վարունգը կամ գազարը քերեք, առանձնացրեք հյութը: Հյութը խառնեք մեղրի, թթվասերի և կաթնաշոռի հետ: Քսեք շրթունքներին: 15 րոպե հետո քսեք նաև ձեթ: Այս դիմակից հետո շրթունքները ձեռք են բերում բնական փայլ և վերանամ է չորությունը: