Պատմության 15 ամենանահմայիչ մոդելները

Ամենագեղեցիկ կանանց ցանկը ներկայացնելուց հետո որոշեցինք ներկայացնել պատմության 15 ամենանշանավոր մոդելներին: Այս կանայք ոչ միայն զարմանալիորեն գեղեցիկ են, նրանցից յուրաքանչյուրը դարձել է իր ժամանակների ոճի և նորաձևության խորհրդանիշը: Նրանցով հիանում էին, նրանց նմանօրինակում էին, նրանց ֆանտաստիկ գումարներ էին վճարում:

Սյուզի Պարկեր

Սյուզի Պարկերը պարզապես մոդել չէ, նա իսկական լեգենդ է։ Որպես մոդել է աշխատելգրեթե 4 տասնամյակ՝ 1940-ականներից մինչև 1970-ականները։ Առաջին մոդելն էր, ով ժամում ավելի քան 200, իսկ տարում 100,000 դոլար էր վաստակում։ Նա Կոկո Շանելի և լուսանկարիչ Ռիչարդ Ավեդոնի ֆավորիտն էր։ Իր հայտնիության գագաթնակետին նահամարվում էր աշխարհում ամենից շատ լուսանկարվող կինը։ Նա եղել է "Funny Face" (1957) ֆիլմում Օդրի Հեփբերնի մարմնավորած Ջո Սթոքթոնի լեգենդար կերպարի նախատիպը և նորաձևության աշխարհի միակ մոդելն, ում անունով Բիթլզ խումբը երգ է երգել։

Ջին Շրիմպտոն

Շրիմպտոնը ցնցող գեղեցկություն ունեցող կին էր, 60-ականների առաջին սուպերմոդելներից մեկը։ Բրիտանացի գեղեցկուհին հայտնվել է այնպիսի հայտնի ամսագրերի շապիկներին, ինչպիսիք են Vogue-ն, Vanity Fair-ը, Glamour-ը, Elle-ն ու Time-ն։ 2012թ.-ին Time-ը Շրիմպտոնին ճանաչեց որպես նորաձևության աշխարհի բոլոր ժամանակների ամենաազդեցիկ 100 դեմքերից մեկը։

Թվիգի

60-ականների ոճի խորհրդանիշ, այդ տարիներին շատ աղջիկներ տանջում էին իրենց դիետաներով, որպեսզի նմանվեն Թվիգիին: Daily Mail-ը նրան անվանեց 1966-ի տարվա դեմք, նրա նկարները հրապարակվեցին բազմաթիվ նորաձևության ամսագրերում:

Ջենիս Դիկինսոն

Պատմության առաջին սուպերմոդելը, ով ինքն իրեն այդպես հռչակեց, իհարկե, ոչ անտեղի: Նրա հաշվում են Vogue-ի 67 շապիկներ, աշխատանքներ այնպիսի ամսագրերի հետ, ինչպիսիք են Elle-ը, Harper՛s Bazaar-ը, Glamour-ը, Cosmopolitan-ը, Photo-ն, Playboy-ը, Sports Illustrated-ը:

Իսկ հանրահայտ ինքնակոչումը այսպես է եղել. մի անգամ լարված աշխատանքի ժամանակ Ջենիսի մենեջերն ասաց. "Ջենիս, դու սուպերմեն են", ինչին Ջենիսը պատասխանեց. "Ես սուպերմեն չեմ, ես սուպերմոդել եմ":

Պաուլինա Պորիզկովա

Նա առաջին մոդելն էր կոմունիստական երկրից, ով նկարվեց ամերիկյան Sports Illustrated, այնուհետև Playboy ամսագրերի համար:

Սինդի Քրոուֆորդ

Սինդի Քրոուֆորդի կարիերան շատ արագ զարգացավ, 1995 թվականին նա արդեն ամենաբարձր վարձատրվող մոդելն էր: Իսկ Օսկարի 63-րդ մրցանակաբաշխությանը Վերսաչիի կարմիր զգեստով նրա հայտնվելը մեծագույն ազդեցություն թողեց համաշխարհային նորաձևության վրա: Տարբեր երկրներում վաճառվեցին նույն զգեստի բազմաթիվ կրկնօրինակներ: 

Քրիստի Բրինկլի

Քրիստիի Բրինկլիի ռեկորդները նույնպես քիչ չեն, քառորդ դար նա հանրահայտ CoverGirl ամսագրի դեմքն էր, դա ամենաերկար պայմանագիրն է, որ երբևէ կնքվել է մոդելի հետ:  Բրինկլին նկարվել է ավելի քան 500 ամսագրի շապիկի համար: 2012 թվականին Daily Mail-ը նրան հատկացրեց 3-րդ հորիզոնականը աշխարհի ամենահարուստ մոդելների ցանկում:

Վեռուշկա

Նա կոմս Լենդորֆ Շտայնորտի աղջիկն էր, ով մասնկացում էր Հիտլերի դեմ դավադրությանը և 1944 թվականին մահապատժի ենթարկվեց, ընտանիքի մնացած անդամները՝ այդ թվում փոքրիկներն ուղարկվեցին համակենտրոնացման ճամբար, բայց նրանց հաջողվեց կենդանի մնալ:

Վեռուշկան իր մոդելային կարիերայի գագաթնակետին հասավ 1960-ականների կեսերին, իսկ ավարտը եղավ 1975 թվականին՝ Vogue ամսագրի խմբագրի հետ վեճը:

Ժիզել Բյունդհեն

Ժիզել Բյունդհենն իր 34-ամյա հասակում արժանացել է մասնագիտական կոչումների և մրցանակների այնքան մեծ ցուցակի, որ միայն դրանց թվարկման համար մի քանի էջ կծախսվի: 2004 թվականին նա դարձավ աշխարհի ամենաբարձր վարձատրվող մոդելը, այնուհետև տեղ գտավ աշխարհի ամենահարուստ կանանց ցուցակում, գլխավորեց աշխարհի ամենաբարձր վարձատրվող մոդելների ցանկը և այլն, և այլն:

Իման

Ժամանակին սոմալիական ծագմամբ այս գեղեցկուհու մասին Իվ Սեն-Լորանն ասում էր. "Իմ երազանքների կինն Իմանն է": Իմանն առաջին սևամորթ մոդելն էր, ում հաջողվեց իր մոդելային կարիերայում հասնել ոչ միայն հսկայական հոնորարների, այլ նաև նշանակալիորեն ազդել նորաձևության արդյունաբերության վրա:

Նատալյա Վոդյանովա

Նատալյա Վոդյանովան կարիերան սկսեց 17 տարեկանում, սկզբում Մոսկվայում, այնուհետև՝ Փարիզում: Մասնակցել է Calvin Klein-ի, Louis Vuitton-ի, Versus-ի, Marc Jacobs-ի ցուցադրություններին: Կին, ով կարողացավ փայլուն կարիերան համատեղել ընտանիքի հետ և 4 երեխա լույս աշխարհ բերել:

Կլաուդիա Շիֆեր

Guess բրենդն իր հայտնիության համար հիմնականում պարտական է հենց Կլաուդիա Շիֆերին, ով երկար տարիներ ներկայացնում էր այն: Կլաուդիայի գեղեցկությունը ունիվերսալ է, այն համապատասխանում է գեղեցկության մասին համընդհանուր պատկերացումներին:

Քեյթ Մոսս

Քեյթ Մոսսի արտաքինը համընդհանուր գեղեցկության ստանդարտներից հեռու է, նրա դեռահասի կազմվածքը լիովին հակադրվում է 80-90-ականների ընդունված գեղեցկուհիների արտաքինին: Սակայն այս ամենը չխանգարեցին նրան դառնալ Calvin Klein-ի սիրելի մոդելը և Անգլիայի ամենապահանջված կանանցից մեկը:

Նաոմի Քեմբլ

Քեմբլի հաշվին ավելի քան 500 ամսագրի շապիկ կա, հայտնի է իր սկանդալային և քմահաճ պահվածքով: 90-ականների վերջին Նաոմին դարձավ աշխարհի ամենահայտնի մոդելներից մեկը: Արտակարգ ճկունության և մաշկի սև գույնի համար նրան անվանել են Սև Պանտերա:

Հայդի Կլում

Ունի սեփական հեռուստաշոուն, ոսկերչական զարդերի, մաշկի խնամքի պարագաների և ջինսե հագուստների իր ճյուղերը: 3 երեխաների մայր, Victoria's Secret-ի հրեշտակներից մեկը: