Քաղաքացու վերջին կոպեկն էլ քերում եք, 3 մլն «վարչապետը» դարձել է 3 մլն «տուգանքի մատերիալ»․ Աննա Գրիգորյան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Երեկվանից Նիկոլ Փաշինյանը և ՔՊ խմբակցությունը ամեն կերպ լցվել է հայտարարագրման պրոցեսի հերոսացմանը և թեբա տեսեք ինչ հրաշք է տեղի ունենալու, եթե ձեզանից յուրաքանչյուրը հայտարարագիր ներկայացնի։ Այս մասին ԱԺ-ում հայտարարությունների ժամին իր ելույթում նշեց «Հայաստան» խմբակցության պատգամավոր Աննա Գրիգորյանը:

«Այս մարդիկ հավանաբար մոռացել են ասել, որ նախորդ տարի, չնայած խոստացել էին առնվազն 7% տնտեսական աճ, կարողացել են ապահովել ընդամենը 5% տնտեսական աճ և որի արդյունքում էլ բյուջեի եկամուտները չեն հավաքագրվել 200 միլիարդ դրամով։

Այս տարին ավելի վատն է լինելու, որովհետև առնվազն 5% տնտեսական աճի կանխատեսում կա և եկամուտների հավաքագրումը ավելի վատ վիճակում է լինելու։ Հետևաբար, այս բյուջեն լցնելու խնդիր ունեն մարդիկ։ Դրա համար է, որ ավելացել է գույքահարկը, ավելացել է տրանսպորտի գինը, ավելացել է կարմիր գծերի գինը: Ընդ որում քաղաքում ժամերով պտտվես, մի փոքր հատված չես գտնի այդ կարմիր գծերի վրա, որ կանգ առնես։ Ավելացել են նոտարների, փաստաբանների հարկերը, որոնք ուղիղ անդրադառնալու են քաղաքացիների վրա։ Ավելացել է շրջհարկը, նույնիսկ կոֆեի ապարատների համար նախատեսված գումար ավելացել է, և սա մի նպատակ ունի՝ լցնել բյուջեն»,-ասաց նա:

Պատգամավորը նկատեց, որ պարզվում է սա էլ հերիք չի. «Հիմա մարդկանց ասում են գնա հայտարագրի, որ մենք հասկանանք ձեր վերջին կոպեկը որտեղ է, որ դրանից էլ կարողանանք հարկ քերել: Ճիշտ է, այսպես գեղեցիկ փաթեթավորում են, բա սա մենք անում ենք հակակոռուպցիոն պայքարի տրամաբանության մեջ, բայց, պետք է իմանալ, որ կոռուպցիան այնտեղ է, որտեղ կա իշխանություն։

Ուսուցիչը, որը 100,000 դրամ է ստանում և նրան պարտադրում եք, որ հայտարարագիր ներկայացնի, ուսուցի՞չն է կոռուպցիայում ներգրավված անձը, թե սովորականում խանութում աշխատող վաճառողուհին, որ օրինակ 70,000 դրամ է ստանում: Այդ մարդուն, երբ պարտադրում եք, ասում եք հայտարարագիր լրացրու, դրա հակակոռուպցիոն պայքարի տրամաբանությունը որտե՞ղ է»,- հայտարարեց Աննա Գրիգորյանը:

Նա հիշեցրեց, որ  իշխանությունը ԱՆԻՖ հիմնադրամով 25 միլիարդ դրամ է ուղղակի մսխել, միայն 2024 թվականին 2։4 միլիարդ դրամի միայն պադավատ է գնել, Սնուփ Դոգին 6 միլիոն դոլար փող է տվել, այդ փողերը հետ չի կարողանում ստանալ, գնացել խեղճ ու կրակ ժողովրդին, ասում է՝ վերջին կոպեկներդ գրի, տեսնեմ որն է, որ հասկանամ ոնց եմ քեզ քերում։

«Հետո տարիներ շարունակ քննիչների, դատախազների բոլորի աշխատավարձերը բարձրացրել եք՝  կոռուպցիայի դեմ ասելով: Հակակոռուպցիոն կոմիտեի ղեկավարի աշխատավարձը ամսական երեք միլիոն էր, երեք միլիոն աշխատավարձ ստացող մարդու կառույցը կոռուպցիայով չի կարողանում զբաղվել, հասարակ քաղաքացին է գնալու կոռուպցիայի ձեմը առնի՞։  Այնտեղ ասում են, գիտեք, նաև սոցիալական ծրագրեր իրականացնելու համար է: Իրոք, այն մարդիկ, ովքեր ուզում են սոցիալական ծրագրերից օգտվել, կարող են այդ հայտարարագիրը լրացնել և օգտվել, բայց թիրախավորել ամբողջ ժողովրդին, այդ վերջին երկու կոպեկը հարկելու նպատակով ուղղակի անթույլատրելի է և ընդամենը տարիների ընթացքում 3 միլիոն վարչապետը դարձել է 3 միլիոն տուգանքի մատերիալ»,- իր ելույթն ամփոփեց ընդդիմադիր պատգամավորը:

 Հետևեք մեզ՝ այստեղ