Մետրոյի ուղեվարձը շարունակո՞ւմ է մնալ 100, իսկ տրոլեյբուսինը՝ 50 դրա՞մ

SOCIETY 4 February, 2025 18:26

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հանրային տրասնպորտը թանկացավ, մարդիկ շարունակում են բոյկոտը՝ պահանջելով, որ հանրային տրանսպորտը լինի նախկինի պես 100 դրամ։

Ու մինչ քաղաքացիները բոյկոտում են 150 սակագնով երթևեկելը երևանյան տրանսպորտում, համացանցում քննարկվում է, որ Երևանի մետրոպելիտենում ուղեվարձը շարունակում է մնալ 100 դրամ, իսկ տրոլեյբուսինը՝ 50 դրամ։

Մասնավորապես, Լեհաստանում ՀՀ նախկին դեսպան, քաղաքական-հասարակական գործիչ Էդգար Ղազարյանը նախօրեին ֆեյսբուքյան իր էջում հետևյալ գրառումն է արել․ «Բոլոր քաղաքացիներին կոչ եմ անում դեն չնետել մետրոպոլիտենի կայարաններից ձեռք բերված 150֏ արժողությամբ QR կոդերով կտրոնները։ Մետրոյի ուղեվարձը Երևանի ավագանու որոշմամբ չի փոխվել և շարունակում է մնալ 100֏: Յուրաքանչյուր տոմս գնելիս Ձեզնից ապօրինաբար շորթում են տոմսի կես գինը` 50֏-ը։ Այս հանցանքի պատասխանատուները ենթարկվելու են քրեակատարողական պատասխանատվության (ես արդեն ներկայացրել եմ հաղորդում հանցագործության մասին)։ Պահեք Ձեր կտրոնները` հետագայում փոխհատուցում ստանալու և ավել վճարված հսկայական գումարները հետ ստանալու նպատակով»։

Էդգար Ղազարյանը, ըստ երևույթի, «լազեյկա է գտել», իր հետ մեկտեղ հանրության մեծամասնությունը նույնպես, թե որոշման մեջ գրված չէ կոնկրետ տրելեյբուսի և մետրոյի սակագնի փոփոխության մասին։

Իսկ ի՞նչ են մտածում Երևանի քաղաքապետարանում, արդյո՞ք որոշման մեջ կա այդ բացը, որը նշանակում է, որ մետրոյի և տրոլեյբուսի ուղեվարձը շարունակում է մնալ 100 դրամ և 50 դրամ․ MediaHub-ը կապ հաստատեց Երևանի քաղաքապետի մամուլի խոսնակ Հայկ Կոստանյանի հետ։

Վերջինս նախ նշեց՝ ծանոթ չէ պարոն Ղազարյանի գրառմանը, չի էլ պատրաստվում մեկնաբանել։
«Հայտարարության մեջ ասվում է՝ սահմանվում է նոր ուղևորության գին՝ 150 դրամ, որը տարածվում է բոլոր տեսակի հասարակական տրասնպորտի վրա, այդ թվում՝ տրոլեյբուս, ավտոբուս և մետրո։ Ուղևորատոմսի գինը սահմանվել է 150 դրամը, որին ավագանիները կողմ են քվեարկել, դա վերաբերել է տրոլեյբուսին, ավտոբուսին և մետրոյին»,- ասաց Կոստանյանը։

Ճշտող հարցին, թե հանրության շրջանում այս քննարկման հիմքերը հենց նրա մեջ են, որ որոշման մեջ նշված չէ տրոլեյբուսն ու մետրոն, Կոստանյանն արձագանքեց. «Տրոլեյբուսն ու մետրոն էլ են հասարակական տրանսպորտ, ենթադրում եմ, որ ձևակերպման մասով առանձին-առանձին չի նշվել, բայց բոլոր տրանսպորտային փաթեթները ձեռք բերելու դեպքում բոլոր հասարակական տրանսպորտից կարողանալու են քաղաքացիներն օգտվել։ Հետևապես, որպես գին 150 դրամն է սահմանված, որը վերաբերելու է բոլոր տեսակի հասարակական տրանսպորտին Երևանում»:

Նշենք, Երևան քաղաքում շարունակվում է բոյկոտը, քաղաքացիները ՔՊ-ական իշխանության «լավ որոշումը»՝ տրանսպորտի ուղևորատոմսի գինը 300 դրամից 150 դրամ դարձնելը, չգնահատեցին, մեծամասնությունը չի ցանկանում վճարել 150 դրամ, այլ ցանկանում է նախկինի պես վճարել 100 դրամ: Ակցիաները շարունակվում են․․.

Հետևեք մեզ՝ այստեղ