Հյուրանոցային օբյեկտների որակավորման բարդություններն անցյալում են
BLOGԿարեն Մկոյանը ֆեյսբուքյան իր էջում գրում է.
Ներդրումային շուկան բարելավելու համար, հարկավոր է մեծ ուշադրություն դարձնել ներդրողների թիրախում գտնվող ոլորտների թե առանցքային, և թե տեխնիկական խնդիրների վրա: Տեխնիկական խնդիր ասելով հասկանում ենք գործարարության ընթացքում տարբեր պարտավորությունների կատարման մաքսիմալ դյուրացումը:
Այդ իսկ պատճառով, ՀՀ-ում հյուրանոցային տնտեսության օբյեկտների որակավորում ստանալու համար, փաստաթղթերի ներկայացման գործընթացը դյուրացվում է:
Այլ կերպ ասած, հնարավորություն է տրվելու փաստաթղթերը ներկայացնել կայքի միջոցով և ստորագրել էլեկտրոնային եղանակով: Պետություն-քաղաքացի-մասնավոր հատվածի ազատ և թափանցիկ էլեկտրոնային փոխշփումների ու փոխադարձ կապի ապահովումը շատ կարևոր է:
Նման քաղաքականության շնորհիվ կապահովվի էլեկտրոնային ներդաշնակ աշխատանքը։ Այս նախագծի նպատակն է՝ բարելավել հանրային ծառայությունների մատուցումը, մատուցվող ծառայությունների որակի բարձրացումը և դարձնել այն հասանելի ու հարմարավետ յուրաքանչյուր քաղաքացու համար: