«Բարի օր 2» ֆիլմի պրեմիերան, կադրից դուրս պատմությունները, հայտնի հյուրերն ու կարմիր գորգը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Նույն կազմով ու ավելի ծիծաղելի իրավիճակներում «Բարի օր 2» ֆիմն արդեն մեծ էկրաններին է:

Ֆիլմի ստեղծագործական կազմը նույնն է: Արման Սարգսյանը և Գրիգոր Գասպարյանը ֆիլմի ռեժիսորներն են: Տնօրենն Արտյոմ Հակոբյանն է: Գլխավոր պրոդյուսերն Ամարաս Գասպարյանն է: Սցենարիստները Գառնիկ Մակվեցյանը և Վան Գրիգորյանն են:

Ֆիլմում ներգրավված են մի շարք հայտնիներ՝ Մհեր Մխիթարյանը, Ռոզի Ավետիսովան, Արև Սանթրոսյանը, Մկրտիչ Արզումանյանը, Նանուլը, Եվա Խաչատրյանը, Սաթիկ Հազարյանը, Վարդան Քոչարյան և այլք:  

Tert.am Life-ը ներկա է եղել ֆիլմի պրեմիերային, Կարմիր գորգի արարողությանն ու պրեմիերայից առաջ զրուցել դերասանների և ստեղծագործական թիմի հետ:

«Մարդիկ ակնհայտ ուզում էին տեսնել ֆիլմի շարունակությունը և մենք շտապեցինք, դեռ 1 տարի չանցած պատրաստ է 2-րդ մասը: Տարբեր մտքեր կային, քանի որ 2-րդ մասը նկարահանելը միշտ չէ, որ լավ է ստացվում և ռիսկային է:

Այս անգամ երկար ժամանակ վատնեցինք գաղափարի վրա, թե ինչի մասին է լինելու ֆիլմը: Հասկացանք, որ կրկին հրաշք պետք է տեղի ունենա»,- պրեմիերայից առաջ պատմեց ռեժիսոր Գրիգոր Գասպարյանը:

«Մեզ համար շատ մեծ ուրախություն էր, որ աշխատեցինք Մկրտիչ Արզումանյանի հետ: Ֆանտաստիկ մարմնավորած դեր, որը շատ լավ փորձ էր մեզ համար: 2-րդ մասում ներգրավվել ենք պրոֆեսիոնալ դերասանների՝ Սաթիկ Հազարյանին, Արմեն Քուշկյանին: Մեզ համար որպես ռեժիսորներ հաճույք էր աշխատել նման պրոֆեսիոնալ թիմի հետ»,- նշեց ռեժիսորը:

Նրա խոսքով՝ քանի որ նախորդ ֆիլմը սիրվել էր ոչ միայն նրա համար, որ կատակերգություն է, այլ՝ սոցիալական հարցեր է բարձրացնում, այս անգամ ևս նպատակ ունեին հասարակության հայելին լինելու:

«Ֆիլմը շատ պարզ ցույց է տալիս մեր կյանքը»,- նշեց Գրիգոր Գասպարյանը:

Ռեժիսոր Արման Սարգսյանն էլ նշեց, որ առաջին ֆիլմի հաջողությունը ցույց տվեց, որ պետք է անել 2-րդը:

«Եթե հանդիսատեսը հավանի 2-րդը, միգուցե լինի նաև 3-րդը, որովհետև հրաշքներ շատ են մեր երկրում»,- նշեց ռեժիսորը:

Դերասանուհի Ռոզի Ավետիսովան՝ խոսելով իր կերպարի մասին նշեց, որ, եթե 1-ին մասում ավելի խեղճ ու դժբախտ կին էր, 2-րդում Տաթևը բիզնես լեդի է:

«Ավելի կայացած ու իր կարծիքն ունեցող կին է: Այս ֆիլմում վերջապես Տաթևն ու Սուսոն՝ Եվա Խաչատրյանի կերպարը, հանդիպում են, որը ճակատագրական է լինում: Երկու Տաթևներն էլ ինձ համար հետաքրքիր էին, որովհետև շատ տարբեր են և իրավիճակներն անընդհատ փոխվում են»,- պատմեց դերասանուհին:

«Նկարահանման ընթացքում հետաքրքիր տեսարաններից մեկը եղել է այն պահը, երբ իմ կերպարը հյուրընկալվել է «LIFEROOM»՝ Ամալյա Հովհաննիսյանին հյուր: Այդտեղ պետք է հուզված խաղայի, մտքերով գնում էի այնտեղ, որտեղ միջավայրը կօգնի ինձ հուզմունքս արտահայտել, իսկ հետո դժվար էր լինում տխուր տրամադրությունից անցումը դեպի ուրախ վիճակի:

Իսկ Ամալյան չէր կարողանում լրջանալ»,- պատմեց դերասան Մհեր Մխիթարյանը:  

Նկարահանումների ընթացքից մեկ այլ հետաքրքիր դրվագ հիշեց դերասանուհի Եվա Խաչատրյանը:

«Ունեինք տեսարան, որը նկարում էինք հյուրանոցային համալիրում, որտեղ կար սաունա, ջակուզի և այլն: Ողջ նկարահանման թիմը մտավ ներս, ես էլ նրանց հետ, բայց Սուսոյի կերպարի հագուստով էի: Մոտեցա, որ կոշիկներս փոխեմ, մի քիչ հանգստանամ, մատուցողը ներս մտավ, 80 հոգանոց թիմին թողած, մոտեցավ, ինձ ասաց՝ «Սաունան միացնե՞նք»:

Երգչուհի Նանուլը, ով ֆիլմում մարմնավորում է Հենդոյի և Տաթևի աղջկա կերպարը, պատմեց, որ իր կերպարը շատ է սիրում, բայց այն իր հետ որևէ կապ չունի:

«Անձնակազմի հետ շատ հեշտ էր աշխատելը, ամենադժվար տեսարանը շնիկի հետ տեսարանն էր»,- անկեղծացավ Նանուլը:

Հիշեցնենք՝ «Բարի օր 2» ֆիլմն արդեն հասանելի է բոլոր կինոթատրոններում:

Հեղինակ՝ Անի Մնացականյան

Լուսանկարները՝ Վերոնիկա Բադալյանի

 Հետևեք մեզ՝ այստեղ