«Դեպի Եվրատեսիլ»-ի մասնակիցների էմոցիաները համերգից օրեր առաջ

Ռուսական «Ну-ка, все вместе» մրցույթից հայտնի Ֆլորա Բիչախչյանն, ով փետրվարի 16-ին «Prayer» երգով ներկայանալու է 6-րդ համարի ներքո, առաջին անգամ է հանդես գալու Հայաստանում։

«Միանգամից «Եվրատեսիլ»-ի բեմում եմ հայտնվելու, պետք է ասեմ, որ շատ եմ հուզվում»,- Tert.am Life-ի հետ զրույցում ասաց նա: 

Երգչուհին մեզ հետ զրույցում խոստովանեց, որ «Եվրատեսիլ»-ում հայտնվեց իր հետևորդների հորդորների շնորհիվ: 

«Սկզբում անտեսում էի այդ նամակները, որովհետև չէի հավատում, որ այդ կարճ ժամանակահատվածում հնարավոր է ստեղծել նման երգ, հետո ինքն իրեն ստացվեց: Երգս կոչվում է «Աղոթք» և հանդիսատեսին փոխանցում է այն հաղորդագրությունը, որ ամեն մարդու աղոթքն իր ներսում է: Որքան էլ շատ լինեն դժվարությունները, պետք է առաջ շարժվել ու կառուցել նոր կյանք: Կարծում եմ՝ թեման համամարդկային է, որովհետև բոլորն էլ ունեն ցավ և ինչ -որ մի պահ այն պետք է բաց թողնել: Երգը տառապանքի միջից դուրս գալու մասին է, դրանից ազատվելու և առաջ քայլելու»,- պատմեց երգչուհին:

Ֆլորա Բիչախչյանը խոստովանեց, որ նախկինում չէր կարևորում մրցույթները, հետո հասկացավ, որ դրանք խթան եմ հանդիսանում առաջ գնալու:

«Բաներ կան, որ դու քո մասին չգիտես, որոնք բացահայտվում են հենց մրցույթների ժամանակ: Հիմա ինձ համար մրցույթները շատ մեծ նշանակություն ունեն»,- նշեց Ֆլորա Բիչախչյանը:

«Loser» երգը ներկայացնող Մելսը փոքր տարիքից սկսել է երգել, իսկ «Եվրատեսիլ» մրցույթին մասնակցելու մասին միշտ է երազել:

«Երբ իմացա, որ լավագույն 12-ի մեջ եմ, շատ ուրախացա ու ոգևորվեցի»,- Tert.am Life-ի հետ զրույցում ասաց Մելսն, ով  հանդես կգա 4-րդ համարի ներքո:

«Loser» երգը ապրումների ու էմոցիաների, մարդու ներքին պայքարի մասին է:

«Երգը տվյալ պահի իմ ներաշխարհի մասին է: Երգի խեսքերի հեղինակը լիարժեք ներկայացրել է այն ամենն, ինչ ես զգացել եմ: Երգը նրա մասին է, որ անկախ վայրիվերումներից հնարավոր է ամեն ինչ հաղթահարել»,- նշեց երգիչը:

Իսկ, թե ով Հայաստանը կներկայացնի «Դեպի Եվրատեսիլ» մրցույթում, պարզ կդառնա  փետրվարի 16-ին՝ Կարեն Դեմիրճյանի անվան մարզահամերգային համալիրում:

Մասնակցիների հետ հարցազրույցներին հետևեք Tert.am Life-ի լրահոսում:  

Հեղինակ՝ Անի Մնացականյան

Լուսանկարները՝ Վերոնիկա Բադալյանի