Ամփոփվել են Փրկարար ծառայության 2024 թվականի գործունեության արդյունքները
SOCIETYՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Փետրվարի 10-ին Փրկարար ծառայությունում Ներքին գործերի նախարար Արփինե Սարգսյանի գլխավորությամբ տեղի է ունեցել աշխատանքային խորհրդակցություն, որի ընթացքում ամփոփվել են Փրկարար ծառայության 2024 թվականի գործունեության արդյունքները: Այս մասին հայտնում են ՆԳՆ փրկարար ծառայությունից։
Նշվում էի, որ մասնակցում էին ՓԾ տնօրեն-ներքին գործերի նախարարի տեղակալ Կամո Ցուցուլյանը, տեղակալները, կառուցվածքային և տարածքային ստորաբաժանումների ղեկավարները, փրկարարական ծառայողներ։ Նախարարը, ողջունելով ներկաներին, նշել է, որ տարին ամփոփվել է բավական բարձր արդյունքներով, հաղթահարվել են տարբեր արտակարգ իրավիճակներ՝ մասնավորապես ընդգծելով Լոռու և Տավուշի մարզերի աղետի գոտում Փրկարար ծառայության ստորաբաժանումների կատարած աշխատանքները, լողասեզոնի ընթացքում փրկարարների և ջրային պարեկների համատեղ ծառայությունը։
Նա իրականացված հսկայածավալ աշխատանքի համար շնորհակալություն է հայտնել ամբողջ անձնակազմին: Նախարարին են ներկայացվել ծառայության առանձին ուղղություններով կատարված աշխատանքներն ու ձեռնարկված միջոցառումները։ Փրկարար ծառայության 2024 թվականի գործունեության արդյունքների, մասնավորապես՝արտակարգ իրավիճակներում բնակչության պաշտպանության խնդիրների իրականացման, քաղաքացիական պաշտպանության համակարգի կատարելագործման, արձագանքման արդյունավետ կազմակերպման ուղղություններով կատարված աշխատանքների վերաբերյալ զեկույցով հանդես է եկել Փրկարար ծառայության տնօրենի տեղակալ Տիգրան Պետրոսյանը։
Ներկայացնելով ահազանգերի սպասարկման և արձագանքնման ուղղությամբ կատարված աշխատանքները՝ նա նշել է, որ հաշվետու ժամանակահատվածում հանրապետությունում գրանցվել է 13 572 արտակարգ դեպք և պատահար: Փրկարար ծառայության ստորաբաժանումների կողմից փրկվել է 214 մարդ։
Տարբեր գործոններով պայմանավորված՝ փրկարարները հանրապետության ճանապարհներին արգելափակումից դուրս են բերել 5756 տրանսպորտային միջոց և անվտանգ տարածք տեղափոխել 10 659 մարդ։ Ծավալուն աշխատանք է տարվել բնակչության պաշտպանության, արտակարգ իրավիճակների կանխարգելման և հետևանքների վերացման ուղղությամբ։ Անտառային հրդեհների կանխարգելման և արագ արձագանքման նպատակով ամռանը փրկարար ծառայողները անտառային և բուսածածկ տարածքներում իրականացրել են ուժեղացված ծառայություն:
Արդյունքում՝ անտառային հրդեհները 2024 թվականին նախորդ տարվա համեմատությամբ նվազել են՝ 2024 թվականին 13 դեպք՝ 13 հա, 2023 թվականին՝ 22 դեպք՝ 63.9 հա․ այրվել են հիմնականում խոտածածկ տարածքներ։ Սևանա լճի երեք հանրային լողափերում և Շողակաթ բնակավայրի ափամերձ գոտում լողասեզոնի ընթացքում իրականացվել են շուրջօրյա հերթապահություններ, որի արդյունքում փրկվել է 31 մարդու կյանք, այդ թվում՝ 1-ը ջրահեղձումից, իսկ 30 մարդու օգնություն է ցուցաբերվել ջրային հաղորդակցման ուղիներում պատահարների ժամանակ։
2024 թվականին փրկարարների կողմից հերթապահություն իրականացվող տարածքներում ջրահեղձման դեպք չի արձանագրվել: Տիգրան Պետրոսյանն ընդգծել է, որ պարեկային ծառայության հետ սերտ համագործակցություն է իրականացվել թե՛ լողասեզոնի ընթացքում, թե՛ անտառամերձ տարածքներում իրազեկման աշխատանքների ժամանակ, թե՛ արգելափակման մեջ հայտնված քաղաքացիներին օգնություն ցուցաբերելիս, և թե՛ ամենօրյա ծառայության ընթացքում։
Ներկայացվել է Լոռու և Տավուշի մարզերի աղետի գոտում հետևանքների վերացման ուղղությամբ Փրկարար ծառայության ստորաբաժանումների կատարած աշխատանքները։ Մայիսի 26-ից հունիսի 16-ը փրկարարական աշխատանքներ են իրականացրել 146 մարտական հաշվարկ և 48 օպերատիվ խումբ, ներգրավվել է 1997 փրկարար։ Լոռու և Տավուշի մարզերում տարբեր բնակավայրերից փրկարարների և ներգրավված այլ ուժերի միջոցով փրկվել և տարհանվել է 445 մարդ։ Անդրադառնալով փրկարարական ուժերի պատրաստությանը՝ Տիգրան Պետրոսյանը նշել է, որ օպերատիվ տակտիկական պատրաստության ուղղությամբ Փրկարար ծառայության ստորաբաժանումների կողմից անցկացվել է 264 հատուկ տակտիկական ուսումնավարժություն, այլ գերատեսչությունների, կազմակերպությունների հետ անցկացվել են դասընթացներ, քննարկումներ, պարապմունքներ:
Մասնագիտական հմտություններն ու գիտելիքները նախորդ տարի կատարելագործել է 476 փրկարար. 218 փրկարարի շնորհվել է որակավորման կարգ։ Ակտիվ աշխատանքներ են ձեռնարկվել ծրագրերի մշակման և իրականացման, քաղաքացիական պաշտպանության համակարգի նախապատրաստման, ծառայության կազմակերպման, բժշկական և հոգեբանական աջակցության ցուցաբերման ուղղություններով։
Հաշվետու ժամանակահատվածում իրականացվել է նաև կառավարման, կապի և ազդարարման համակարգերի, համակարգչային ծրագրերի ներդրման, ռադիոկապի արդիականացման և որակի բարելավման, տեղեկատվական տեխնոլոգիաների անվտանգության կազմակերպման աշխատանքներ։ Անդրադառնալով Փրկարար ծառայության կադրային քաղաքականության ուղղությամբ իրականացված աշխատանքներին՝ Տիգրան Պետրոսյանը ներկայացրել է ատեստավորմանը փրկարարների մասնակցությունը, արձանագրված ցուցանիշները։
ՆԳ նախարարն անդրադառնալով 2024 թվականին արձանագրված արտակարգ դեպքերի և պատահարների շարժընթացին՝ կարևորել է թիրախային ուղղություններով վերլուծությունների իրականացումը։ Քննարկվել են աղետների կառավարման համակարգի բարելավման, մասնավորապես` օպերատիվ շտաբերի ծավալման և գործունեության մեթոդաբանության, տարածքներում փրկարար ուժերի առաջնային գործողությունների կազմակերպման և կոնկրետ իրավիճակներում կամավորական խմբերի արձագանքման վերաբերյալ հարցեր։
Սողանքավտանգ գոտիների քարտեզագրման, շարժի գնահատման համատեքստում՝ Արփինե Սարգսյանը կարևորել է Ճգնաժամային կառավարման ազգային կենտրոնում ինտերակտիվ քարտեզի ստեղծման անհրաժեշտությունը, ինչի կիրառումը թույլ կտա աղետների ռիսկի կառավարման շրջանակում իրականացնել վերլուծություններ, մշակել քաղաքականություն, պլանավորել ծառայության հեռանկարները։ Կարևորվել է փրկարար ծառայողների իրազեկման աշխատանքների ակտիվացումը դպրոցներում և հանրակրթական այլ ուսումնական հաստատություններում, ինչը կնպաստի անչափահասների մոտ անվտանգային մշակույթի ձևավորմանը՝ երաշխավորելով անվտանգ կենցաղավարում։
Արփինե Սարգսյանը ՆԳ նախարարության միասնական ուսումնական հաստատություն ձևավորման շրջանակում առանցքային է համարել փրկարարների պատրաստման ու վերապատրաստման գործընթացը, ղեկավար կազմի մասնակցությունը դասընթացներին։ Նա նշել է ծառայողների կարողությունների զարգացման, կրթահամալիրում ուսումնառության, փրկարար ծառայության համակարգ մուտք գործելու և նախարարության կադրային կարիքների ապահովմանն ուղղված աշխատանքների մասին։
Անդրադառնալով կատարողականի գնահատման, կարգապահության, բարեվարքության հարցերին՝ Արփինե Սարգսյանը նշել է, որ կադրային փոփոխությունների նոր մեթոդաբանության շրջանակում յուրաքանչյուր ծառայող գնահատվելու է բացառապես կատարած աշխատանքի արդյունքներով: Նա անդրադարձել է ծառայության կառուցվածքային փոփոխություններին, նշել, որ ինստիտուցիոնալ հարթությունում տրամաբանական տեղադիրքում ապահովելը միտված կլինի առավել արդյունավետ կառավարում ապահովելուն, ծառայությունը կազմակերպելուն և հանրությանը մատուցելուն։ Կամո Ցուցուլյանը շնորհակալություն է հայտնել նախարարին՝ Փրկարար ծառայության աշխատանքը դրական գնահատելու համար։
Նա նշել է, որ ծառայությունը պատրաստ է 2025 թվականին առավել մեծ պատասխանատվությամբ կատարել իր առջև դրված խնդիրները, շտկել թերություններն ու գրանցել նոր արդյունքներ։ Խորհրդակցության ավարտին պարգևատրվել են 2024 թվականի ընթացքում ծառայողական գործունեության մեջ լավագույնը ճանաչված ստորաբաժանումները և ծառայողները:
Հետևեք մեզ՝ այստեղ
Unibank Becomes Lead Sponsor of AGBU’s Global Run in Support of Camp Nairi
Unibank’s Renamed “Tumanyan” Branch Opens at a New Location
Ucom Continues Large-Scale Network Modernization, Expanding 5G Coverage and Enhancing Connectivity
EBRD’s AMD-denominated bonds listed on AMX; Converse Bank acted as underwriter
Become a Unibank shareholder and acquire perpetual bonds with a 13.25% yield
The Unprecedented Educational Summer of the 'Armenian Virtuosos'
All Armflix Content Is Once Again Available on Uplay
Hayk Melikyan Opens the 5th Festival of Armenian Culture in Katowice
Harutyun Harutyunyan: “The Government Has No Intention of Applying for EU Membership
and Adopted the Law to Prevent a Referendum”
Ucom Supports Coca-Cola Fest 2026 
“Orran” Students Start the New Academic Year with Support from “The Power of One Dram”
It is with deep awareness of the seriousness of this supposition as well as concern that we pose the question of the above headline
“Armenian Virtuosos” Scholarship Recipients Take the Stage at the 4th International Festival of Youth Orchestras of the World
Unibank Launches a New Promotion "U-Teenager": Grand Prize — a Summer Course at One of the Top Universities Abroad
SEROOND Begins: Armenia’s First Authored School Model Based on Whole-Child Development, Enabled by AI
"Unisport" Advances to the Main Round of the UEFA Futsal Champions League
Cybersecurity Course Graduates Take Part in Ucom’s “Junior Academy” Program
Ucom Introduces Green Tariff Plans, Turning Everyday Connectivity into Environmental Impact
Ucom Launches “Unity Back to School” Special Offer for the New School Year
Ucom’s Sales and Service Center Reopens at 7 Sayat-Nova Street in Gyumri
"Unisport" Competes in the UEFA Futsal Champions League
Aram Barseghyan Appointed CEO of Team Telecom Armenia, Hayk Yesayan to Lead Team Group
Letter of Congratulations to His Holiness Karekin II on His 75th Birthday
“Side by Side” Program for Artsakh Families in the Sevan Community: IDBank
Arega Hovsepyan is our candidate for Chair of the Committee on European Integration
The Final Round of the Junius Tournament Has Begun
Awards Ceremony for the “Top 100 Students of Armenia” Competition: Presentation of Certificates
New Samsung Galaxy A27 as Part of Ucom’s Special “Back to School 2026” Offer
Millennials, Gen Z, or Gen Alpha: How Different Generations Prepare for the New School Year: Idram&IDBank
Financial Literacy at the Republican Center for Children and Youth Tent Camp: Idram & IDBank
Unlocking the Secrets of the Financial World at ''Hayordi'' Camp with Idram&IDBank
Ucom Supports the Second Phase of ArmDrone’s FPV Drone Educational Program
"The Power of One Dram" to "Orran" Charitable Non-Governmental Organization
Ucom and Microsoft Innovation Center’s Cybersecurity Education Program Concludes with a Mini CTF Competition
Customer Appreciation Day - This Time at IDBank’s “Erebuni” Branch
Results of the Junius Tournament Announced: The Next Round Ahead
Ucom Expands International Roaming Capabilities
"Urgently Confirm Your Card Details": IDBank Warns of Hotel Booking Scams
Mher Ananyan joins Unibank's Management Board
Ucom Supports the Launch of "Remember the Animals" Educational Game
Moody’s changes the outlook on IDBank’s ratings to positive
IDBank Introduces the New Mastercard World Card with Exclusive Travel Benefits and a Special Launch Campaign
Converse Bank and Visa expand their strategic partnership to introduce new customer solutions 
Ucom and FPWC Ensure Round-the-Clock Wildlife Monitoring in Gnishik Through Solar Energy
Idram and IDBank Support Startups at Seaside Startup Summit
It is now possible to register in Unibank’s mobile application through imID as well
“Free In-Game Bonuses”: IDBank Warns About Cyberattacks Targeting Schoolchildren
Moody's affirms Converse Bank's ratings and changes outlook to positive from stable
New Achievements in Europe: "Armenian Virtuosos" Scholarship Recipients Embark on Educational Trips to Prestigious Music Academies
Rate.Trading Platform at Seaside Startup Summit: IDBank Introduces an Innovative Solution 
