Հայուհիների սիրտը գրաված և զարդերի ոլորտը հեղաշրջած «UHI» հայկական բրենդը նոր շունչ բերեց` թելադրելով իր ուրույն ոճը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

«Ներկայացնում ենք «UHI»  silver & Gemstone Sunglasses հավաքածուն, որտեղ հավերժական նրբագեղությունը հանդիպում է աշխույժ արդիականությանը:  «UHI» -ն հայկական ոսկերչական ապրանքանիշ է, որը հիմնադրվել է Արմենի և Նարինեի կողմից:

Արմեն Շահինյանը բրենդների դիզայներն ու ոսկերիչն է, և այս հավաքածուի մեջ նա համատեղում է անթերի վարպետությունը նորաձևության առաջադիմության հետ՝ յուրաքանչյուր կտոր դարձնելով ոչ միայն աքսեսուար, այլ՝ ոճի և անհատականության դրսևորում»,- հեղինակավոր Vogue ամսագրի այս հոդվածից հետո համացանցում բոլորը սկսեցին հետաքրքրվել հայկական «UHI»  բրենդով:

Tert.am life-ը փորձեց ուսումնասիրել բրենդի պատմությունն ու բացահայտել անցած ճանապարհը:

Պարզվեց «UHI»-ն երիտասարդ բրենդ է, որն ընդամենը 3 տարվա պատմություն ունի:

Instagram-յան ու Facebook-յան բազմաթիվ անդրադարձերից պարզ է դառնում, որ բրենդի հիմնադիրը՝ դեզայներ, ոսկերիչ Արմեն Շահինյանը երկար տարիների փորձ ունի այս ոլորտում:

Արմենը մինչև «UHI»  բրեդնի հիմնադրումը շուրջ 15 տարի աշխատել է ոլորտում՝ համագործակցելով արտասահմանյան տարբեր կազմակերպությունների հետ։

Դեռ 18 տարեկանում  նա ձեռքով պատրաստել է զարդեր և վաճառել իր ընկերական շրջապատում, պատվերներ գրանցել ու աշխատել փոքր շրջանակի համար: 

Այսօր «UHI»-ի զարդերը կրում են հայ հայտնիներն ու հանրային դեմքերը, դրանցով նկարահանվում տեսահոլովակներում և կարևոր իրադարձությունների ժամանակ ներկայանում Կարմիր գորգին:   

2024-ին կայացած «Բախտի տերը» ֆիլմի պրեմիերայի ժամանակ ֆիլմի գլխավոր հերոսուհին՝ դերասանուհի Արփի Գաբրիելյանը Կարմիր գորգին ներկայացավ հենց «UHI»-ի յուրահատուկ ականջօղով, որն անտարբեր չթողեց ներկաներին:

«UHI»-ի ստեղծած եզակի ակնոցն ու դիմակը շատերին հայտնի դարձավ ու սիրվեց Միշոյի և D'Litte-ի «Թթվածին» տեսահոլավակից:

Բրենդի հեղինակային զարդերն են նախընտրում նաև երգչուհիներ Բրյունետը, Աստղիկ Սաֆարյանը, Լեան,  Անահիտ Հակոբյանը, հեռուստատեսային պրոդյուսեր Էլինա Ջանիբեկյանը և այլ հայտնիներ:

Բրենդի հիմնադիրներ Արմենն ու նրա կինը՝ Նարինե Հարությունյանը, ով վաճառքի և մարքեթինգի մասնագետն է, բազմաթիվ ցուցադրությունների են մասնակցել աշխարհի տարբեր երկրներում՝ ներկայացնելով հայկական յուրահատուկ բրենդը:

Նշենք, որ «UHI»-ն հայկական շուկայում առաջինն էր, որ պատրաստեց ականջի կմախքով օղեր, մատների կմախքով մատանիներ, ականջների կաղապարներով մեծ զարդեր, գրիլզներ, քթի աքսեսուարներ, դեկորատիվ ֆեյշն ակնոցներ, որոնք բնորոշ են արևմտյան շուկային:  

3 տարվա ընթացքում բրենդի հեղինակներին ոչ միայն հաջողվեց մեծ հայտնիություն ձեռք բերել շուկայում, այլ նաև հանրության կողմից մեծ մասսայականություն ու սեր վայելել:

«UHI» զարդերի բրենդը նոր շունչ բերեց հայկական շուկա՝ զարդերի ոլորտում առանձնանալով իր ուրույն ձեռագրով:

Սև, էթնիկ զարդերի կողքին տարբերվելու համար հեղինակն ընտրեց արծաթից փայլուն և մեծ զարդեր ստանալու բարդ ճանապարհը:

Էքստրավագանտ զարդերի կողքին վերջերս բրենդն իր տեսականին հարստացրել է նորամուծությամբ՝ հեղինակային ժամացույցների շարք երևանյան թեմայով:

Ճապոնական մեխանիզմով պատրաստված որակյալ ու ջրադիմացկուն ժամացույցների վրա պատկերված են Երևանի կարևոր շենքերը՝ Օպերան, Կասկադը, Մատենադարանը, Զվարթնոցը և այլն:

Վերջերս բրենդը մեկ այլ հետաքրքիր շարք էլ է հեղինակել:  Վերցնելով ամենահայտնի ֆիլմերից դրվագներ՝ նույնությամբ վերարտադրել է զարդը:

Հիմնադիրների գլխավոր նպատակը եղել  և մնում է հայկական շուկան զարգացնելն ու հայուհիների համար յուրօրինակ ու չկրկնվող զարդեր ստեղծելը:

 Հետևեք մեզ՝ այստեղ