Վարորդները կարող են երկար ժամանակ ձեռքերը ղեկից հետ քաշել, բայց կառավարելու պատասխանատվությունից չեն ազատվի. ե՞րբ առավել զանգվածային կդառնա ինտելեկտուալ մեքենավարումը

Վերջին շրջանում ինտելեկտուալ մեքենավարումն արագ տեմպերով իրականություն է դառնում։  Մասնավորաբար, չինական Changan, BYD, Geely և այլ ավտոարտադրողներ հրապարակել են ինտելեկտուալ վարման ժողովրդականացման ռազմավարություններ։ Օրինակ՝ Changan-ի «Beidou Tianshu 2.0» ծրագիրն առաջարկում է առաջիկա երեք տարվա ընթացքում թողարկել 35 ինտելեկտուալ թվային ավտոմեքենա։ BYD-ն հայտարարել է, որ բոլոր մոդելները զինված կլինեն «Աստծո աչքը» բարձրակարգ ինտելեկտուալ վարման համակարգով։ Geely-ն թողարկում է «Qianli Haohan» ինտելեկտուալ վարման համակարգը՝ հիմնված AI «համաշխարհային մոդելի» և այլ տեխնոլոգիաների վրա։ Այս և մի շարք այլ զարգացումներ ցույց են տալիս, որ ինտելեկտուալ մեքենավարումն արագորեն մոտենում է մեզ։

«Ինտելեկտուալ վարումն այլևս անհասանելի, հազվագյուտ բան չէ, այլ ավելի շատ վարելու անվտանգությունն ապահովող և հոգնածությունը նվազեցնող կարևոր գործիք»։ Վերջերս կայացած մամուլի ասուլիսում BYD-ի խորհրդի նախագահ Ուան Չուան Ֆուն ցուցադրել է Կուեյճոու նահանգում լեռնային շրջանների ճանապարհների իրական փորձարկումների տեսանյութ։ Ինտելեկտուալ վարման բարձրակարգ համակարգով հագեցած BYD թեթև մարդատար ավտոմեքենան, թանձր մառախուղի մեջ նկատելով ճանապարհն անցնող ոչխարների հոտը, միանգամից զիջել է ճանապարհը և միացրել վթարային լույսերը՝ զգուշացնելու հետևից եկող մեքենաներին։

Ըստ տեղեկությունների, Geely-ի կողմից թողարկված «Qianli Haohan» ինտելեկտուալ վարման համակարգը, հիմվելով Geely-ի կողմից մշակված AI Drive մեծ մոդելի վրա, կարող է ստեղծել ալգորիթմի ուսուցմանը համապատասխանող ցանկացած սցենար և տվյալ,  ինչպես նաև ինտելեկտուալ վարման համակարգի համար «վիրտուալ ուսուցման աշխարհ»։ Վարելու տարատեսակ հազվագյուտ կամ վտանգավոր սցենարների ստեղծման միջոցով, ինչպիսիք են անսպասելի հայտնված հետիոտնը, խիտ մառախուղի պատճառով ցուցիչի խափանումը, GPS ազդանշանի կորուստը և այլն, բարելավվում է բարդ պայմաններում ավտոմատ կառավարման համակարգի արձագանքելու ունակությունը։

Ինտելեկտուալ վարումը ժողովրդականացնելու համար գլխավորն ամեն կերպ ծրագրային և ապարատային ապահովման արժեքը նվազեցնելն է։

Առաջիկայում էլ ավելի հետաքրքիր ծրագրեր են սպասվում։ Xiaopeng-ը նախատեսում է այս տարվա երրորդ եռամսյակում հասնել L3-ի ամբողջական սցենարի անցմանը։ Changan-ը հայտարարեց, որ ինտելեկտուալ վարման առումով 2026 թվականին Tianshu Intelligent Driving-ը կհասնի ինքնուրույն վարման L3 ամբողջական սցենարին, իսկ 2028 թվականին կհասնի L4 ֆունկցիայի ամբողջական սցենարին։ BYD-ը հայտարարել է, որ 2025 թվականի երրորդ եռամսյակում կսկի L3 քաղաքային նավիգացիոն համակարգի զանգվածային արտադրությունը Yangwang U9 մեքենաների վրա։ Բացի այդ, Huawei-ը, NIO-ն և Li Auto-ն հայտարարել են, որ այս տարի կթողարկեն  L3 ֆունկցիայով մեքենաների մոդելներ։

Սակայն, որպեսզի L3 մակարդակի ինքնավար մեքենաներն իրոք հասանելի լինեն ավելի շատ մարդկանց, անհրաժեշտ է հնարավորինս արագ օրինական մակարդակում հստակեցնել վարորդների և ավտոմոբիլային ձեռնարկությունների պարտականությունների բաժանումը։

Չինաստանի ավտոմեքենաների սեփականատերերի հարցումը, որն ացնկացվել է J.D. Power մարքեթինգային կազմակերպության կողմից, ցույց է տվել, որ թեև L2.5 և ավելի բարձր գործառույթների տեղադրման մակարդակը հասել է 37 %-ի, սակայն օգտատերերի կողմից բարձր հաճախականության օգտագործման մակարդակը 15 %-ից ցածր է, իսկ համակարգի նախազգուշացման «կեղծ գործարկումները» և կառավարման սահմանների անորոշությունը հիմնական թույլ կետերն են։ L3-ի իրական զանգվածային արտադրությունը կնշանակի, որ վարորդները կարող են երկար ժամանակ ձեռքերը ղեկից հետ քաշել, բայց, միևնույն ժամանակ, պետք է ստանձնեն կառավարելու պատասխանատվությունը։ Առանց կանոնակարգի, որը հստակորեն սահմանում է մարդու և մեքենայի կառավարման սահմանները, դժվար կլինի առևտրային ծրագրի իրականացումը։

Չինաստանի արդյունաբերության և տեղեկատվության նախարարության տվյալները ցույց են տալիս, որ 2024 թվականի առաջին կեսին այդ երկրում L2 և ավելի բարձր մակարդակի վարման ժամանակ ինտելեկտուալ օգնության համակարգերով նոր մեքենաների ներթափանցումը կազմել է 55,7 %։ Հետազոտող Ճան Յոն Վեյը կանխատեսում է, որ 2025 թվականին այս տվյալները կհասնեն մինչև 65 %-ի։

Սկզբնաղբյուր՝ http://www.news.cn/tech/20250314/93903eacd7b14075b0b6aa47984d0a3f/c.html