Երիտասարդության մեղքերը․ աստղերի հանցավոր անցյալը (լուսանկարներ)

Past.am

Նրանք հայտնվել են մեղադրյալի աթոռին իրենց հիմարության համար, դեռեւս դեռահաս տարիքում, ոմանք էլ՝ հասուն տարիքում։ Ինչ էլ լինի, աստղերը հանգամանորեն թաքցնում են իրենց կենսագրության այդ էջը, աշխատում չհիշել իրենց արարքների մասին։ Ահա որոշ հայտնիներ, ովքեր հանցավոր անցյալ ունեն։

1. Դեննի Տրեխո, թալան եւ թմրանյութի պահում

«Լուսաբացից մայրամուտ» ֆիլմի աստղ Դեննի Տրեխոն նախքան հայտնի դառնալը միշտ ոստիկանների հետ խնդիրներ է ունեցել։ Դեռահաս տարիքում նա մի քանի անգամ բանտում է հայտնվել՝ գողության համար։ Արդեն հասուն տարիքում նա 12 տարով բանտում է հայտնվել՝ թալանի եւ թմրանյութեր պահելու համար։ Գտնվելով բանտում՝ նա լրջորեն սկսել է բոքսով զբաղվել եւ չեմպիոն է դարձել։ Բանտից դուրս գալուց հետո նա ֆիլմերից մեկի ժամանակ դերասանին բոքսի վարպետություն է դասավանդել, որտեղ նրան նկատել է ռեժիսորն ու հրավիրել նկարահանվելու։ Այդպես սկսվել է նրա կարիերան։

2. Պերիս Հիլթոն, թմրանյութերի պահում եւ մեքենայի վարում ոչ սթափ վիճակում

Գլամուրային այս շիկահերը միշտ էլ իր վատ պահվածքով աչքի է ընկել։ 2010 թվականին Պերիսը ընկերոջ հետ ձերբակալվեց՝ թմրանյութ պահելու համար։ Նրան պայմանական ազատազրկման դատապարտեցին ու մեծ տուգանքի։ Դրանով նա չսահմանափակվեց։ Տարիներ անց նրան պետավտոտեսուչները ձերբակալեցին՝ ոչ սթափ վիճակում մեքենա վարելու համար։ Նրան 45 օրվա ազատազրկման դատապարտեցին, սակայն հետո մեղմացրին ու փոխեցին տնային կալանքով։

3. Լինդսի Լոհան, թմրանյութերի պահում եւ մեքենայի վարում ոչ սթափ վիճակում

Լինդսի Լոհանը ոչնչով չի զիջում Պերիս Հիլթոնին, անգամ գերազանցում է։ Նրան բազմիցս ձերբակալել են թե թմրանյութ պահելու համար, թե ոչ սթափ վիճակում մեքենա վարելու։ Նա թե մի քանի օրով բանտում է հայտնվել, թե մեծ տուգանքներ վճարել, թե հարկադրանք աշխատանք կատարել։ 2007-ին նա վերականգնողական կենտրոնում հայտնվեց՝ ալկոհոլից կախվածությունից բուժվելու համար։ Սակայն դա նրան չօգնեց, արդյունքում 2010-ին նա մեկ ամսով բանտում հայտնվեց՝ կրկին թմրանյութերի համար։

4. Փոլ Մաքարթնի, թմրանյութերի տեղափոխում

1980-ականներին հայտնի երաժիշտը կնոջ հետ ձերբակալվեց Ճապոնիայի օդանավակայանում։ Նրա կնոջ՝ Լինդա Իսթմանի պայուսակում 219 գրամ մարիխուաննա հայտնաբերեցին։ Փոլը մեղքն իր վրա վերցրեց եւ հայտնվեց բանտում։ Նրան ցանկանում էին բանտ ուղարկել 7 տարով, սակայն արդյունքում 10 օրով բանտարկեցին, ինչից հետո հայրենիք արտաքսվեց։

5. Վայնոնա Ռայդեր, գողություն

Հոլիվուդյան աստղը դատապարտյալների աթոռին հայտնվեց 2002-ին։ Դերասանուհուն բռնել էին խանութում գողություն անելիս, նա մի պայուսակ լիքը հագուստ էր գողացել՝ 5 հազար դոլարի։ Ոստիկանությանը Վայնոնան ասել էր, որ ինքը նման բան չի արել, փորձել էր հերքել մեղքը, սակայն խանութի տեսախցիկները ֆիքսել էին նրա դեմքը։ Հիմա էլ դերասանուհին ասաց, որ պարզապես իր հերթական դերի փորձն էր անում, չէր ցանկանում գողություն անել։ Արդյունքում դերասանուհուն 3 տարվա պայմանական ազատազրկման դատապարտեցին եւ 5 հազար դոլար տուգանքի։

6. Ռոբերտ Դաունի-կրտսեր, պայմանական ժամկետի խախտում

Հոլիվուդի վերջին տարիների ամենաշատ վարձատրվող դերասանը՝ Ռոբերտ Դաունի-կրտսերը, ոստիկանության հետ միշտ էլ խնդիրներ ունեցել է, դեռեւս մանուկ հասակից։ 25 տարեկանում նա 12 ամսվա ազատազրկման դատապարտվեց՝ թմրանյութերի առկայությունն արյան մեջ ստուգող թեստը հանձնել չցանկանալու համար։ Նա պարտավոր էր հանձնել այդ թեստը, քանի որ պայմանական ազատազրկման մեջ էր եւ պետք է ամիսը մեկ հանձներ։