Փորձագետները քննարկել են ՀՀ-ում ապաստանի և փախստականների պաշտպանության 2016թ. առանցքային ուղղությունները

SOCIETY 3 February, 2016 20:25

ՄԱԿ-ի փախստականների գծով գերագույն հանձնակատարի կողմից ֆինանսավորվող և իրականացվող «Արևելյան Եվրոպայում և Հարավային Կովկասում ապաստանի համակարգերի որակի նախաձեռնություն» ծրագրի 2-րդ փուլի առաջին ազգային համակարգման փետրվարի 3-ին կայացած հանդիպման նպատակն էր համաձայնություն ձեռք բերել Հայաստանում ապաստանի և փախստականների պաշտպանության ոլորտում 2016թ.-ի առանցքային ուղղություններ ի և իրականացվելիք միջոցառումների վերաբերյալ: Ինչպես «Արմենպրես»-ին տեղեկացրին Հայաստանում Միավորված ազգերի փախստականների գծով գերագույն հանձնակատարի ներկայացուցչությունից, հանդիպումը ՄԱԿ-ի երևանյան գրասենյակում համախմբել է ՀՀ տարածքային կառավարման և արտակարգ իրավիճակների նախարարության միգրացիոն պետական ծառայության (ՄՊԾ), արդարադատության ակադեմիայի, դատավորների միության, վարչական դատարանի, վարչական վերաքննիչ դատարանի, վճռաբեկ դատարանի, ազգային անվտանգության ծառայու թյան սահմանապահ զորքերի և ՄԱԿ ՓԳՀ-ի ներկայացուցիչներին:

«Արևելյան Եվրոպայում և Հարավային Կովկասում ապաստանի համակարգերի որակի նախաձեռնություն» ծրագրի 1-ին փուլը, որն իրականացվել է 2013 – 2015թթ.-ին, նպատակ ուներ բարելավելու ապաստանի տրամադրման միջավայրը տարածաշրջանում (Հայաստան, Ադրբերջան, Բելառուս, Վրաստան, Մոլդովա և Ուկրաինա)՝ բարձրացնելով առաջին ատյանում որոշումների կայացման պրակտիկայի որակը: Հայաստանում դա հանգեցրել է «Փախստականների և ապաստանի մասին» ՀՀ օրենքում փոփոխությունների, ստանդարտ ընթացակարգերի մշակման, ՄՊԾ-ում որակի ապահովման նոր մասնագետի առկ այության՝ ընդհանուր առմամբ արձանագրելով զգալի արդյունքներ՝ առաջին ատյանում իրականացվող ապաստանի ընթացակարգերի որակի, արդյունավետության և արդարացիության առումով: 2-րդ փուլի (2015 – 2017թթ.) միջոցով ծրագիրը շարունակելու մասնակից երկրների խնդրանքը բավարարվել է. 2-րդ փուլը տարածաշրջանին հնարավորություն կտա ընդլայնել ծրագրի շրջանակը՝ առավել համապարփակ կերպով ներառելով արդյունավետ ապաստանի համակարգի մյուս տարրերը, ինչպիսիք են երկրի տարածքի հասանելիությունը և առաջին ատյանում կայացված որոշումների դատական վերանայումը:

Ծրագրի՝ Երևանում փետրվարի 3-ին կայացած առաջին ազգային համակարգման հանդիպումը ծառայել է որպես հարթակ բոլոր շահագրգիռ կողմերի համար` փոխանակելու տեսակետներ և տրամադրելու արձագանք առաջին փուլի արդյունքում արձանագրված առաջընթացի, շարունակվող մարտահրավերների և ձեռնարկվելիք միջոցների վերաբերյալ կատարված առաջարկությունների մասին:

Առաջին անգամ արդարադատության ակադեմիայում կներդրվի փախստականների իրավունքի վերաբերյալ դասընթաց, և գործընկերները, ներառյալ՝ դատավորները և սահմանապահները կփոխանակեն իրենց գիտելիքը և փորձը արտասահմանյան, այդ թվում` Գերմանիան և Շվեդիան ներկայացնող իրենց գործընկերների հետ:

Հանդիպման ընթացքում ՄՊԾ-ի ապաստանի հարցերի բաժնի պետ Պետրոս Աղաբաբյանը ընդգծել է Ծրագրի արժեքը՝ որակյալ արդյունքների հանգեցնող պրակտիկ ուղղվածություն ունենալու առումով:

«Ինստիտուտների կառուցման նախնական փուլի ավարտին հաջորդիվ՝ Ծրագիրը կկենտրոնանա կարողությունները կարիքներին հարմարեցնելու և բոլոր ատյաններում որոշումների կայացման որակի հետագա բարելավման վրա»,- հանդիպման բացման խոսքի շրջանակներում նշել է Հայաստանում ՄԱԿ ՓԳՀ ներկայացուցիչ Քրիստոֆ Բիրվիրթը:

«Որակի նախաձեռնություն» ծրագրի 2-րդ փուլը հնարավորություն կտա փորձի փոխանակման սահմանապահների, ապաստանի հարցերով լիազոր մարմինների և դատական իշխանության ներկայացուցիչների միջև»,- ասել է Քեյթ Պոչապսկին` ՄԱԿ ՓԳՀ հայաստանյան գրասենյակի իրավաբանական բաժնի ղեկավարը: «Ծրագրի շնորհիվ ՄԱԿ ՓԳՀ-ն հաստատել է համակարգված համագործակցություն բոլոր համապատասխան պետական մարմինների հետ՝ նպատակ ունենալով հասնել կոնկրետ և որակյալ արդյունքների&ra quo;,- հավելել է Պոչապսկին:

Կողմերը, ներառյալ պետական մարմինների, դատական իշխանության ներկայացուցիչները ընդգծել են Ծրագրի կարևորությունը՝ համարելով այն առանցքային նախաձեռնություն ամբողջ տարածաշրջանի համար, որը կապահովի որակ և որոշումների կայացմանը մասնակցող համապատասխան իշխանության մարմինների կարողությունների հետագա զարգացում: Կողմերը, հետևաբար, վերահաստատել են իրենց պատրաստակամությունը ներգրավվելու «Որակի նախաձեռնություն» ծրագրին՝ համապատասխան գործընթացներին և միջոցառումներին մասնակցելու միջոցով: