Yerevan, 21.November.2026,
00
:
00
BREAKING

«Նկարահանման յուրաքանչյուր օրը նոր պատմություն է՝ նոր վայր, նոր մարդիկ, նոր խնդիրներ ու նոր լուծումներ». զրույց՝ օպերատոր Աշոտ Ավետիսյանի հետ

LIFE

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

«Նկարահանման յուրաքանչյուր օրը նոր պատմություն է՝ նոր վայր, նոր մարդիկ, նոր խնդիրներ ու նոր լուծումներ։ Դա երբեք չի ձանձրացնում»,- ասում է օպերատոր Աշոտ Ավետիսյանն, ով շուրջ 16 տարի իր մասնագիտական ճանապարհն անցել է հազարավոր կադրերով:

Իր մասնագիտության մեջ ամենից շատ նրան գրավում է ստեղծագործելու ազատությունը:

Tert.am Life-ի հետ զրույցում Աշոտ Ավետիսյանը պատմել է, որ սիրում է խորը կադրեր ու ձգտում, որ ամեն մի կադրը լինի կենդանի:   

Մասնագիտական ուղին սկսել է Արմենիա TV-ում, հասցրել է լինել աշխարհի տարբեր երկրներում, աշխատել ոլորտի լավագույն մասնագետների հետ, շփվել համաշխարհային աստղերի՝ Շառլ Ազնավուրի, Անդրեա Բոչելիի, Խուլյո Իգլեսիասի, Պատրիսիա Կասի և այլ հայտնիների հետ:

Տեխնիկական գիտելիքներ, կոմպոզիցիոն զգացողություն, լույսի ու ստվերի ընկալում, ստեղծագործ մոտեցում, թիմային մտածողություն. Աշոտ Ավետիսյանի կարծիքով՝ սրանք այն կարևոր հատկանիշներն են, որոնցով պետք է  օժտված լինի հաջողակ ու պահանջված օպերատորը:  

Մասնագիտական ճանապարհ. 16 տարվա պատմություն, որն անցել է հազարավոր կադրերով


– Ե՞րբ եք առաջին անգամ շփվել տեսանկարչական աշխարհի հետ, և ինչպե՞ս սկսվեց ձեր մասնագիտական ուղին։

Իմ առաջին փորձառությունը սկսվեց 2007-ին՝ Արմենիա TV-ում ուսումնառությամբ։ Երկու տարի անց արդեն աշխատում էի՝ որպես օպերատոր։ Բայց իրական ազդակն ստացա՝ ներկա լինելով «Դժբախտ երջանկություն» հեռուստանովելի նկարահանումներին։ Այնտեղ առաջին անգամ տեսա օպերատորի գործը գործողության մեջ և հասկացա, որ հենց այդ է այն, ինչ ուզում եմ անել։

–Իսկ ո՞րն էր առաջին լուրջ նախագիծը:

«Բարի լույս» ծրագիրն էր, որի շրջանակում սկսեցի աշխատել ուղիղ եթերում։ Այդ ժամանակահատվածում ձևավորվեց իմ պատկերացումները ինչպես տեխնիկական, այնպես էլ թիմային աշխատանքի մասին։

Արմենիա TV-ում ձևավորված վարպետություն

– Դուք ավելի քան տասնհինգ տարի աշխատել եք Արմենիա հեռուստաընկերությունում։ Ինչպիսի՞ փորձ եք կուտակել։

2009-ից սկսած՝ նկարահանել եմ Արմենիայի եթերում հեռարձակված գրեթե բոլոր հաղորդումները՝ տարբեր ժանրերում՝ տեսահոլովակներ, ֆիլմեր, հեղինակային նախագծեր, ուղիղ եթերներ, համերգներ, նույնիսկ քաղաքական ու սպորտային լուսաբանումներ։
Առանձնացնեմ «Հայաստանի ձայնը, «Ամենախելացին» ու «Միմինոն»՝ ոչ միայն բովանդակային, այլ նաև պրոֆեսիոնալ զարգացումների տեսանկյունից։ Այս նախագծերում ներգրավված էին արտասահմանից ժամանած մասնագետներ, որոնց հետ կիսվել ենք փորձով ու սովորել միմյանցից։

– Ո՞վքեր են եղել ձեր գլխավոր ուսուցիչները այս տարիների ընթացքում։

Ունեցել եմ մեծ պատիվ աշխատելու ոլորտի լավագույն մասնագետների հետ։ Առանձնահատուկ շնորհակալություն եմ հայտնում Աշոտ Հովհաննիսյանին, Վազգեն Մուրադյանին ու Վազգեն Մանվելյանին, ովքեր միշտ իմ կողքին են եղել ու ձևավորել են ինձ՝ որպես պրոֆեսիոնալ։


Աշխարհով մեկ՝ կադրի հետևից


– Ձեր նկարահանման աշխարհագրությունը բավական մեծ է։ Որտե՞ղ եք եղել։

Մասնակցել եմ բազմաթիվ նախագծերի, որոնց շնորհիվ այցելել եմ ավելի քան 20 երկիր՝ Եթովպիայից ու Մադագասկարից մինչև Ճապոնիա ու Բրազիլիա։ Առանձնահատուկ նշեմ «Աշխարհը համերով» ու «Տանից հեռու» նախագծերը, որոնք ինձ հասցրին նաև Հնդկաստան, Լաոս, Ֆիլիպիններ, Պերու և այլ երկրներ։ Յուրահատուկ էր Ճապոնիան՝ իր մշակույթով ու կարգապահությամբ։



– Իսկ ամենաբարդ նկարահանումները որո՞նք են եղել։

Բարդություններ միշտ են լինում, բայց մեր պրոֆեսիոնալ թիմի շնորհիվ դրանք երբեք չեն հասնում դիտողին։ Պերույում, օրինակ, նկարահանումների ժամանակ պետք է ժայռ մագլցեինք՝ հատուկ պաշտպանիչ սարքավորումներով։ Իսկ Եթովպիայում մի անգամ նկարահանումից ուշացած հասանք ցեղախմբի մոտ, որոնք արդեն հարբած էին և դառնում էին անկառավարելի։ Շնորհիվ զբոսավարի զգուշության՝ ժամանակին հեռացանք։

Մումբայում մեր վրա քարեր էին նետում՝ փորձում էին տեխնիկան խլել։ Այդ դեպքերում կարևոր է խաղաղ պահել վարքագիծը՝ չսրելով իրավիճակը։



Գործ՝ համաշխարհային աստղերի հետ

– Աշխատել եք նաև բազմաթիվ հանրահայտ մարդկանց հետ։ Կպատմե՞ք այդ մասին:

 Այո, պատիվ եմ ունեցել նկարահանել Շառլ Ազնավուրի, Անդրեա Բոչելիի, Խուլյո Իգլեսիասի, Պատրիսիա Կասի և Մոնսերատ Կաբալյեի համերգներն ու հարցազրույցները։ Դա շատ առանձնահատուկ փորձ էր։

– Ինչո՞վ է տարբերվում հանրային գործիչների հետ աշխատանքը։

Հանրային դեմքերի հետ աշխատելիս կարևորվում է զսպվածությունը, կազմակերպվածությունը և կադրի ներկայացման բարձր մակարդակը՝ նրանց պատշաճ ձևով ներկայացնելու համար։

Սեփական ոճով պրոֆեսիոնալ

– Ի՞նչ հատկանիշներ են անհրաժեշտ լավ օպերատոր լինելու համար։
Տեխնիկական գիտելիքներ, կոմպոզիցիոն զգացողություն, լույսի ու ստվերի ընկալում, ստեղծագործ մոտեցում, թիմային մտածողություն և իհարկե՝ ֆիզիկական դիմացկունություն։ Սա մասնագիտություն է, որը պահանջում է ամբողջական ներգրավվածություն։



–Ունե՞ք ձևավորված ոճ։

Այո, աշխատում եմ հնարավորինս բնական լույսի հետ, սիրում եմ խորը կադրեր ու ձգտում եմ, որ ամեն մի կադրը խոսի։ Յուրաքանչյուր նախագիծ յուրահատուկ մոտեցում է պահանջում, և դա ինձ ոգեշնչում է։

– Ի՞նչն եք ամենից շատ սիրում ձեր մասնագիտության մեջ։

Ստեղծագործելու ազատությունը։ Նկարահանման յուրաքանչյուր օրը նոր պատմություն է՝ նոր վայր, նոր մարդիկ, նոր խնդիրներ ու նոր լուծումներ։ Դա երբեք չի ձանձրացնում։

Գիտելիքը փոխանցելով նոր սերնդին...

Վերջին տարիներին, զուգահեռ պրոֆեսիոնալ աշխատանքին, նա նաև անցկացնում է դասընթացներ PanArmenian Media դպրոցում՝ օգնելով ուսանողներին ու պրակտիկանտներին առաջին քայլերը կատարել ոլորտում։ Նրա ղեկավարությամբ շատերը հասել են մասնագիտական առաջընթացի՝ հենց նրա շնորհիվ ձեռք բերելով ոլորտի ամենաարժեքավոր հմտությունները։

Հեղինակ՝ Ադրինե Սարգսյան

Հետևեք մեզ՝ այստեղ

Ucom and Impact Hub Yerevan Wrap Up the Third Edition of Their Green Entrepreneurship Program SoftConstruct and the French University in Armenia Sign A New Memorandum of UnderstandingIDBank to Present a Unified Ecosystem Concept at DigiTec 2026Ucom Supports Annual Mini Whoop Drone Racing Armenia 2026 Competition in YerevanIDBank Presents the Rate.Trading Digital Platform at Toon Expo.Invest 2026The Second Khachaturian International Youth Competition Concludes at China National Opera House Under the Artistic Direction of Sergey Smbatyan "The network this time for COP17 was the most one of exceptional network we have ever had." The service quality by Team was highly appreciated by UN representative Rate.Trading: Large Transactions with Digital Management of Exchange Rate RisksVIVA Foundation Named November Beneficiary of “The Power of One Dram”Special Mortgage Offers: IDBank at Toon Expo: Invest 2026Vahe and Vigen Badalyan File Lawsuit Against 1in.am Seeking Protection of Their Business ReputationIDBank at the UBA Regional Conference: From Travel Solutions to Business OpportunitiesJoint statement by the parties consolidatted around the national agenda35% Discount for the 35th Anniversary on Selected IDBank CardsConverse Bank Expands Its International Capabilities Through Cooperation with Citibank N.A.Business loan pre-approval in five minutes — what did Unibank showcase in Gyumri?Converse Bank Expands Its International Capabilities Through Cooperation with Citibank N.A.Bratislava forum to debate Armenia’s strategic future Ucom Service Center in Artashat Reopens at a New Address Ucom and Republican Union of Employers of Armenia Sign Cooperation MemorandumCreate your Visa Digital from Unibank for purchases and transfers Ucom – Main Sponsor of the 21st International Microelectronics Olympiad IDBank and Idram Hold Financial Literacy Session for Young Chess PlayersUcom Supports Silicon Mountains 2026, Driving Innovation and Technological Development IDBank has issued perpetual coupon bonds for the first timeIDBank Supports the Reconstruction of the Spandaryan Canal: Commemorative Plaque Dedicated to the Project SignedIDBank and Idram Presented Several Environmental Initiatives at COP17Ucom Shares Its Experience in Private Sector Engagement in Nature Conservation at COP17 Blue Zone«Here’s the screenshot, the money has been transferred»: IDBank warns of fake payment scamsFirst Steps in Your Career with IDBank: 16th Cycle of IDream LaunchedDigital Architecture for a Sustainable Future: IDBank's Article in Regional Post MagazineRate.Trading. New Digital Culture of Currency ExchangeDigital Future and Sustainable Development: IDBank's Chairman of the Management Board in an Interview with ForbesApplications Now Open: Armenian Virtuosos International Academy-Festival 2027Book Published with Ucom’s Support Presented at COP17: “The Secret Path of Hovazadzor”Ucom Highlights the Role of Technology in Nature Conservation at COP17“The people of Stepanavan will show through their votes that every attempt to deceive them with videos is doomed to fail”: “Strong Armenia” Party With Ucom’s Support, SunChild Brings Cinema and Environmental Conservation TogetherYoung Musicians of the “Armenian Virtuosos” Program Perform in the COP17 A Birthday in Italy with UnibankIdram and IDBank Participated in the Opening of My Forest Armenia’s Pavilion at COP17Unibank Receives B++ Sustainability Alignment Rating from Agents for Impact GmbH Ucom Supported Yerevan Conservation Symposium 2026 as Strategic PartnerIDBank to Showcase Environmental and Innovative Initiatives at COP17New AI-Powered Wildlife Monitoring Camera Installed in Paruyr Sevak with the Support of Ucom35 Years of Trust: IDBank Celebrates with Its CustomersBusiness and mining leader Mark Cutifani to deliver keynote speech at the 3rd Mining Armenia Forum“From Classroom to Orbit”: With Ucom’s Support, “Space 1.0” Is Being Introduced in 15 Schools Across ArmeniaAfeyan Initiatives for Armenia Awards Grant to the Armenia Education Initiative to Expand the Teach For Armenia’s Seroond School Turnaround Program Ucom to Participate in COP17 Together with FPWC, Showcasing Their Environmental Partnership