Իրաքյան Քուրդստանի տարածաշրջանային կառավարության անկախացման մասին հայտարարությունն էլ «ավելի կբարդացնի վիճակը» տարածաշրջանում
BLOGԿիլիկիա Հայաստան Ֆեյսբուքյան օգտատերը իր էջում գրում է.
Թուրքիայի իշխող Արդարություն և զարգացում կուսակցությունը (ԱԶԿ) հայտարարել է , որ Իրաքյան Քուրդստանի տարածաշրջանային կառավարության (KRG) անկախացման մասին հայտարարությունն էլ «ավելի կբարդացնի վիճակը» տարածաշրջանում: Բանը նրանում է , որ փետրվարի 3-ին հյուսիսային Իրաքի Քուրդիստանի ղեկավար Մասուդ Բարզանին ասել է , որ եկել է ժամանակը Իրաքում անցկացնել հանրաքվե քրդական պետականության ստեղծման համար: Անկարայի ջղաձիգ արձագանքը չի ուշացել և փետրվարի 4-ին իշխող ԱԶԿ-ի մամուլի խոսնակ Օմեր Չելիկը հանդես է եկել քննադատող հայտարարությամբ:
«Սայքս–Պիկոյի համաձայնագրով, որը կնքվել է 1916 թ. մայիսի 16-ին Մեծ Բրիտանիայի և Ֆրանսիայի միջև գաղտնի , որին այնուհետև միացել է Ռուսաստանը, արհեստական սահմաններ են գծել և նպատակ են ունեցել մասնատել Օսմանյան կայսրությունը, ինչպես նաև ապակայունացնել ողջ Մերձավոր Արևելքը: Չնայած այդ սահմաններն այդպես էլ կյանքի չկոչվեցին, սակայն համաձայնագրի կնքումից 100 տարի անց , կրկին փորձ է արվում այդ համաձայնագրով հաստատված սահմաններով ստեղծել պետություններ տարածաշրջանում: Արտաքին ուժերի օգնությամբ Իրաքի, Թուրքիայի, Սիրիայի քրդական համայնքները փորձում են ստեղծել պետություններ Սայքս–Պիկոյի համաձայնագրի սահմաններով, այսպիսով օգնություն ցուցաբերող երկրներն իրենց ներկայությունն ապահովելով տարածաշրջանում:
Չեմ զարմանա, որ մի օր էլ Թուրքիայում բնակվող ազգային փոքրամասնությունները, կրոնական փոքրամասնությունները (սա արդեն հավանաբար նկատի ունի հայերին) պահանջեն հանրաքվե իրենց անկախության համար, քանի որ 100 տարի անց կրկին տարածաշրջան են մտել օտար ուժեր:Սա մենք համարում ենք խիստ վտանգավոր թե՛ Մերձավոր Արևելքի, մասնավորապես արաբական աշխարհի, թե՛ Թուրքիայի համար »,- ասել է Թուրքիայի իշխող Արդարություն և Զարգացում կուսակցության մամուլի խոսնակ Օմեր Չելիկը: