Թրամփը հայտարարել է, որ մտադիր է որոշ երկրների նկատմամբ մաքսատուրքերը բարձրացնել 70%-ով

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ԱՄՆ նախագահ Դոնալդ Թրամփը ապրիլի 9-ին աշխարհին երեք ամիս ժամանակ տվեց Միացյալ Նահանգների հետ առևտրային համաձայնագրեր կնքելու համար, խուսափելու համար պատասխան մաքսատուրքերի բարձրացումից։ Մինչև սակագների սառեցման ժամկետի լրանալը մնացել է ընդամենը հինգ օր, և սպասվում է, որ Սպիտակ տունը մոտ մեկ տասնյակ երկրների ուղերձ կհղի. «Ժամանակն ավարտվել է, և ահա ձեր նոր սակագինը», հաղորդում է CNN-ը։

Ուրբաթ վաղ առավոտյան Էնդրյուսի միացյալ ռազմաբազայում Թրամփը լրագրողներին հայտնել է, որ առաջիկա հինգ օրերի ընթացքում օրական 10-12 երկրների կտեղեկացնի՝ մանրամասն նկարագրելով նրանց նոր մաքսատուրքերն այն նամակներում, որոնք Սպիտակ տունը կսկսի ուղարկել ուրբաթ։

Թրամփը նշել է, որ նոր դրույքաչափերը մեծ մասամբ ուժի մեջ կմտնեն օգոստոսի 1-ից։ «Դրանք կտատանվեն 60%-ից կամ 70%-ից մինչև 10% և 20% մաքսատուրքեր, բայց ուժի մեջ կմտնեն վաղը, -հայտարարել է Թրամփը։ -Մենք պատրաստել ենք վերջնական ձևը, և ​​այն, ըստ էության, կպարզաբանվի, թե ինչպիսի մաքսատուրքեր են երկրները վճարելու»։

Ապրիլին Թրամփը շուրջ 50% «պատասխան» մաքսատուրքեր սահմանեց ԱՄՆ առևտրային գործընկերների մեծ մասի վրա։ Այսպիսով, 60% կամ 70% սակագները կգերազանցեն այդ դրույքաչափերը։

ԱՄՆ ֆոնդային և պարտատոմսերի շուկաները փակ էին ուրբաթ Անկախության օրվա կապակցությամբ, սակայն ամբողջ աշխարհում ֆոնդային շուկաներն ու ֆյուչերսները անկում ապրեցին։ Դեռևս պարզ չէ, թե որ երկրները կստանան նամակները, սակայն Թրամփը որոշ առևտրային գործընկերների, դրանց թվում՝ Եվրամիությանը և Ճապոնիային մեղադրել է գործարքի հարցում չափազանց խիստ լինելու մեջ։

Այս շաբաթ Թրամփը սպառնաց նամակ ուղարկել «փչացած» Ճապոնիային՝ սահմանելով նրա սակագնային դրույքաչափը 35%: Սակայն դա կարող է բանակցային մարտավարություն լինել, և անհայտ է, թե արդյոք այդ պարտնյորները այն երկրների շարքում կլինեն, որոնց նկատմամբ Սպիտակ տունը նոր մաքսատուրքեր կսահմանի։

Թրամփը նշել է, թե ակնկալում է, որ նամակները կհասնեն մինչև հուլիսի 9-ը, որը համաձայնագրերի մշակման համար վարչակազմի սահմանած վերջնաժամկետն է։ Վարչակազմը բազմիցս հայտարարել է, որ իր ժամանակացույցը ճկուն է այն երկրների համար, որոնք բարի կամքի ուժով ջանքեր են գործադրում Միացյալ Նահանգների հետ բանակցելու համար։

Հետևեք մեզ՝ այստեղ