Ուտելը թույլատրվում է. ճարպոտ մթերք, որոնք կարելի է ուտել առանց վախենալու

Նրանց, որոնք գոհ ենք իրենց քաշից, կարելի է մատների վրա հաշվել: Մեծամասնությունը հավերժական պայքարա է մղում ավելորդ քաշի դեմ կամ հաշվում է կալորիաները:
Սակայն դիետիկ մենյուներ կազմելիս հարկավոր չէ կտրականապես հրաժարվել ճարպերի բարձր քանակություն պարունակող մթերքից: Որոշ ճարպոտ մթերքներ անգամ չափազանց օգտակար են օրգանիզմի համար ու անգամ օգնում են նվազեցնել քաշը:

Past.am-ը ներկայացնում է յուղոտ մթերքի այն ցանկը, որից կարելի է չվախենալ:

Ձու

Կարծիք կա, թե ակնիկը խոլեստերինի վտանգավոր չափաքանակ է պարունակում, որը վնասակար է կազմվածքի ու սրտի համար: Ձվում պարունակվող խոլեստերինը ոչ մի կերպ չի ազդում արյան մեջ խոլեստերինի պարունակության վրա: Բացի այդ՝ ձվում պարունակվում է շատ սպիտակուց ու խոլին՝ նյութ, որը պաշտպանում է բջիջները քայքայումից:

Այնպես որ, անգամ տապակած ձուն միանգամայն դիետիկ սնունդ է:

Ձուկ

Ձկան յուղի օգտակարության մասին վաղուց է հայտնի: Վիճակագրության համաձայն՝ շատ ձուկ օգտագործող մարդիկ քիչ են տառապում դեպրեսիայից, ծերունական տկարամտությունից ու սրտանոթային հիվանդություններից:

Շոկոլադ

Դառը շոկոլադը բացառիկ մթերք է, որում համադրվում են համն ու օգուտը: Ու թեև շոկոլադում պարունակվում է ճարպերի մեծ չափաբաժին, սակայն դրանում հակաօքսիդանտների մեջ քանակություն կա, մագնիում, երկաթ, բջջանյութ: Բացի այդ՝ այն ակտիվացնում է ուղեղի աշխատանքը:

Պանիր

Չի կարելի ժխտել, որ պանիրը բավական կալորիական սնունդ է, այդ պատճառով էլ մարդիկ, որոնք վերահսկում են քաշը, կտրուկ կրճատում են պանրի օգտագործումը: Իզուր, ուտելիս մեկ կտոր պանիրը նպաստում է լավ մարսողությանը, դրանում պարունակվում են բազմաթիվ վիտամիններ՝ В, С, D, A:

Ավոկադո

Կանաչ ավոկադոյում ճարպերն ավելի շատ են, քան ածխաջրերը, սակայն դրանից վախենալ չարժե: Օգտակարությամբ այն նման է ձիթայուղին: Այն ամրացնում է անոթների պատերը, նվազեցնում է «վնասակար» խոլեստերինի մակարդակը, պարունակում է մեծ քանակությամբ կալիում: