6 վայր, որտեղ կարող ես անցկացնել ամառային հանգիստդ ու հանդիպել աշխարհահռչակ աստղերին (լուսանկարներ)

Blognews.am-ը գրում է.

Պատրաստվում եք ամառային հանգստի, սակայն չեք կողմնորոշվում, թե ո՞ւր մեկնել։ Եթե ցանկանում եք ձեր հանգիստը «համեմել» աշխարհահռչակ հայտնիների ներկայությամբ, ապա առաջարկում ենք այցելել այս 6 վայրերը։ 

 6  Հավայան կղզիներ

Աշխարհահռչակ աստղերն ամենից շատ հենց Հավայան կղզիներն են նախընտրում իրենց հանգիստը վայելելու համար։
2012թ․-ին Հավայան կղզիների Կաուաի կղզում իր հանգստն էր վայելում Քեթի Փերին, իսկ Քայնե Ուեսթն ու Քիմ Քարդաշյանը Հոնոլուլու կղզին էին նախընտրել։ Վերջերս Հավայան կղզիների Ալոհա կղզի էին այցելել Բրիթնի Սփիրսը, Շարլիզ Թերոնը, Ուիլ Սմիթը և Քեմերոն Դիազը։
Ինչևէ, 8 կղզիները միմյանցից հսկայական հեռավորության վրա են գտնվում, և այնքան էլ հեշտ չէ երաշխավորել, որ դու միևնույն լողափում կհանգստանաս, օրինակ, Բեյոնսեի հետ։
Այդ պատճառով առաջարկում ենք ընտրել Կաուաին։ 857 քառակուսի կիլոմետր տարածք զբաղեցնող այս կղզին, որն իր մեծությամբ 4-րդն է, հայտնի է որպես աշխարհահռչակ շատ հայտնիների նախընտրած հանգստավայր։ Հայտնի այնպիսի աստղերի հանդիպելու համար, ինչպիսիք են Ջենիֆեր Գարները, Բեն Աֆլեկը և Ալիշա Քիզը, կարող եք տեղ ամրագրել Հանալեյ ծովածոցին նայող հինգաստղանի «St. Regis Princeville» հյուրանոցում (սենյակների գները սկսում են 360 դոլարից)։

 5  Տոկիո

Ճապոնիայի Տոկիո քաղաքը ևս սիրված ճամփորդական ուղղություն է աշխարհահռչակ աստղերի համար։ Սակայն 8,731,000 բնակչությամբ քաղաքում հայտնիներին փնտրելը նույնն է, ինչ ասեղ փնտրելը չոր խոտի դեզում։ 
Այդ իսկ պատճառով առաջարկում ենք Տոկիոյում այցելել «Կախարդական թագավորություն», որը նաև հայտնի է որպես «Տոկիոյի Դիսնեյլենդ»։ Այստեղ են այցելում այնպիսի աստղեր, ինչպիսին Քեթի Փերին, Լեդի Գագան ու Ջեսիկա Ալբան են։
Տոկիոյում աստղերի նման հանգստանալու համար կարող եք տեղ ամրագրել «Park Hyatt»-ում կամ «Ritz Carlton»-ում։ Եթե չեք կարող ձեզ թույլ տալ այս հյուրանոցներում մնալ, փորձեք դրանց մոտակայքում ավելի մատչելի հյուրանոց գտնել կամ այցելել այս հյուրանոցային համալիրների 8 ռեստորաններից մեկը, ինչպես, օրինակ, «Hinokizaka»-ն, որտեղ մատուցվում են ճապոնական խոհանոցի յուրահատուկ ուտեստները։

 4  Լազուրի ափ՝ ֆրանսիական Ռիվիերա

Ամռան ամիսներին Լազուրի ափը բառացիորեն լցվում է աստղերով։ Ֆիգարոյից Սեյնթ Տրոպեզ ձգվող փոքրիկ այս բնակավայրի բնակչության թիվը մինչև 5000-ի է հասնում, այնպես որ զարմանալի չէ, որ «մեծ անուններն» այստեղ աննկատ չեն մնում։ 2012թ․-ին Միջերկրականի Լազուրի ափերին հանգստացել են Ռայան Սիքրեսթը, Նեյլ Պատրիկ Հարրիսը, Էլթոն Ջոնը, Զակ Էֆրոնը, Քրիշտիանու Ռոնալդոն, Նաոմի Ուաթսը։ Սեյնթ Տրոպեզը հայտնի է վարդագույն ճարտարապետությամբ և ծառուղիներով փոքրիկ հրապարակներով։ Քաղաքն ասես ամառային ճամբարի է վերածվել 1950-ականներից ի վեր, երբ այն հայտնի դարձավ Բրիջիտ Բարդոյի շնորհիվ։ Եթե ցանկանում եք հանգստանալ ինչպես հայտնիներն ու տեսնել նրանց, ապա այցելեք Սեյնթ Տրոպեզ։

 3  Դուբրովնիկ, Խորվաթիա

Ադրեատիկ ծովի ափերին գտվող այս անկրկնելի վայրում են հանգստացել Ռիչարդ Գիրը, Քեթրին Զետա Ջոնսը, Փիրս Բրոսնանը, Շոն Քոներին, Ջոն Մալկովիչը, Թոմ Քրուզը, Օփրա Ուինֆրին, Ջեյ Զին և Բեյոնսեն, Բոն Ջովին։ Միջնադարյան ճարտարապետությամբ ու օվկիանոսի գեղեցիկ տեսարաններով հարուստ Դուբրովնիկը գտնվում է Խորվաթիայի հարավային մասում։ Պատմական պարիսպներով հինավուրց այս քաղաքը գրանցված է ՅՈՒՆԵՍԿՕ-ի համաշխարհային ժառանգության օբյեկտների ցանկում։ 

 2  Նոր Օռլեան, Լոս Անջելես

Որոշ աստղեր կարող են Նոր Օռլեանն իրենց տունը համարել։ Օրինակ՝  Էլեն Դեջեներեսը ծնվել է այստեղ, իսկ Ջոլի-Պիթ զույգն ու Սանդրա Բալոկն իրենց երկրորդ բնակարանն ունեն այս քաղաքում։
Նկարահանումներ իրականացնելու համար այս քաղաքը նաև հաճախ ընտրվում է ֆիլմարտադրողների կողմից։ Այնպես որ, հայտնիներին այստեղ հանդիպելը մեծ հավանականություն ունի, հատկապես եթե որոշեք տեղ ամրագրել «Windsor Court Hotel» հյուրանոցում։

 1  Պունտա դե Միտա, Մեքսիկա

Այն բանից հետո, երբ 2011թ․-ին Լեդի Գագան այցելեց Մեքսիկայի Պունտա դե Միտա բնակավայր, այն դեպի իրեն սկսեց գրավել համաշխարհային շատ աստղերի, այդ թվում՝ Չառլի Շինին, Քիմ Քարդաշյանին, Էնի Ուեսթին, Հիլարի Դաֆին, Քրիստեն Դանսթին և Մարիո Լոպեզին։
Հայնիներն այստեղ ամենից հաճախ մնում են «St. Regis Punta Mita» հյուրանոցում:
Իսկ Մունտա Դե Միտայի Էլ Անկլոթ լողափին հայտնիներն ու սովորական մարդիկ հանգստանում են միասին։