Շատերը կարծում են, թե հանրային մարդ լինելը հեշտ է և զվարճալի, սակայն դա այդքան էլ այդպես չէ: Շոու-բիզնեսում՝ հատկապես երգարվեստում, շատ կարևոր է ունենալ կերպար, լինել վառ անհատականություն, կերտել մի ոճ, որը միայն քեզ է բնորոշ: Համաշխարհային շուկայում անգամ դա քչերին է հաջողվել անել, իսկ մեզ մոտ շատ ավելի քչերին: Ինչ խոսք, չեմ կարող չնշել, որ ուրույն ոճ ունենալը կապված է նաև ֆինանսական հնարավորությունների հետ, սակայն գումարը այս դեպքում արդարացում չէ, քանի որ գումարով ճաշակ և մտքի թռիչք չես գնի: Հայկական շոու-բիզնեսում ևս կան արտիստներ, ովքեր հնարավորինս փորձում են աչքի ընկնել իրենց ոճով, լինել նորաձև և ժամանակակից, բայց երբեմն չափից շատ են փորձում: Ձեզ եմ ներկայացնում այն արտիստներին, որոնց ժամանակը և նորաձևությունը իր կանոնների հետևորդն է դարձրել, իսկ դա լավ է ստացվել նրանց մոտ, թե վատ թողնում եմ ձեր հայացողությանը:
Լիլիթ Հովհաննիսյան
Դեռ <<Հայ սուպերսթար>> նախագծի շրջանակներում Լիլիթը հանդիսատեսի մոտ տպավորվել էր իր ոչ ստանդարտ սանրվածքներով և կերպարներով: Այժմ երգչուհին առաջատար նորաձևություն թելադրողներից է համարվում Հայաստանում, բայց պետք է նկատել, որ ժամանակի ընթացքում նա կորցրեց իր հետաքրքրությունը և կրեատիվությունը: Պետք չե այդքան գեղեցիկ լինել, ուր մնաց մի փոքր հետաքրքրությունը: Ի վերջո նորաձև երգչուհի լինելու փաստը դեռ քիչ է դիզայիներ լինելու համար:
Անդրե
Անդրեի դեպքում էվոլյուցիա բառը շատ քիչ է ասված: Դժվար է հիշել, թե երգիչը քանի անգամ է փոխել իր իմիջը և շատ ավելի դժվար է ասել, թե որն է նրա իմիջը:
Էմմի
Կերպարներ ընտրելու հարցում ամենաշատը դժվարացա Էմմիի դեպքում: Տարեթվով, ամսով, օրով և նույնիսկ ժամով կարելի է հերթականությամբ տարբերել նրա կերպարները: Անթիվ փոփոխությունների մեջ նա երբեք չի կորցրել հանդիսատեսի հետաքրքրությունը իր արտաքինի հանդեպ: Տեսնենք թե ինչպիսին կլինի երգչուհին մայրանալուց հետո:
Լուսի
Այո, անհասկանալի կերպարներ էլ պետք է լինեն:
Աստղիկ Սաֆարյան
Աստղիկը այն արտիստներից է, ով մինիմալի մեջ անում է մաքսիմալը: Նրա հանգիստ կերպարները երբեք չեն հոգնեցնում և շատ համահունչ են իր երգերի հետ: Իդեպ Աստղիկը ևս ունի իր բրենդը, որը միայն նա է կրում:
Սիրուշո
Ասել, որ Սիրուշոն աչքի է ընկել տարբեր կերպարներով և իմիջով սխալ կլինի, սակայն նա միշտ մնացել է նորաձև, ոճային և այդ ամենին ավելացրել մի փոքրիկ<<Սիրուշո>>: Երգչուհու խոսքով հիմնականում նրա կերպարների մտահախացումը պատկանում է իրեն և անգամ երբ հագուստ է գնում միշտ ձևափոխում է այն կամ աքսեսուարների միջոցով դարձնում ավելի իրեն մոտ: Սիրուշոյի այցեքարտը եվրատեսիլյան շորն է, որի նման են գրեթե բոլոր մյուս բեմական շորերը: Այ հենց դա էլ կոչվում է ձեռագիր, մի բան, որը հատուկ է միայն իրեն:
Արմինկա
Ամենաէլէգանտ երգչուհին երբեք չզիճեց իր տեղը մեկ ուրիշին և մենք դեռ երկար կսպասենք հաջորդ էլեգանտության ճիչին: Արմինկայի կերպարները աչքի են ընկել իրենց համարձակությամբ և այդ ամենը միշտ եղել է չափի մեջ ու շատ գեղեցիկ:
Հ՚.Գ.
Սա էլ, որ հետո չասեք, թե չկայացած բլոգ է սխալ բաներ է գրում ու վատաբանում հայ աստղերին:)
